Un traballador perdeu a vida tras caer dunha altura de oito metros no polígono de Sabón, no municipio coruñés de Arteixo.
Segundo informou o 112, o suceso produciuse sobre as 19.00 horas deste venres e foi un particular o que alertou do suceso. Ata o punto desprazáronse os profesionais de Urxencias Sanitarias de Galicia-061, a Policía Local e a Garda Civil.
Unha vez no lugar, os servizos de emerxencias explicaron que a persoa estaba inconsciente e que a caída fóra desde un oito metros de altura.
Posteriormente, os profesionais sanitarios confirmaron o falecemento do home.
Abría o turno de intervencións Eugenia Vacas coa intención de defender os dereitos aos animais, e de pedir acción municipal para controlar as colonias felinas nos barrios, nomeadamente en Visma co gallo das obras da demoledora urbanización.
Respondeulle cunha crúa internvención da nova concelleira de Medio Ambiente Yoya Neira, deixando claro que os gatos non son unha prioridade da súa concellería, e botando as culpas á cidadanía que “dá de comer irresponsablemente” ás colonias felinas.
Máis cordial foi a concelleira de Urbanismo Diana Sobral, ante Lucía Fdez. Costa como representante da veciñanza de Someso, e o edil Borrego con Diana Cagide, a representante da Asociación de Veciños de Mesoiro, Vío e As Xunqueiras.
Lucía lembrou a cantidade de veces que teñen denunciando as carencias e falta de mantemento do barrio de Someso, ese barrio creado en 2009 formado polas torres situadas arredor de Espazo Coruña. Lucía recoñeceu que este ano se celebra o primeiro aniversario de ser inseridos no plan limpeza manual e mecánica, polo que xa teñen barrendeiro e papeleiras. Con todo, concretaron que a teórica limpeza cada dúas semanas non se corresponde co estado das rúas.
Criticou o retraso de numerosas obras, do mal estado das beirarrúas, parques infantís, iluminación… “nin están nin se lle esperan”, reflexionaba a representante a cada petición.
A edil Sobral asegurou ter tomado nota de cada petición, pero non deu datas da posta en marcha dos proxectos pendentes de executar.
Cagide quixo treaer a pleno o eterno esquecemento que sofre o lugar de Mesoiro, e os de Vío e as Xunqueiras. Reclamaron a retirada de transporte pesado polo lugar, propoñer a creación de novos aparcamentos, ou un radar de tramo para reducir a velocidade. Criticaron a resposta dunha responsable municipal que lles deixou claro que “tiña mellores que facer”.
Tamén pediron a participación no proxecto do paseo fluvial que se vai realizar no marco do plan de urbanización de Pocomaco:
O edil Juan Ignacio Borrego, como concelleiro do barrio, asegurou que é consciente das necesidades existentes, tras velo insitu, pero deixou ver que a responsabilidade en boa parte dos asuntos non é municipal.
Celebrouse esta mañá de xoves 3 de outubro no Pazo de María Pita un pleno, algo menos denso que os últimos. Un pleno que, como saben, se emite por streaming polo Youtube do Concello.
Un pleno no que se aprobou inicialmente, e por unanimidade, a Ordenanza Fiscal Reguladora das Contribucións Especiais para ampliar o servizo de extinción de incendios, que neste exercicio anual inclúe unha partida de 1.274.532 euros, con vistas a mellorar os equipamentos do equipo de profesionais do parque municipal de Bombeiros, a través da adquisición dunha parcela llindeiro ao parque de Agrela, cun orzamento 431.000€.
A Ordenanza permitirá tamén adquitir unha moto acuática (que se unirá á embarcación e dúas motos de auga existentes no parque), e unha autoescada e un vehículo lixeiro para o transporte de persoal, por un total de 624.000€. Os outros 360.591 euros da partida servirán para a compra dun vehículo de descontaminación con equipamento.
A sesión tamén aprobou inicialmente a nova Ordenanza Xeral de Xestión, Recadación e Inspección dos tributos e outros ingresos de dereito público, destinada a axilizar os prazos burocráticos.
M5: Novo Modificativo de Crédito e execución
Pero o punto central do pleno foi a aprobación dun novo Modificativo de Crédito, un novo cambio no orzamento de 2024, e que segundo Jose Manuel Lage Tuñas servirá para variar os investimentos o plan de Sustentabilidade Turístico; para ampliar o Convenio Intramuros coa Univeridade, e para investir 400.000 euro na Cidade das TIC.
Pero o voceiro do goberno aproveitou a intervención (levou unha reprimenda do voceiro do BNG, e mesmo da alcaldesa por non ceñirse aos puntos da orde do día), para intentar desarmar as acusacións do PP sobre a falta de execución orzamentaria. Lage acusou de falta de “rigor” ao PP, e asegurou que “Consello de Contas di que a Coruña é a cidade galega con maior execución orzamentaria”. Sinalou que o Concello “ten obrigas activas por 59 millóns de euros”, e ademais de botar as culpas á Xunta quixo argumentar que “os proxectos necesitan unha maduración”.
Respondeu o voceiro popular Miguel Lorenzo, que incidiu nos 235 millóns sen executar, e bromeando sobre os retrasos aos que a aludía o propio Lage Tuñas. “De retrasos sabe ben vostede… levamos 9 anos esperando polo Mercado de Santa Lucía…”
Miguel Lorenzo
Mobilidade e Accesibillidade
Presentaba unha moción o BNG denunciando unha moción relativa á mobilidade, lamentando o obsoleto programa da Semana Europea da Mobilidade, e preguntando por accións concretas como o aprobado carril bici de Juan Florez, que xa conta con financiamento europeo. E trouxo propostas Avia Veira, como a posta en marcha da ordenanza de terrazas, a realización dun proceso participativo para crear o novo modelo de transporte público, a recuperación carril bus, a ampliación das estacións de carrís bici ou a anlálise de puntos negros dos carrís bicis contando coas asociacións da cidade.
Avia Veira
Dende o PP lembraron que a cidade mantén os “mesmos problemas de sempre”, recordando que nada se fixo do acordo de 2023 entre PSOE e BNG, como a revisión mapa de liñas, a ampliación horarios, ordenacion terrazas… O PP apoiou a proposta do BNG, que á súa vez aceptou as enmendas do grupo popular.
Os populares quixeron lembrar a problemática da veciñanza dos Mallos que seguen esperando pola reapertura do garaxe que sufriu o incendio do pasado mes de decembro.
A concelleira de Mobilidade deixou claro porque o goberno votou a favor desta moción: porque “estamos traballando nas mesmas medidas”, e destacou as novidades como as 30 estación de Bicicoruña que se instalarán 2025, ou o aumento do tempo de duración dos verdes nos semáforos.
O PP presentou unha moción sobre accesibilidade, denunciando a falta de concreción das axudas á instalación de ascensores. O BNG pediu que se reforce o persoal para axilizar a Oficina de rehabilitación, e o Concelleiro de Urbanismo asegurou que non está habendo tal problema coas axudas, e mentres o PP asegura que 2 de cada 3 euros predeterminados para isto nos últimos dos anos non se acaban de investir, Francisco Dinis aseguraba que a porcentaxe de execucion do programa de subvencións está 84% en 2024, habendo 670 vivendas beneficiadas e 77 persoas con mobilidade reducida.
As Xubias
Non faltou o asunto das Xubias na orde do día. O BNG presentou unha moción para que se coide o esquecido núcleo despois de reunirse coa veciñanza. O PP rescatou a vertente especulativo, e a concelleira Noemí Díaz criticou que era PP o que queria facer unha pasarela ata Santa Cristina, asolagando o barrio.
Tamén volveu o asunto ao pleno nas preguntas finais do BNG, preguntándolle ao PSOE se sabe que está en minoría, e lamentando de terse que enteirar pola prensa de asuntos tan importantes como o convenio con Ginko; ou o nomeamento de Isabel Pardo de Vera como directora do Plan da Fachada Marítima, ou o plan municipal cara o Mundial 2030.
O PP tamén preguntou que medidas vai tomar o goberno para cumprir o acordo plenario do pasado setembro e que rexeitou o convenio con Ginko. Lage Tuñas volveu falar dos “bulos” que asegura existen arredor do proxecto e volveu acusar á oposición de “enfangar”. Si asegurou que a modificacion puntual do Plan Xeral que rebaixa a edificabilidade na zona afectada de 633 a 241 vivendas, e que está paralizada dende 2022, que se “segue tramitando”.
Trouxo o PP unha moción de apoio ás “valentes” mobilizacións dos traballadores municipais da Escola de Musica e aos traballadores de Conserxería dos espazos deportivos. Unha moción que enfrontou ao BNG e ao PSOE co grupo popular, que lle lembrou o pouco que fixo nos últimos anos, e a falta de esixencia á Consellería da Cultura do pago das súas cotas ao Consorcio da Música.
O propio BNG lembrou o estado lamentable das instalacións (aínda onte unha aula quedou anegada pola chuvia), e a falta de pago a parte do profesorado. Mercedes Queixas volveu preguntar, como no mes de maio, onde foron os 250.000€ do orzamento municipal acordados co BNG destinados á Escola de Música.
O Concelleiro Gonzalo Castro quixo deixar claro que eses cartos se destinaron a cubrir déficit provocado por un “desaxuste orzamentario” plurianual, recoñecendo que “hai que tomar decisións”.
Sobre os traballadores de Conserxería Castro asegurou que vai recibir aos conserxes en breve (a pesar de non terlle respondido aínda á petición de xuntanza) e que a intención do goberno municipal é licitar todos os procesos de conserxería canto antes.
Orzamentos
Jorquera condicionou o apoio aos orzamentos de 2025 ao cumprimento dos acordos do ano pasado. Lage Tuñas, entendo a esixencia do grupo nacionalista, quixo poñer de exemplo algunha das medidas postas en marcha como programa de asesoramento para os arrendatarios; así outras que asegurou que van pasar pronto polo pleno como a Ordenanza de Mobilidade, a de Vivendas de Uso Turístico ou o plan Director de Instalacións Deportivas.
Na parte final do pleno, falouse tamén de Venezuela a raiz du rogo do PP, e de Palestina a través do BNG, puidendo destacar unha repulsiva intervención prosionista do edil popular Carlos San Claudio.
O vindero martes 8 de outubro, a partir das 10:00h, e ata o xoves 10 ás 23:00h, as obras de remodelación da Avenida Alfonso Molina realizadas parte do Ministerio de Transportes e Mobilidade Sostible terán varias implicacións no tráfico.
As obras obrigan a cortar o ramal de saída no enlace do km AC-11 – 1.900 ao Polígono de POCOMACO, ofrecendo unha alternativa por San Cristóbal.
Para garantir a fluidez do tráfico durante o dito impacto, tanto a través dos paneis de mensaxe variable da DXT, como a través sinalización específica, itinerarios alternativos (liña vermella no mapa da ruta)
desvíos), que consistirá en facilitar o seguinte enlace en San Cristóbal un cambio de rumbo.
As obras a realizar consistirán na execución dunha nova travesía de telecomunicacións baixo a calzada do ramal actual.
Nesta voráxine de denuncias dos recortes educativos que a Consellería de Educación leva realizado nos centros educativos do país neste comezo de curso, cómpre parar e facer unha valoración global. Uns recortes que teñen un denominador común: a atención á diversidade é a principal prexudicada coa falta de concreción de auxliares de Pedagoxía Terapéutica e Audición e Linguaxe, fundamentais nestes tempos nos que as Necesidades Educativas Específicas son cada ver maiores.
Pero é que se abrimos un pouco a vista, as cifrras son tremendas: este curso a Consellaría reduciu en 80 o número de docentes de PT e AL con destino provisional ao respecto do curso pasado, ao tempo que decidiu non atender as necesidades de atención preferente de máis de 30 centros que así o demandaban e que a CIG-Ensino reclamou na Mesa Sectorial.
Todo a pesar das “mentiras”, como denuncia o sindicato, da Consellería cando anunciaba o Plan MEGA, que intentaba dotar de profesiorado de apoio aos centros que se adherisen. A realidade é que cada vez son máis os centros que se queixan pola falta de Auxiliares, o de Coidadoras asignadas a alumnado concreto con altas NEE pero que non acaban de chegar.
Segundo a CIG “nas prazas adxudicadas do Plan MEGA tan só o 42% delas (69) son de PT e AL, unha cifra xa de por si inferior aos recortes previos”. E ademais, “dentro das prazas de PT a AL do plan MEGA máis do 27% delas son a media xornada, polo que o custe económico do que falamos non é xa de 69 docentes senón do equivalente a 59 salarios a xornada completa”.
Van a máis as críticas do sindicato unha vez que o Plan só inclúe contratos do 10 de setembro ao 30 de xuño, no canto de ser por todo o curso escolar como corresponde a unha interinidade sen persoal substituído), permitíndolle á Xunta aforran un 13% da masa salarial: deste xeito, realmente están gastando o equivalente a 52 mestres e mestras de PT e AL a tempo completo”.
”Este e non outro é o “esforzo” de Educación: aforran cando dotan con menos docentes dos que recortaron en xuño, desatendendo as peticións dos centros”, critican dende o sindicato.
A exsecretaria de Estado de Transportes Isabel Pardo de Vera renunciou a dirixir o plan estratéxico da Coruña 2030-2050, así como o proxecto Coruña Marítima, que determinará a reordenación dos peiraos urbanos, para evitar “controversias políticas artificiais”.
Apunta, ademais, a “intereses partidistas locais” co obxectivo de “entorpecer” o labor do goberno local e que “buscan a confrontación política”.
A través dun comunicado, a tamén expresidenta de Adif explica que decidiu “non materializar” a súa participación nestas iniciativas “na forma inicialmente prevista” para que o consistorio poida “seguir traballando polos coruñeses sen estar sometidos a presións innecesarias”.
Pardo de Vera denuncia que “nos últimos meses circularon unha serie de acusacións infundadas” e “noticias falsas” sobre a súa persoa polas que tomou a decisión, “tras consultar á alcaldesa”, Inés Rey, de renunciar a ambas as iniciativas. “Non estou disposta a que estas maledicencias sigan afectando o equipo de goberno e a min mesma”, recalca.
No texto, fai referencia a “mentiras publicadas” como a acusación de non asinar o contrato de colaboración co Concello “para seguir percibindo a compensación que recibía como exsecretaria de Estado” e asegura que o pasado mes de xaneiro renunciou “voluntariamente” á devandita remuneración.
Ademais, cita “noticias falsas” sobre a súa “colaboración” co fondo europeo de investimento Ginkgo Advisor, propietario das parcelas para a rexeneración urbana do barrio das Xubias, respecto da cal apunta que a súa relación “se cingue unicamente ao proxecto de rexeneración urbana da Fábrica de Gas de Oviedo”.
“É unha pena que o debate público sobre un proxecto tan importante –o plan estratéxico– fose desvirtuado por intereses partidistas locais, cuxo obxectivo parece ser entorpecer as grandes ambicións que ten para a cidade o seu equipo de goberno”, indica.
O PSOE CULPA AO PP
“Lamentamos profundamente a decisión que tivo que tomar Pardo de Vera, perdemos un valor moi importante e a unha persoa cunha valía máis que demostrada”, sinala, á súa vez, o goberno local.
“Entendemos tamén os motivos da súa decisión: ninguén debería estar exposto a bulos, mentiras e acusacións falsas que afecten á súa vida profesional e mesmo á súa vida familiar”.
“É unha mágoa que esa forma irresponsable e sucia de facer política que practica o PP acabe contribuíndo a que grandes profesionais dos seus respectivos sectores non queiran traballar nesta cidade para evitar verse expostos a ataques difamatorios que afecten as súas vidas”, conclúe.
A exposición do PP
Para o PP, a dimisión de Pardo de Vera para ser nomeado Director do Plan Estratéxico municipal, ” é lóxica e agardada”.
“A decisión de Inés Rey de nomeala para este cargo vital para o futuro estratéxico da cidade foi insostible tanto para a propia Alcaldesa como para o interesado, tras coñecer a súa vinculación persoal co fondo luxemburgués que quere golpear As Xubias e a súa relación con As Xubias. outros proxectos estratéxicos como San Pedro de Visma ou a fachada marítima”, expón o PP.
O CEIDA, sito no Castelo de Santa Cruz (Oleiros), acolle estes sábado 5 e domingo 6 de outubro, un encontro que ten como principal obxectivo sensibilizar e divulgar sobre a crise climática, a única provocada pola acción do ser humano, son necesarias.
O título deste ano é “Crebeiros do Mundo / Beachcombers around the wordl”, para darlle valor ás Crebas (todo aquelo recollido nas praias, devolto polo mar e susceptible de ser reutilizado) como Arte.
Falarán Manuel Arias Ballesteros, do Instituto de Ciencias del Mar, ou os usuarios do Proxecto EntreCrebas que se desenvolve cada mes no areal das Lapas protagonizada polos internos do CIS.
Tamén haberá un bloque sobre experiencias de saúde dos nosos océanos con representantes de Surfrider, Brigadas do Mar (Portugal), Plasticus Marítimus (Portugal) ou de Surfistas Vixiantes do Mar (Oviedo). Pola tarde do sábado falarán tamén mergulladores galegos participantes en limpezas dos fondos, membros da Asociación Vivir sin plásticos; do colectivo Mi Pueblo Limpio ou representantes das Confrarías galegas.
A xornada do domingo 6 de outubro, será unha visita guiada ao local de Retoqueretro.
”Lonxe de paliar a contaminación mariña por plásticos, a tendencia é que imos a peor”, denuncian dende Mar de Fábula. “Non abonda con prohibir a fabricación de palliñas e bastonciños de plástico, precisamos medidas urxentes e efectivas por parte dos gobernos e das administracións”.
A Coruña acolle estes venres 4 de outubro e sábado 5 de outubro a VII edición do Encontro de Intervención en Espazos Invisibles. Un evento que convida a artistas e comunidades a transformar espazos abandonados ou invisibilizados da cidade en plataformas de creación cultural; que invita a reflexionar sobre a ocupación cultural destes espazos e de fomentar a creación artística en diálogo coa comunidade.
O encontro ten como obxectivo principal visibilizar aqueles lugares marxinados do acceso á cultura, abrindo un diálogo entre a arte e as comunidades que os habitan.
Nesta última edición, ofreceuse unha proposta diversa e dinámica, que inclúe residencias artísticas, talleres, concursos de ideas e exhibicións de intervencións artísticas. Destaca o enfoque colaborativo entre os artistas invitados e a comunidade local, quen traballará man a man para dar nova vida a estes espazos esquecidos. Os artistas convidados nesta edición foron Janet Novás, Alejandra Aguirre e Vicente Galaso que puxeron a súa arte e saber facer ao servizo do proxecto e a comunidade.
Esta fin de semana, o público xeral poderá gozar do resultado final dos talleres en espazos públicos da cidade. As intervencións presentaranse o venres 4 de outubro a partir das 19:00h en rúa Capitán Troncoso da Coruña, e o sábado 5 de outubro a partir das 13:00h na praia de Oza (A Coruña).
Este outubro o programa artellado por Tomi Legido é tremendo, coa chegada de catro bandas dos Estados Unidos, unha de Australia e outra de Canadá. Pero tamén música galega, como a volta este sábado de Brais Morán & Nasaufunk.
Pero ademais de música, haberá tamén este mes de outubro dúas noites de humor, no Ciclo Pedro Brandariz, unha Masterclass de guitarra eléctrica impartida polo Twanguero que actúa a noite anterior e algunhas propostas galegas e estatais. Ademais, contarán con tres DJ convidados (Vane Vamp na noite de Camellos, Pepe Cunha despois do concerto de Paul Collins e The Hyppest Ofcats no Halloween, despois da única actuación en Galicia de The Lords Of Altamont na súa xira de despedida. Un punk Sunday rock con The Black Halos Oh, e unha banda tributo a The Cure, Depeche Mode, New Order e Joy Division o venres 4.
Esta semana comeza o xoves 3 de outubro con Mojo Thunder (EE. UU.), que volve trala chegada en 2023 cun concerto ás 21:30h no que presentará o eu novo disco, “The Infinite Hope”, puro sabor americano.
A cita do venres, ás 22:00h, será con The Exploding Boys, que lembran 4 bandas clave en la historia del Rock: The Cure, Depeche Mode, Joy Division e New Order.
A do sábado será a cita do herculino Brais Morán & Nasaufunk, a partir das 22:30h, no marco do ciclo chamado #CoruñaRepúblicaMardiGras. Gañadores do Premio Martín Codax na última edición 2024 na categoría Funk, Blues, Soul, ofrecen un concerto cheo de vitalidade con repertorio en galego e moitas gañas de festa.
La Mare no Garufa
Pola súa parte, o Garuga Club acolle este venres o concerto de La Mare a partir das 22:30 horas, un concerto dentro do sétimo ciclo Elas Son Artistas que segue centrado en mulleres artistas de diversas disciplinas.
Este xoves, de 10 a 12 horas, a furgoneta da ONG Betania fará parada na rúa Fonseca da Coruña para traer a súa crúa campaña #Sinputerosnohayesclavas. Subvencionada polo Ministerio de Igualdade, están percorrendo o país espallando patente este necesario discurso contra os grandes culpables da prostitución ilegal, que non son outros que os propios consumidores de prostitución, os puteros.
A campaña trata de concienciar, sensibilizar e previr a explotación sexual e a trata de mulleres e menores en España. Fano con esta furgo, transformadada nunha habitación de prostíbulo rodante, con luces de neón que resaltan na escuridade na que viven estas mulleres, e baixo as cales os puteros son cómplices dunha auténtica escravitude na meirande parte dos casos.
A través dun stand de sensibilización, onde reparten folletos informativos e interactúan coa veciñanza, fomentando a implicación social para denunciar aos cómplices das tramas.
”Os consumidores de prostitución son pezas clave na ecuación da explotación sexual xa que sen demanda de prostitución a explotación sexual non existiría e a realidade é que os maiores consumidores de pornografía e prostitución son os homes. Hai homes que consideran que a súa satisfacción sexual é un dereito e por iso poden facer o que queiran co corpo dunha muller, consificándoa para iso”, explican dende a entidade.
As cifras
Segundo as cifras facilitadas polo Goberno, en España hai unhas 45.000 mulleres que exercen a prostitución, datos que se extraen do Informe do Centro de Intelixencia contra o Crime Organizado de 2012. Unha cifra que podería ter disminuído ata as 25.000 nesta década, se ben non existen cifras oficiais que permitan facer unha análise concisa desta lacra social na que o noso país é un dos maiores consumidores do mundo.
Betania
Contra este silencio extremo no que sobrevive o “putero”, a entidade, nada en La Línea de la Concepción en 2011, leva rescatadas a 1.000 mulleres de situacións de trata ou explotación sexual.
Para conseguilo, as traballadoras realizan labores de detección de prostíbulos, a maioría deles clandestinos, nos que van gañando pouco a pouco a confianza das mulleres para, por fin, convencelas de que abandonen a situación de trata e conseguir que denuncien aos seus captores. Unha vez rescatadas, estas mulleres pasan polos recursos residenciais protexidos, a salvo das redes mafiosas que as mantiñan cativas, e comeza o seu proceso de recuperación.
Un proceso no que o apoio psicolóxico é fundamental. Ademais de sufrir explotación sexual, moitas sufriron malos tratos físicos e psicolóxicos, chegando incluso a ser toxicómanas tras verse obrigados a consumir drogas con clientes. Situacións que deixan importantes consecuencias nestas persoas e que, con moita paciencia, moito coidado e moita profesionalidade, o noso equipo de psicólogos consegue curar ata que estas mulleres recuperen a súa confianza e saúde.
O proceso continúa coa orientación e formación laboral, axudándolles a atopar un emprego digno e posibilitando que volvan vivir a súa vida, esta vez en plena autonomía.
