Este xoves, o colectivo Libres e Combativas, xunto co Sindicato de Estudantes da Universidade da Coruña, desenvolvía unha concentración no Campus de Elviña para berrar alto e claro contra as agresións sexuais.
Unha cita para amosar o apoio e solidariedade da comunidade escolar coas vítimas das agresións sexuais do Centro Comercial Magic de Badalona, dúas mozas de 11 e 16 anos que sufriron violancións grupais nos baños do centro e que foron abandonadas á súa sorte polo centro comercial, a policía, os servizos sociais e o concello. “Un escándalo maiúsculo que non podemos permitir, nin en Badalona nin en ningún sitio”.
”Tras ser brutalmente agredidas, as vítimas inmediatamente pediron axuda aos gardas de seguridade do Màgic, pero foron ignoradas. Armándose de valor, elas e os seus familiares denunciaron as violacións en comisaría, pero os Mossos d’Esquadra non facilitaron axuda psicolóxica inmediata ás vítimas, tampouco colaboraron coas familias, nin están a actuar decididamente para saber por que ese centro comercial converteuse nun espazo impune para unha manada de agresores sexuais”, critican dende o colectivo estudiantil.
Coincidindo coa semana na que terá lugar unha gran manifestación en Badalona, o colectivo quixo poñer o seu grao de area na cidade.
A 6ª edición do CoruFest, festival que reivindica a diversidade e a igualdade afectivo sexual na Coruña, outorgará por primeira vez o Premio Samuel Luiz ao compromiso social coa visibilidade LGTBIQ+. Un galardón que quere servir de homenaxe ao novo falecido o 3 de xullo de 2021 nunha agresión homófoba no paseo marítimo da Coruña.
O evento celebrarase do 4 ao 14 de maio con figuras “emerxentes e referentes” das artes escénicas e do activismo cultural LGTBIQ+.
O obxectivo, engade, é dar visibilidade “a todo tipo de propostas artísticas innovadoras relacionadas coas disidencias sexuais e de xénero” coa intención de “promover, un ano máis, a reflexión e o debate sobre o respecto á diversidade e á igualdade”.
Diversas sedes da cidade como o teatro Colón, o Rosalía de Castro, o Centro Ágora ou a Fundación Luís Seoane acollerán “propostas nacionais e internacionais que combinan actividades divulgativas e escénicas”, segundo sinala a organización.
PROGRAMA
O talento galego estará representado polas propostas escénicas e musicais de MevaDeus, VACAburra, o Colectivo #ChamizoBelloVila, AldaoLado, Ou Rabelo e Mondra.
Xunto a eles, ofreceranse propostas nacionais e internacionais como ‘Manbuhsona’, da compañía italiana IVONA; a tamén peza de danza ‘Os Cans’, da compañía Led Silhouette e Marcos Morau; ou a proposta teatral familiar ‘Amour’, da compañía vasca Marie De Jong.
Completan a programación figuras contemporáneas do pensamento, a literatura e o activismo como Bob Pop, Roy Galán, Paco Tomás e Carlos Barea.
Primeiras reaccións á decisión do Consello da Xunta de declarar a Casa Cornide como BIC (Ben de Interese Cultural). “A petición reiterada na rúa no trascurso de tres Marchas Cívicas protagonizadas por esta plataforma cívica e que contou coa participación de diversas personalidades da cultura que desenvolveron un capítulo de actos lúdico-festivos escenificando a farsa” foi clave para esta decisión, consideran.
Lembra que “a adquisición da Casa Cornide foi unha operación de Estado urdida durante anos e que se saldou cunha poxa-farsa previamente amañada co fin de evitar que aparecera diante da opinión pública como unha simple trasmisión dunha propiedade pública a unha persona privada como é Carmen Polo, esposa de Franco. Pedro Barré gaña esa poxa e vende o inmobel a Carmen Polo por 25.000 pesetas”, explican.
Defensa do Común lamenta a tardanza desta tramitación por parte do executivo autonómico xa que o expedente presentado polo Concello da Coruña data do 14 de maio de 2021 a pesar das reiteradas peticións para su axilización, circunstancia que posibilitou que “a familia Franco utilizara o histórico inmóbel ao seu antoxo”.
Defensa do Común considera que “A Coruña ten dereito a recuperar unha propiedade que forma parte do patrimonio histórico-cultural da cidade, mais tamén o optimismo, a saber que as institucións públicas empregaranse con enerxía contra quenes continúan considerando o común como fonte inesgotábel de plusvalías”. Para impedilo, Defensa do Común anuncia estar disposta a seguir chamando á mobilización coa convocatoria da IV Marcha Cívica.
O Goberno central vén de aprobar a concesón de 9,1 millóns de euros para o Concello da Coruña no marco na segunda convocatoria dos fondos europeos Next Generation. Unhas axudas, que se complementarán cunha achega municipal de 3,1 millóns de euros, que prermitirán acometer 17 proxectos na cidade por un importe total de 12,3 millóns de euros.
Con estas cifras, a Coruña “é a primeira cidade do país en investimento por habitante entre as que acadaron maior financiamento cunha media de máis de 37 euros por persoa”. Ademais, os 9,1 millóns súmanse aos 44 millóns obtidos neste mandato de distintas Administracións e xa están executados ou en execución.
Os 17 proxectos cofinanciados son:
Ampliación de BiciCoruña
Estación de Bicicoruña en Pablo Iglesias
A meirande partida será a de 2,5 millóns de euros para ampliación do servizo de BiciCoruña, cunha ampliación das 55 estacións que están previstas e en execución.
Urbanización da avenida da Sardiñeira
Hai 1,8 millóns destinados á urbanización da avenida, coa creación dunha glorieta que conectará a Sardiñeira coa avenida de Arteixo. A actuación contempla outras novidades para a avenida, como un carril bici bidireccional, a implantación do sentido único na rúa Europa e a modificación da intersección coa rolda de Outeiro. Os traballos complementarán os que se realizan para a creación da estación intermodal.
Reurbanización de Pla y Cancela
Melloraranse as condicións de accesibilidade en Pla y Cancela. Esta actuación complementará á xa executada na glorieta entre a rolda de Nelle e a avenida de Arteixo. Ampliaranse as beirarrúas e crearanse novas zonas verdes. O orzamento da actuación é de 1,1 millóns de euros.
Reurbanización das rúas San Mateo e Padre Sarmiento
Esta actuación suporá a creación dunha plataforma única na rúa e permitirá incrementar as zonas verdes e manter a tendencia dos elementos que caracterizan ao parque de Santa Margarida. A actuación suporá un investimento de 833.000 euros.
Mellora de accesibilidade ao Centro Oncolóxico
Esta actuación busca mellorar os accesos peonís e en coche ao Centro Oncolóxico. Instalarase un pavimento accesible para a circulación peonil e melloraranse as condicións de seguridade para as persoas que accedan en vehículo privado e para ambulancias. Ademais, crearase unha parada de taxis que dará servizo ao hospital e renovarase o sistema de iluminación. Esta obra terá un orzamento de 411.000 euros.
Creación de escaleiras mecánicas en Adelaida Muro e Pintor Villar Chao
Trátanse de melloras de accesibilidade nas dúas rúas, onde a día de hoxe hai varios tramos de escaleiras. Os proxectos contemplan a instalación de novas escaleiras mecánicas, que suporán unha mellora no tránsito de viandantes. Tamén se actuará sobre o pavimento e se dotará a ambas actuacións de novo mobiliario urbano. O orzamento é de 1,1 millóns de euros no caso de Adelaida Muro e de 433.000 no caso de Pintor Villar Chao.
Reurbanización da rampla do Matadoiro
Esta actuación consistirá na ampliación das zonas peonís, a renovación de diferentes servizos municipais, a plantación de novas zonas verdes e a instalación de mobiliario urbano. O seu orzamento é de 548.000 euros. O obxectivo é mellorar o tránsito peonil e aproveitar o máximo o espazo para o seu uso pola cidadanía.
Melloras de accesibilidade entre Peruleiro e a rúa Barcelona
Esta actuación permitirá adaptar diferentes rúas desta zona á normativa actual de accesibilidade. A actuación comprende a totalidade das rúas Fanny Garrido e Julia Minguillón.
Tamén se reurbanizarán varios tramos de Manuel Deschamps, Almirante Mourelle e Páramo. A actuación vai na liña de outras levadas a cabo na cidade en materia de accesibilidade e terá un orzamento de máis de 600.000 euros.
Melloras de accesibilidade na cidade para mobilidade reducida
Esta actuación conxunta en tres puntos da cidade xa foi executada nos últimos meses e, agora, o Concello recuperará o investido a través destes fondos Next Generation. Trátase dunha das propostas gañadoras dos Orzamentos Participativos. No Paseo das Pontes, no seu cruzamento coa avenida de Finisterre, instalouse unha nova parada de bus e melloráronse as beirarrúas. Por outra banda, instaláronse novos pasos peonís en Maxistrado Manuel Artime e na avenida da Concordia. O orzamento total desta actuación xa executada foi de 208.000 euros.
Glorietas na avenida de Fisterra
Inclúense nesta convocatoria as dúas glorietas que temos plantexadas na Grela, na avenida de Fisterra, nos cruzamentos das rúas Gambrinus e Gutenberg. O orzamento de cada unha das actuación será de 390.000 euros.
Reordenación do cruzamento entre a rúa Bergondo e a avenida Casanova de Eirís
Implantarase unha glorieta e melloraranse as condicións de accesibilidade. Tamén se actuará sobre o pavimento de toda a contorna e plantaranse novas árbores. Esta actuación terá un orzamento de 193.000 euros.
Contornas escolares seguros
Outra actuación deste programa, nesta ocasión na praza Pintor Laxeiro. Renovarase o pavimento deteriorado, reorganizaranse as diferentes seccións da rúa, sanearase e incrementaranse as zonas verdes e, en definitiva, levarase a cabo unha mellora estética xeral da praza. O orzamento ascende a 400.000 euros.
Mellora de accesibilidade na rúa Castaños
Cun orzamento de 200.000 euros, realizarase a creación dunha rampla que permita que esta rúa do Barrio das Flores e o acceso ás vivendas sexa 100% accesible. A actuación contempla tamén a creación dun novo acceso desde a avenida de Monelos e se mellorará tamén o acceso ás vivendas.
Reforzo da sinalización de pasos de peóns
Actuación global en toda a cidade que consistirá na instalación de novas sinais para os pasos de peóns. Serán sinais luminosas con placas solares. O obxectivo é mellorar a seguridade viaria e o orzamento será de 280.000 euros.
Mellora de accesibilidade nas paradas de autobús
Adaptaranse 11 novas paradas as necesidades de todas as persoas usuarias. A maioría estarán situadas na zona dos Castros, Castrillón e Eirís, pero haberá tamén melloras en Monte Alto ou Catro Camiños. A actuación ten un orzamento de 694.000 euros.
O Consello da Xunta acaba de declarar como Ben de Interese Cultural a Casa Cornide, sita na cidade vella da Coruña. O histórico edificio, erguido arredor do 1750, é actualmente propiedade da familia Franco e, ademais, atópase en proceso de venda, a pesar de que hai varios informes que sinalan que a súa adquisición foi irregular.
Con esta declaración, o Goberno galego pretende dotar da máxima protección a un edificio emblemático da cidade herculina e que foi residencia dun dos grandes ilustrados galegos, o humanista José Andrés Cornide y Saavedra, xeográfo e naturista.
Esta casa, case abandonada no centro da Coruña, foi obxecto de numerosas mobilizacións sociais pola intención da familia Franco de vendela.
Con todo, a declaración BIC que parte dunha solicitude iniciada en 2019 polo Concello da Coruña, que a Xunta tardou máis de ano e medio en aprobar, recoñece o “gran valor cultural” deste edificio, segundo sinalou o presidente galego, Alfonso Rueda, e obriga aos actuais propietarios, á familia Franco, a protexer os obxectos que ten no seu interior así como permitir a visita catro días ao mes.
Ao ser preguntado se sancionarán á familia Franco se non cumpre coas súas obrigas, Rueda destacou que a Xunta ten que “facer cumprir a lei” e se o réxime de visitas non se cumpre, haberá sancións, como xa aconteceu no caso do Pazo de Meirás. En relación aos obxectos que hai no interior da vivenda, o presidente galego indicou que, cando a declaración BIC sexa efectiva, “se se retira algo do seu interior será castigado”.
O Concello impulsará os trámites para recuperar a propiedade
O Concello da Coruña incorporará agora dita declaración ao expediente co que acudirá aos xulgados para demandar a propiedade do ben, en mans da familia Franco desde 1962.
O Concello tamén solicitará que, igual que se fixo con Meirás no seu día, a Casa Cornide abra de xeito inmediato ao público.
No marco dunha operación doble en España e Paraguai, coordinada pola Interpol e desenvolta pola Policía Nacional, un piso de citas foi desmantelado na Coruña (e outro en Córdoba) detendo a varias persoas acusadas de pertencer a organizacións criminais dedicadas á trata mulleres para a explotación sexual.
As vítimas, mulleres vulnerables capturadas principalmente en Paraguai, eran recrutadas no seu país de orixe a través de redes redes sociais ou contactos establecidos nese país. Eran enganadas cun futuro mellor en Europa, facilitábanlle a súa viaxe a España pero ao chegar eran recollidas por membros da
organizacións e trasladadas aos diferentes pisos, onde vivían e se prostituían en condicións de escravitude.
Controladas a través de cámaras de vídeo vixilancia instalada nos pisos, as mulleres que estar dispoñible as 24 horas do día sete días á semana, non podían escoller nin rexeitar ningún cliente ou tipo de servizo, non eran libres para decidir cando saír á rúa, e só percibían unha porcentaxe dos beneficios obtidos polo seu traballo.
Durante a operación, sete mulleres foron liberadas entre Córdoba e A Coruña (3 na nosa cidade) e 14 persoas foron detidas (10 no noso país e catro máis en Paraguai), entre os que se atopa unha cantante emerxente e coñecida paraguaio.
Así desmantelaba a @policia un piso de trata de mulleres que vivían nunhas terribles condicións de exclavitude, no marco dunha operación internacional entre España e Paraguai, que se saldou con 7 mulleres liberadas e 14 detencións.
Aquí a info completa: https://t.co/pStJEha72qpic.twitter.com/w9kqhM4MTU
As redes tamén se dedicaban á venda de substancias estupefacientes e medicamentos para a disfunción eréctil aos clientes que o demandasen. De feito, nos oito rexistros domiciliarios realizados nos dous operativos, interveu, entre outros obxectos, 19.700 euros en metálico, cheques ao portador por un valor de 63.000 euros, 35 títulos de propiedade de bens inmobles e vehículos, seis reloxos de luxo, seis vehículos, 24 teléfonos móbiles e 27 doses de cocaína.
Esta operación enmárcase no Plan Nacional de Policía contra Trata de seres humanos con fins de explotación sexual. Policía Nacional conta coa liña telefónica 900 10 50 90 e o correo trata@policia.es para facilitar a colaboración e a denuncia da cidadanía de xeito totamente anónimo.
O BNG anunciou que vai denunciar ao goberno local da Coruña ante a Xunta Electoral de Zona por convocar a ‘cea do deporte’ o próximo 5 de maio, “apenas uns días antes do comezo da campaña das eleccións municipais”.
Segundo precisa a formación política, o 4 de abril publicouse no Boletín Oficial do Estado (BOE) o decreto de convocatoria das eleccións municipais. A partir dese momento, e segundo a lei electoral vixente, engade, “non se poden producir actos de propaganda institucional”.
Para o portavoz do BNG no Concello herculino, Francisco Jorquera, trátase de “un intento por parte do goberno local de usar recursos públicos, institucionais, para publicitar o labor do propio goberno local, o cal contraviene por completo o establecido na lei electoral vixente”.
O tamén candidato nacionalista á Alcaldía reclama “xogo limpo” na campaña e que “non se usen recursos públicos, recursos de todos os cidadáns, con fins partidistas e electorais”.
Este mércores 26 de abril, celebrouse no Obelisco unha concentración convocada pola Plataforma SOS Sanidade Pública. Unha mobilización que tivo como obxectivo apoiar a Iniciativa Lexislativa Popular (ILP) que ten colleitadas 50.000 sinaturas para esixir o reforzo da desmembrada Atención Primaria.
A Operación Cerro Azul, desenvolvida pola Garda Civil da Coruña, saldouse coa detención de dúas persoas (unha delas un veciño de Arteixo) por tráfico de drogas e permitiu desmantelar un laboratorio dedicado á síntese de distintos tipos de sustancias estupefacientes situado en Xetafe (Madrid).
A operación, iniciada a comezos deste ano, prestaba atención á venda ‘polo miúdo’ de drogas en locais e zonas de lecer da provincia da Coruña. No marco desta vixilancia, os axentes detectaron a un home que, de maneira esporádica, desprazábase á provincia da Coruña para mercar cocaína e distribuíla en clubs de alterne.
Noutra viaxe realizada polo home, de nacionalidade estranxeira, a Garda Civil interviu xusto cando estaba mantendo un encontro nun vehículo cun veciño de Arteixo para mercar droga. A Garda Civil identificou entón os ocupantes do vehículo e procedeu á inspección do mesmo. No coche, foi localizado un paquete rectangular de 1.150 gramos de cocaína.
Tras deter aos dous individuos, os axentes practicaron entradas e rexistros nas súas vivendas, en Arteixo e Xetafe. Neste último foi desmantelado un laboratorio de procesado de diversas sustancias estupefacientes, e incautáronse utensilios para a súa manipulación e un vehículo.
A operación finalizou coa incautación de 4,3 quilos de cocaína, 5,6 quilos de MDMA, 1,5 quilos de pastillas de éxtases e abundante sustancia de corte, básculas de precisión, prensas e envasadoras ao baleiro. Os detidos foron postos a disposición do Xulgado de Instrución nº5 da Coruña, acordándose o ingreso en prisión do afincado en Madrid.
Un home resultou ferido na noite deste pasado mércores na localidade coruñesa de Culleredo despois de caerlle encima do peito o brazo dun tractor, polo que tivo que ser trasladado ao Hospital da Coruña.
Tal como informou o 112 Galicia, os feitos ocorreron sobre as 21,00 horas nunha vivenda situada no lugar de Travesía de Outeiro e foi un particular o que alertou aos servizos de emerxencia. Esta persoa explicaba que o tractor estaba estacionado nunha casa cando, sen chegar a envorcar nin a moverse, a pluma desprendeuse e caeu sobre o home, duns sesenta anos de idade.
A peza golpeouno directamente no tórax, provocándolle lesións, polo que urxencias sanitarias trasladouno ao centro hospitalario. No operativo tamén participaron os axentes da Garda Civil e os membros do servizo municipal de Protección Civil.
