A Fundación Paideia Galiza, coa colaboración da Deputación da Coruña, vén de poñer en marcha unha nova edición de Sonidos Mans Salas, un concurso dirixido a solistas e bandas galegas emerxentes, de calquera estilo musical. Os tres proxectos finalistas poderán gravar un tema e un videoclip nos Estudios Mans da Coruña. Ademais, a banda ou solista gañadora, protagonizará unha actuación ao vivo nunha sala de concertos da provincia da Coruña.
A inscrición permanecerá aberta ata o 24 de xullo a través da web https://salas.sonidosmans.com/
As bandas e solistas interesadas deberán presentar unha canción orixinal mediante o formulario habilitado na plataforma. Un xurado integrado por Sabela Maneiro, integrante de Tanxugueiras; Lucía Aldao, poeta, música e líder da banda PAVA; e o cantante e compositor Enrique Ramil avaliará todas as candidaturas recibidas e seleccionará os tres proxectos finalistas. Estes actuarán en directo o vindeiro 30 de agosto no marco do Festival de la Luz, en Boimorto, nunha audición final da que sairá o proxecto gañador.
A Fundación Paideia Galiza e o seu apoio a artistas emerxentes
Con esta nova edición do concurso Sonidos Mans Salas , que vai xa pola súa sétima convocatoria, continúase co traballo a prol do desenvolvemento de novos proxectos musicais galegos da Fundación Paideia Galiza. Este concurso súmase ó resto de accións que a organización desenvolve para fomentar a actividade artística no sector da música e máis recentemente tamén no sector da danza, poñendo ao servizo das/os artistas emprendedoras/es ferramentas necesarias para visibilizar e profesionalizar os seus proxectos.
Entre as diferentes actividades que se desenvolven a través de Estudios Mans, destacan actividades de aceleración, formación en competencias profesionais, así como a promoción e gravación de artistas.
Estudios Mans ou a gravación de máxima calidade accesible para toda clase de proxectos
