Xa pasou máis dun mes dende a constitución da Comisión Especial sobre o Mundial 2030. Pero segue sen haber novidades. Así o recorda o PP, que reclama a entrega da documentación administrativa sobre a sede do Mundial e a convocatoria da Comisión Especial, ambas pactadas para febreiro.
Porén, a día de hoxe, polo menos o Grupo Popular non recibiu nin un papel, e tampouco houbo convocatoria da reunión no mes de febreiro, a pesar de telo acordado o pasado 30 de xaneiro.
Apura o PP ao goberno local ante a anunciada da FIFA para o día 18 de marzo co fin de coñecer os avances para cumprir cos requisitos esixidos. “É un tema que preocupa moito aos coruñeses, hai moita expectación, pero nada se nos di ou se nos explica sobre as negociacións que pode haber en marcha”, critican dende a oposición.
Máis novas
Poucas novidades na constitución da Comisión Especial do Mundial 2030
A oposición pedirá no pleno transparencia arredor do Mundial 2030
Inés Rey asegura que a cidade non periga “en absoluto” como sede do Mundial 2030
