Tralas mobilizacións da semana pasada a modo de Byd Bunny as traballadoras do comercio vario de toda Galicia volveron saír á rúa. As dependentas das tendas das grandes marcas do téxtil estatal protagonizaron manifestacións este luns en Ferrol, Lugo, Ourense, Pontevedra, Santiago, Vigo e na Coruña, onde centos de persoas secundaron a chamada da CIG en contra do convenio estatal promovido pola patronal ARTE (Asociación de Retail Textil de España).
A manifestación saíu da Praza de Lugo e atravesou boa parte da cidade ata a sede de Arte, en Montelos, cun ambiente máis reivindicativo e menos festivo que o da semana pasada.
Porque hoxe é un día importante xa que a patronal do téxtil ten pensado asinar un convenio que significaría a imposición de salarios entre 2.000 e 3.000 euros anuais, dependendo da categoría, por debaixo do que estabalece o convenio provincial da Coruña. Unha recorte que chegaría os 5.000 euros para o persoal de nova incorporación nas tendas do Grupo Inditex.
Ademais, o convenio estabelería unha xornada efectiva de traballo anual superior e pérdense outros dereitos como antigüidade, licenzas, días de asuntos propios, o complemento até o 100% nas baixas ou melloras na conciliación, ao tempo que se incrementa a flexibilidade e a falta de previsión nos horarios e calendarios.
A CIG insiste coa patronal galega (na que ten a maioría Inditex) para negociar e asinar un acordo interprofesional galego de comercio que blinde a prioridade aplicativa dos convenios provinciais sobre os estatais, tal e como se fixo en Euskadi.
View this post on Instagram
Máis novas
As traballadoras das multinacionais do téxtil maniféstanse ao Bud Bunny
Centos de traballadores do comercio maniféstanse na Coruña por un convenio “digno”
As traballadoras das grandes cadeas do textil e calzado póñense en folga
