O programa “Agra no Ágora” arrinca este 2026 co Festival pola Paz e contra as Guerras. Pallasos en Rebeldía e Asociación Agra do Orzán presentan un encontro único no que o humor, a música e a palabra se xuntan para defender a dignidade, a xustiza e os dereitos humanos.
No escenario estarán artistas imprescindibles da escena galega e estatal como a nosa Isa Risco, Mercedes Peón, Marta Sempre Arriba, Inda Pereda, Rendos Pequeno ou Iván Prado
A risa como acto de resistencia.
A cultura como linguaxe universal.
A paz como necesidade urxente.
A cita comprometida, divertida e solidaria será o sábado 31 de xaneiro, ás 19.30 h no auditorio do Centro Ágora.
Como todas as actividades de “Agra no Ágora” son de acceso libre e gratuíto; o programa está financiado polo Concello da Coruña e deseñado en colaboración coa Asociación veciñal Agra.
