Xa está en marcha a 10ª edición do Repsol EcoRallye A Coruña, que se celebrará do 17 ao 20 de setembro e que este ano acadará un récord histórico de participación, con 57 equipos inscritos de 17 marcas diferentes.
Unha cita, xa referente do automobilismo sostible a nivel nacional e internacional, invadirá a cidade cos espazos publicitarios, e os ruídos dos seus 43 serán 100 % eléctricos, sete híbridos enchufables e outros sete híbridos non enchufables. Será a praza de María Pita o centro de operacións, onde haberñá, entre outras cousas, un circuíto de Scalextric alimentado a pedais, no que as persoas participantes xerarán coa súa propia pedalada a electricidade necesaria para mover os vehículos.
As carpas permanecerán abertas durante as catro xornadas da proba. O xoves 17 funcionarán de 15.00 a 20.30 horas; o venres 18, de 9.00 a 20.30 horas; o sábado 19, de 9.30 a 20.00 horas; e o domingo 20, de 10.00 a 14.00 horas.
Programa SKPMotor
Para analizar a incidencia do rally, nada mellor que escoitar o programa nº3 desta 5ª temporada do Programa SKPMotor de CUAC FM. Xurxo Varela e o seu equipo falaron con Alberto González e Alejandro Torres da Escudería A Coruña, organizadores do 10º Repsol EcoRally Coruña.
O programa tamén visita Vimianzo para falar con Ana López, secretaria do club Moto Trial O Petouco, na previa do intenso Campionato de España de Trial no Monte Faro. Ademais tamén estivo convidado Marcos Canedo, piloto de Arteixo, gañador na categoría N5 no 2º Rally Terra de Galicia, copilotado pola súa inseparable Carla Salvat nun Toyota Yaris.
Podes escoitar e descargar o programa premendo nesta ligazón.
