Traballadoras de escolas infantís privadas ou de xestión indirecta (as municipais) secundaron este mércores unha nova xornada de paro e mobilizacións, nas cidades da Coruña e de Vigo, para esixir un convenio “xusto” e a “dignificación” das súas condicións laborais e salariais.
Como fixeron a semana pasada, e seguindo a demostración do malestar do sector do profesorado coas políticas da Xunta (onte eran as traballadoras dos centros de Primaria e Secundaria os que facían folga), e convocadas polas organizacións sindicais CIG, CCOO e SNEP, secundaron unha nova mobilización que partiu da praza de Pontevedra, para denunciar as “lamentables condicións” nun colectivo conformado maioritariamente por mulleres.
En declaracións aos xornalistas, Anxela Gurdiel explicou que está programada unha reunión coa patronal o 2 de novembro e lembrou que o vindeiro sábado teñen convocada unha concentración en Madrid. Os sindicatos teñen convcoadas dúas novas xornadas de folga, convocadas para os 8 e 15 de novembro
Sobre a súa situación, asegurou que cobran “só o salario mínimo interprofesional” e que, con todo, deben atender un alto número de nenos por educadora, ás que se lles esixe ter un ciclo superior.
“Oito bebés por unha educadora; trece nos dun a dous anos e 20 nos de dous a tres anos”, citou como dato. Ademais, destacou o seguimento da folga, con só a directora e a secretaria nalgunha escola infantil.
‘Convenio digno e salarios xustos’, ‘nin gardarías nin xardíns, somos escolas infantís’ ou ‘patronal, escoita, estamos en loita’, foron algunhas das proclamas coreadas nas protestas.
En canto ao seguemento, desde os sindicatos precisaron a Europa Press que está cifrado, como na anterior convocatoria, nun 80% aínda que está a ser desigual. “Máis nas escolas de xestión indirecta e con menos incidencias nas privadas”, sinalaron.
Nos comunicados lidos, denunciaron que a patronal “se resiste a negociar subidas salariais acordes co incremento da vida e a mellorar as condicións laborais” que, engadiron, “quere empeorar”.
Antes, quedan dúas novas xornadas de folga, convocadas para os 8 e 15 de novembro
