A Xunta instou a Adif a axilizar a revisión e formalización da acta de entrega das obras dos elementos comúns e do aparcadoiro da estación intermodal da Coruña-San Cristóbal.

O Goberno galego remitiu a finais de maio a Adif a acta de recepción das obras e o borrador da acta de entrega para a súa revisión.

“Máis de tres mes despois non se recibiu resposta nin observacións por parte do organismo estatal, polo que permanece pendente a formalización da acta de entrega”, apostila.

Por iso, indica que reiterou por escrito a Adif a solicitude para que revise a documentación “e comunique canto antes a súa conformidade ou, no seu caso, as modificacións que considere co obxectivo de completar o trámite”.