Grande acollida á primeira sesión da VII Semana do Cinema Galego. Había espectación na cidade por ver unha das películas máis galardoadas dos últimos anos e por avaliar o estado de saúde do noso audiovisual.
A Asociación Galega do Audiovisual concentra nesta semana as producións galegas máis recoñecidas do ano (nos Mestre Mateo como en numerosos festivais), como destacou a súa presidenta, a actriz herculina Lucía Veiga, que cunha camiseta do Castelo Conta, deu a benvida e abriu o telón dun Teatro Colón convertido en sala de cine.
Precisamente Veiga fixo fincapé nesa necesidade de seguir enchendo as butacas das salas de cine e do teatro, detalle que serviu para ilustrar a imaxe do ciclo.
De contado os sons e as impactantes imaxes de “Sirat” (o seu director Oliver Laxe non puido estar pola súa apretada axenda) comezaron a mergullar ao público que ateigaba o salón, nese bombazo de incómoda “road movie” que fai saltar a cabeza ao espectador. Grandes loubanzas se escoitaban á saída.
”As liñas descontinuas”
De contado saíron ao escenario Mara Sánchez e Adam Prieto presentando “As Liñas Discontinuas”, debullando como foi o proceso de creación con Anxos Fazáns e facendo fincapé na importancia da música no filme.
View this post on Instagram
A PROGRAMACIÓN RESTANTE
MÉRCORES 8 DE ABRIL – TEATRO COLÓN
- 19.00 h – San Simón, de Miguel Ángel Delgado.
Presentación co director Miguel Ángel Delgado e o actor protagonista Flako Estévez. - 21.00 h – Antes de nós, de Ángeles Huerta.
Presentación coa actriz Cris Iglesias.
XOVES 9 DE ABRIL – DOMUS
- 19.00 h – Deuses de pedra, de Iván Castiñeiras.
- 21.00 h – Ao son da nova regueifa, de Manolo Maseda e Saúl Rivas.
Presentación cos directores Manolo Maseda e Saúl Rivas e regueifeiros.
VENRES 10 DE ABRIL – DOMUS
- 19.00 h – O silencio herdado, de Lucía Dapena González.
Presentación coa produtora Laura Doval. - 21.00 h – 360 curvas, de Alejandro Gándara Porteiro e Ariadna Silva Fernández.
Máis novas
A Coruña acolle a VII Semana do Cinema Galego con oito proxeccións gratuítas
Sirat e Antes de Nós triunfan nuns Mestres Mateo de protagonismo feminino
