Inicio Blog Páxina 723

Volve, de noite, a Carreira da Luz, solidaria coa Fundación Diego González Rivas

Ubaldo Cerqueiro
-
0
Volve, de noite, a Carreira da Luz, solidaria coa Fundación Diego González Rivas

Cita deportivo-solidaria imprescindible a que recupera o Instituto Miraflores de Oleiros despois do parón pola pandemia. A V Carreira da Luz – IES Miraflores celebrarase na noite do vindeiro 21 de abril. Trátase dunha proba popular que serve de fío condutor ao centro para aprenderlle ao seu alumnado valores solidarios, deportivos e de convivencia, cooperación e solidariedade.

Para iso cada ano escollen unha entidade social. Este ano van da man da recentemente constituída Fundación Diego González Rivas, unha entidade con selo galego que ten como finalidade a investigación médica e que leva o nome do cirurxián coruñés que dende hai máis dunha década, estivo operando en todo o mundo a persoas sen recursos e con enfermidades torácicas a través da súa técnica de cirurxía Uniportal VATS.

Coa cantidade recadada preténdese dotar de LUZ a este proxecto, que se puxo en marcha con éxito a semana pasada tras realizar unha complexa operación que salvou a vida, neste caso, de dúas persoas. A paciente ten 12 semanas de embarazo, polo que era tan urxente realizar a operación. En palabras do doutor Diego González Rivas “Yahaira tivo unha excelente recuperación despois de ter sido operada este luns na Coruña nunha complexa operación na que lle extirparon o tumor carcinoide que tiña no pulmón esquerdo e que agora está de volta en Perú” .

O seguinte obxectivo da Fundación é a adquisición de material e a obtención dunha Unidade Móbil de Cirurxía en África, para poder realizar, a través da súa técnica Uniportal VATS, aquelas cirurxías que non se poidan acometer, por falta de recursos, en países en vías de desenvolvemento.

Diego Gonzalezz Rivas en Africa
Diego González Rivas en África

A Carreira

Trátase dunha carreira nocturna na que poden participar persoas de todas as idades, con categorías desde biberóns ata super veteranos.A cita será o21 de abril a partir ddas 20:00h e se desenvolverá na Polígono industrial de Iñás (Oleiros), entre as Rúa Barbanza, Rúa Salnés, Rúa Soneira e Rúa Silvas.

Poden inscribirse de xeito presencial no no IES Miraflores, os días 18, 19 e 20 de abril, de 10:10 a 12:30h. e a través do formulario da páxina web do centro, segundo as indicacións, e sendo imprescindible achegar o resgardo de ingreso/transferencia (ao número de conta ES08 2080 0064 9230 4001 6160) a través de correo electrónico: carreiradaluz@iesmiraflores.gal. Os menores de 18 ofrecen un donativo de 6 euros e os maiores de 12.

A Coruña, Oleiros e Arteixo, entre as zonas de toda España nas que máis xuramentos se din

editor
-
0
A Coruña, Oleiros e Arteixo, entre as zonas de toda España nas que máis xuramentos se din

Ata 12 xuramentos diarios dicimos na Coruña-Arteixo-Oleiros. Así o recolle un estudio realizado por Preply. Tras facer unha enquisa entre 1.500 residentes de 19 zonas de todo o estado, o estudio sitúa á área herculina entre as tres que máis palabras feas din ao día, despois de Santa Cruz de Tenerife e Granada.

Segundo o estudio, os españois din unha media de 9 bocaladas ao día, unha cifra inferior á media doutros países como Estados Unidos (21), Polonia (19), Reino Unido (10) ou Alemaña (10).
En canto á aceptación social dos groserías, as respostas sinalan que o 48,63% afirma sentirse ofendido polo uso das mes,mas, mentres que o 51,37% afirma que non o fai. Aí a nosa zona tamén marca un récor, recoñecemendo un 66,7% da poboación que tolera sen problema os tacos.

A meirande parte dos herculinos xuramos (un 40%), sobre todo, contra nós mesmos, segundo a enquisa, sendo tamén habitual contra os amig@s.

Os lugares onde se di máis blasfemias son as reunións cos amigos, na casa e no coche mentres conduces, mentres que diante das crianzas, e máis dos xef@s, son os momentos nos que intentamos evitar dicilas.

O BNG da Coruña propón o proxecto ‘Primavera Cultural’ para impulsar este sector e as súas actividades

europapress
-
0
O BNG da Coruña propón o proxecto ‘Primavera Cultural’ para impulsar este sector e as súas actividades

O BNG da Coruña propuxo impulsar o proxecto ‘Primavera Cultural’, unha iniciativa para potenciar o sector vinculado á cultura e co obxectivo de promover unha cidade “creativa”.

Así o expuxeron, nun encontro cos medios, a concelleira do BNG Avia Veira e a deputada da formación nacionalista no Parlamento galego, Mercedes Queixas, candidata número 2 e 3, respectivamente, nas próximas eleccións municipais.

“Falamos dun proxecto que enfocaremos desde unha perspectiva integradora, transversal, plural, feminista, galega e universal”, remarcou Mercedes Queixas, portavoz de Cultura do BNG no Parlamento galego e en referencia ás súas propostas para a cidade de face ás municipais.

Esta iniciativa concretarase en accións vinculadas a datas como as do Día do Cómic, da Narración Oral, da Poesía, do Teatro, do Libro, da Diversidade Cultural ou dos Arquivos, entre outras. “Unha ‘Primavera Cultural’ que terá como protagonista o potente tecido creativo da cidade”, remarcou Veira.

A Deputación da Coruña abre a convocatoria do seu programa de axudas a entidades vinculadas á cultura

europapress
-
0
A Deputación da Coruña abre a convocatoria do seu programa de axudas a entidades vinculadas á cultura

A Deputación da Coruña abriu a convocatoria do seu programa FO215/2023, de subvencións a entidades sen ánimo de lucro con función de representación sectorial e colectiva, a nivel galego, das persoas ou entidades existentes nos diferentes sectores profesionais e afeccionados da cultura galega.

A institución provincial investirá neste exercicio 200.000 euros, cun mínimo de 1.500 e un máximo de 30.000 por solicitante. O prazo de presentación de solicitudes terminará o 19 de abril.

Segundo informa, poderán ser beneficiarios das axudas as entidades persoais sen fins de lucro e con función de representación sectorial e colectiva, a nivel galego, das persoas.

Por outra banda, a institución provincial convoca 45 bolsas deportivas de 3.500 euros cada unha destinadas a deportistas da provincia que destaquen en competicións federadas a nivel rexional, nacional e internacional.

Unha placa na casa de Xaime Cabanas

editor
-
0
Unha placa na casa de Xaime Cabanas

Despois da simbólica exposición, continúan as homenaxes ao pintor Xaime Cabanas. Esta pasada noite, o Concello da Coruña rendíalle homenaxe coa colocación dunha placa conmemorativa na súa casa natal. “É un día especial na historia da arte coruñesa no que facemos xustiza e memoria a un dos máis grandes artistas da nosa cidade” explicou a alcaldesa, Inés Rey acompañada de familiares e amigos do artista.

A colocación da placa pecha o ciclo de actividades en homenaxe a Xaime Cabanas, que comezou coa exposición “MMXXIII Cabanas” na Sala de Exposicións Municipal de Palexco e o Kiosko Alfonso. “Pechamos o círculo dunha forma simbólica, na súa casa de Monte Alto onde todo comezou, deixando recordo desa arte crítica e libre que tanto o ten caracterizado e que terá pegada nas futuras xeracións de coruñeses e coruñesas” concluíu a alcaldesa.

apg_20230320_ALCALDESA_XAIME_CABANAS_PLACA_002

Novas relacionadas

A cúpula da Medusa xa é historia

editor
-
0
A cúpula da Medusa xa é historia

A desaparición da cúpula da Medusa do Porto da Coruña xa é unha realidade. Na tarde deste luns, 20 de marzo, tivo lugar un derrube programado do que quedaba en pe e agora a famosa estrutura case que está desaparecida da paisaxe do porto.

Sobre as 18.10 escoitouse un forte estrondo na cidade seguido dunha pequena nube de pó negro. Foi o momento escollido para derrubar boa parte da estrutura que aínda queaba en pé. O pasado 24 de febreiro comezaron os traballos previos ao desmantelamento da instalación e o 9 de marzo iniciouse o desmonte da estrutura en si, que foi utilizada para a descarga e almacén de carbón e que leva desde 2019 sen usarse.

Nestas semanas despezáronse as tolvas de carga de vagóns, ademais de tarefas de limpeza. Polo momento non se sabe cal será o destino da estrutura, que nun primeiro momento Naturgy expuxo que podería ser situada noutro lugar.

O tráfico de mercadorías afianza o seu crecemento e pecha febreiro cun aumento do 29%

europapress
-
0
O tráfico de mercadorías afianza o seu crecemento e pecha febreiro cun aumento do 29%

O tráfico de mercadorías no porto da Coruña afianza a súa liña ascendente e pechou as estatísticas de febreiro cun crecemento do 29,38% con respecto aos dous primeiros meses de 2022.

O presidente da Autoridade Portuaria, Martín Fernández Prado, informou este luns destas cifras no Consello de Administración, que deu luz verde ao reforzo dos servizos de pilotaxe, remolque e amarre ante o incremento da actividade no Porto Exterior e a entrada en servizo do pantalán petroleiro.

En xaneiro e febreiro, o porto coruñés moveu 2,7 millóns de toneladas, fronte aos 2,1 millóns de toneladas de 2022. Os graneis líquidos superaron 1,5 millóns e tiveron un crecemento do 19%, mentres que os graneis sólidos seguen destacando de forma notable cunha subida do 63%, pasando o millón de toneladas.

O liderado de Langosteira na importación de materias primas para a alimentación animal, e a súa condición de porto hub para o intercambio de mercadorías entre continentes, explican estes “excelentes rexistros que veñen producindo nos últimos meses no movemento de graneis sólidos”, apunta o porto.

Con respecto ao resto de sectores, a mercadoría xeral anota un descenso do 33%, pola baixada dos produtos siderúrxicos, a pesca sobe un 9% e os cruceiros crecen un 15%, con 6.584 pasaxeiros nos dous primeiros meses, á espera da tempada alta de abril e maio “nun ano que presenta moi boas perspectivas para o tráfico de pasaxeiros”.

ASCEGA sorteará un xamón entre as persoas que demostren estar afectadas por atrasos na xestión das licenzas municipais

Ubaldo Cerqueiro
-
0
ASCEGA sorteará un xamón entre as persoas que demostren estar afectadas por atrasos na xestión das licenzas municipais

O presidente de ASCEGA (Asociación de Comerciantes e Empresarios de Galicia), Alfonso Salazar, lanzou este luns unha crúa crítica ao goberno municipal. Salazar denunciou que “profesionais, empresarios e veciños están fartos de estar fartos da neglixente xestión das licenzas na Área de Urbanismo do Concello da Coruña”. Un asunto que xa fixo moito dano a nivel municipal nas pasadas eleccións, e que parece que volve á escena municipal de cara a este 28 de maio.

rueda de prensa jamón Ascega

A entidade critica “os atrasos de entre 1 e 2 anos na tramitación das licenzas municipais” solicitadas ao concello coruñés, que “convirten un trámite burocrático nun auténtico calvario”, mesmo as feitas por comunidades de veciñ@s que vén perder as súas subvencións polos atrasos nas concesións.

Salazar critica “a parálise e continua arbitrariedade” do goberno municipal e recoñece que “sentímonos estafados e enganados por Inés Rey, porque vostede nos prometeu solucións e os retrasos seguen sendo escandalosos”.

Salazar pregúntase como é posible, como lle transmitiu a directora de Urbanismo, María Hernández García, que o programa informático non permita coñecer o prazo medio de tramitación dunha licenza nin o número de solicitudes pendentes, se en Vigo afirman ter un prazo medio de aprobación da licenza de 3 a 4 meses.
Pediron que os técnicos de Urbanismo poidan atender ás persoas que soliciten información sobre as súas licenzas.

“Esta grave situación prexudica gravemente aos veciños, á xeración de emprego, á economía local e á recadación de impostos” denunciou Salazar, e continuou “Moitos emprendedores acoden a outros concellos onde saben que teñen seguridade xurídica e axilidade na tramitación das licenzas”.

Un Xamón de premio

Para mobilizar o asunto mediáticamente a Asociación vai sortear un xamón entre todas as persoas que demostren estar afectadas por atrasos na xestión das licenzas solicitadas ao concello coruñés. “O afortunado será o que máis tempo estivo esperando. Tan sinxelo coma iso. Recolleremos os casos que nos cheguen ata o 12 de maio e garantimos o anonimato dos participantes”.

Condenan a sete anos de cárcere ao home que intentou matar ao seu compañeiro de piso na Coruña

europapress
-
0
Condenan a sete anos de cárcere ao home que intentou matar ao seu compañeiro de piso na Coruña

O Tribunal Superior de Xustiza de Galicia (TSXG) confirmou a condena de sete anos de cárcere imposta pola Audiencia Provincial da Coruña a un home que tentou matar o seu compañeiro de piso en outubro de 2020, nas inmediacións do domicilio no que ata ese momento conviviran.

A Audiencia Provincial considerou probado que cando a vítima gardaba nunha furgoneta os seus efectos persoais, pois decidira, dado os problemas de relación, abandonar o domicilio, e despois de propinarse golpes na rúa, o condenado “decidiu subir ata a casa para coller un coitelo”.

A Sala sinala que, tras facerse coa arma branca, regresou á rúa, onde nese momento o prexudicado se dispoñía marcharse, pois xa conducía a furgoneta. Con todo, ao ver ao investigado nesa disposición, detivo o vehículo e saíu cunha barra na man.

“Nese momento, achegóuselle o condenado e, coa intención de matalo, lanzoulle, sen máis, dous golpes co coitelo, un dos cales lle impactou sobre o costado esquerdo, cara ao abdome”, sinalaron os maxistrados.

A vítima, ferida, regresou á furgoneta e dirixiuse cara ao complexo hospitalario universitario da Coruña (Chuac), onde tivo que ser intervida de urxencia. “Só o éxito desta intervención salvoulle a vida”, manifestaron os xuíces na sentenza, agora confirmada polo TSXG.

Evacuada unha gardería por unha figa de gas na Barcala

editor
-
0
Evacuada unha gardería por unha figa de gas na Barcala

Esta mañá de luns, arredor das 9:40h, no marco das obras do proxecto de ampliación do Complexo Deportivo da Barcala, rompeuse un tubo na Barcala e produciuse unha importante fuga de gas na zona.

Para evitar calquera risco de inhalación, foron desaloxados os nenos e nenas da escola infantil A Galiña Azul e os usuarios da instalación deportiva. Os nenos e nenas foron trasladados ao centro social de maiores da Barcala e avisouse aos pais dos alumnos.

Ao non existir risco de explosión, non foi necesario desaloxar aos veciños da zona nin aos alumnos do IES Afonso X O Sabio.

Ata o lugar do suceso desprazáronse efectivos da Policía Local, do Servizo Municipal de Emerxencias de Cambre, Bombeiros de Arteixo e enxeñeiros do Concello de Cambre. Ás 10.32 horas, o suceso xa fora resolto polos efectivos de seguridade e emerxencias.

1...722723724...818Page 723 of 818