Xa está dispoñible RosaLinda, a primeira colaboración que asinan dous dos proxectos musicais máis destacados da escena galega: De Ninghures e Ortiga.
Da mestura entre as raíñas das feiras e o rei das verbenas agroma esta peza bailable e luminosa, na que o amor fía e reborda cada compás e que se presenta como a canción do verán que chega en setembro.
No campo da festa conflúen os elementos máis recoñecibles das dúas bandas: o estilo de Ortiga e a organicidade dos instrumentos de De Ninghures -incluíndo algunha melodía tradicional- son parte dunha fermosa canción que se pecha cun pasodoble do gaiteiro santiagués Juan Bello Mallou e as palabras da súa compañeira, Mercedes Segade, falando do seu amor.
Aquí vai o videoclip dirixido por Lorenzo Negueruela.
Máis novas de música galega contemporánea
Pepe Cunha, 25 anos á fronte do mellor programa de música galega contemporánea, “Ábrete de Orellas”
Fillas de Cassandra presentarán o novo disco “Hibernarse” na Coruña
A cantareira arteixá Fransy lanza o seu novo proxecto en solitario
AMEGA, Leria e A Banda da Loba levaron o galego ao Playa Club
