Segue sendo unha quimera a unificación da Rede de Bibliotecas da cidade, pero mentres, seguen sendo o corazón dos seus barrios. Para manter a actividade e seguir achegándose ás familias, o Concello organiza 104 actividades de dinamización lectora. Son actividades que permiten que as crianzas aprendan a gozar das artes escénicas, e serven ademais para fomentar a cultura do préstamo de libros.
‘Merendas con contos’ é un dos programas máis veteranos das Bibliotecas Municipais, que leva 32 anos achegando a lectura ás crianzas de entre 3 e 7 anos e ás súas familias. Desde a súa posta en marcha, ‘Merendas con contos’ converteu os contos, a narración e a
representación escénica nunha forma de descubrir a biblioteca desde os primeiros anos.
Unha experiencia que permite ás crianzas achegarse aos libros dunha maneira lúdica e participativa e ás familias compartir un tempo de lecer arredor das historias. Este ano, uns dos protagonistas volverán ser os Ratiños de Lonxedetodo, da compañía Trinketrinke,
Ademais, as Bibliotecas tamén contarán co programa “Bebecontos” (para crianzas de 0-12 meses) ou Cantocontos (de 2 a 3 anos)
As actividades desenvolveranse entre outubro e maio e contarán con sesións de 45 minutos de duración. As propostas terán lugar de luns a sábado, en horario de 18.00 a 18.45 horas, nos seguintes espazos:
● Biblioteca Ágora (luns): 30 prazas
● Biblioteca Sagrada Familia (martes): 20 prazas
● Biblioteca Fórum Metropolitano (martes): 30 prazas
● Biblioteca Monte Alto (mércores): 25 prazas
● Biblioteca Castrillón (xoves): 30 prazas
● Biblioteca Rosales (venres): 16 prazas
● Punto de Préstamo de Mesoiro (sábado): 30 prazas
● Biblioteca Durán Loriga (sábado): 20 prazas
Os horarios e as datas poderán experimentar algunha modificación en función das necesidades organizativas dos centros no momento de pechar o calendario definitivo. As inscricións adóitanse abrir unha semana ante na web municipal.
Máis novas das Bibliotecas
Catro Bibliotecas da Coruña estrean o servizo de préstamo de xogos de mesa
A Biblioteca de Monte Alto, 25 anos tecendo unha rede de amizade a través da amabilidade
