Segue o goberno local menosprezando a Fundación Luís Seoane, no marco dos complicados temos que vive esta simbólica entidade para o tecido cultural herculino. Trala marcha atrás ao polémico concurso da directora substituta, o goberno local aprobaba a convocatoria dun novo concurso pero no marco dun padroado de mínimos, sen a presenza da alcaldesa e presidenta do propio Padroado.
Hoxe, mércores 17 de decembro, a Xunta de Goberno Local, e fóra da orde do día aprobaba a delegación da presidencia da FLS no concelleiro de Cultura e Turismo, Gonzalo Castro.
Unha decisión que preocupa ao BNG, que vén de calificala como “o abandono da presidencia por parte da alcaldesa”. O grupo municipal do BNG lamenta “o seuescaso compromiso persoal” por parte da alcaldesa “cunha institución central do tecido cultural da nosa cidade”.
Mercedes Queixas insta a alcaldesa a que “reconsidere a decisión de abandonar a presidencia e a que, no cadro da política cultural do Concello, lle outorgue a importancia que merece á Fundación Luís Seoane, depositaria do legado do xenial artista coruñés, unha institución que ten todo o potencial para ser o grande centro de arte contemporánea que precisa a cidade e que nestes momentos nin sequera cumpre a función de pór en valor, de mostrar ao público, a excelsa obra de Seoane”.
Máis novas
Un Padroado de mínimos aproba convocar un novo concurso para a dirección da Fundación Luís Seoane
