A alcaldesa da Coruña, Inés Rey, inaugurou este martes a primeira Oficina de Atención Cidadá, situada no barrio de Novo Mesoiro, e anunciou a apertura doutra no Centro Cívico dos Mallos, no “último trimestre de 2026”.

“Ao achegar a administración local aos barrios gañamos en proximidade e aforramos tempo, ademais de evitar desprazamentos ás oficinas que están no centro”, argumentou. Neste sentido, insistiu en que “A Coruña son os seus barrios”. “Todos teñen que contar cos mesmos servizos e coa mesma atención”, recalcou.