O Concello avanza, no mardo do Plan de Barrios, coa súa folla de ruta no barrio de Labañou, onde onte se recibiu a obra de humanización executada na rúa Tolerancia, xa peonalizada co obxectivo de conectala coa praza lindeira, un dos principais núcleos de actividade e convivencia veciñal no distrito.
Nestas últimas semanas, os traballos centráronse en adecuar os novos percorridos peonís que discorren entre os bloques residenciais e a praza.
O abano de actuacións incluíu tamén a plantación de case 20 novas árbores entre a praza e a rúa peonalizada. Os traballos para dispor estes exemplares xa foron visibles entre finais de verán e principios do outono, aproveitando días con temperaturas máis suaves para dar tempo a que as árbores enraizasen ben nos parterres, antes de que chegue a tempada invernal.
A concelleira Noemí Díaz puxo en valor esta intervención en Labañou e apuntou que, coa peonalización da rúa Tolerancia, “complétase a unificación dunha ampla superficie destinada a usos múltiples”, en alusión ao parque infantil, o espazo de adestramento de calistenia e a pista multideporte existentes na contorna da praza.
Máis novas
