O Sindicato dos Traballadores de Limpeza (STL) da empresa de IPASA, a empresa Industriales Panaderos Agrupados, a matriz das 26 tendas Sanbrandán, vén de enviar un comunicado no que informa sobre a resolución dunha demanda xudicial interposta en agosto en defensa dunha traballadora. Segundo denuncian, a traballadora sufriu “represalias” das empresa polas actividades sindicais da mesma. O sindicato asegura que se lle reduciu o soldo tras cambiarlle o posto de traballo tras 13 anos desempeñando o mesmo.
O sindicato anuncia que a Xustiza vén de fallar a favor da demandante recoñecendo a “represesión en resposta á continua labor sindical da afiliada”.
A empresa terá pois que restaurar á traballadora no seu posto orixinal e soldo anterior, devolvendo ademais as cantidades que non se lle pagaron neste tempo.
O STL asegura que “nunca cederemos ante ningún tipo de vulneración de dereitos dos traballadores, nin tampouco cederemos ás presións ás que as empresas nos someten reiteradamente buscando que cesemos a nosa labor de defender a todos os traballadores”.
Máis novas
Traballadoras de San Brandán esixen a aprobación do convenio
