InicioPOLÍTICASande presentou o proxecto de EU-Podemos nos encontros de ASCEGA

Sande presentou o proxecto de EU-Podemos nos encontros de ASCEGA

Publicada o

Por Ubaldo Cerqueiro

Presentaba José Manuel Sande esta mañá de xoves nos eventos da Asociación de Empresarios de Galicia Ascega o seu proxecto como cabeza da lista de Esquerda Unida – Podemos de cara ás vindeiras eleccións do 28 de maio. Como aseguraba na entrevista para o Ascegahoy, “a miña candidatura é un revulsivo de feito ante a mediocridade e o enquistamento desta etapa política na cidade”.

O programador cultural e escritor cinematográfico falou de vivenda, o que foi concelleiro de Cultura e Deporte durante goberno de Xulio Ferreiro, falou de revitalización do comercio local e a importancia dos barrios como eixe vertebrador da Coruña.

Pero sobre todo puxo sobre a mesa a necesidade de afrontar unha real “revitalización da cultura e o deporte, tamén como motores de dinamización económica da cidade”. E nesa liña anunciou unha proposta de convenio de colaboración entre Concello e Autoridade Portuaria para a execución dunha programación cultural e deportiva estable”, “e pública”, nos peiraos interiores liberados dos usos portuarios. A idea é que o Concello sexa promotor de eventos e a Autoridade cedería o uso para eses fins.

Fusión da esquerda?

Se do goberno asegura que foi “moi feble e de paso”, Sande considera que “a oposición da Marea tampouco conseguiu impoñer unha liña de sensatez política”. Pechou esperanzas así a unha posible, e esperada, coalición da esquerda, debullando que dende o seu grupo ofreceron diálogo tanto en setembro de 2022 como este comezo de 2023 cando un manifesto cidadán invitaba a participar a todo o espectro progresista, ante o que, segundo asegurou, o grupo da Marea pechouse e nin sequera respondeu aos ofrecimentos.

Artigos de José Manuel Sande no XdC

ÚLTIMAS

O coruñés Daniel Agra regresa ao India Photo Fest con catro fotografías

O artista galego Daniel Agra presenta catro fotografías da súa serie Tesseract Daydreams no...

O festival LGTBIQ+ Norte Cinema Diverso enche a axenda coruñesa

Norte Cinema Diverso chega este ano coa súa cuarta edición que se celebrará do...

Agustín Fernández Mallo reedita ‘Nocilla dream’: “Algún día as máquinas farán novelas tan complexas como as nosas”

O escritor coruñés Agustín Fernández Mallo reeditou a súa novela 'Nocilla dream' (Alfagura) cando...

Avanzan as obras da zona de deportes de praia de San Pedro de Visma

Visita institucional esta mañá para ver como avanzan os traballos da nova zona de...

DEIXAR UN COMENTARIO

Please enter your comment!
Please enter your name here