InicioSOCIEDADEO TSXG acolle o luns a vista de apelación do home que...

O TSXG acolle o luns a vista de apelación do home que presuntamente asasinou ao seu ‘camello’ no Barrio das Flores

Publicada o

Por Ángela Precedo

A sala do Civil e o Penal do Tribunal Superior de Xustiza de Galicia (TSXG) acollerá este luns, día 11, a vista de apelación contra a sentenza pola que se condenou a 21 anos de prisión a un home acusado de asasinar en setembro de 2021 a un coñecido no Barrio das Flores da Coruña.

A sentenza da Audiencia Provincial da Coruña era consecuente co veredicto do xurado popular, que declarou ao home culpable do asasinato do seu coñecido, ao que debía diñeiro pola subministración de drogas. Durante o xuízo, o procesado declarouse inocente e só admitiu que o día dos feitos, o 23 de setembro de 2021, achegouse a casa do acusado (a vítima apareceu no seu domicilio con 18 puñaladas) para pagarlle a débeda que tiña con el pola compra de estupefacientes, pero que non lle abriu ninguén. Tamén sostivo que, tras esperar un tempo, marchouse.

Respecto dos restos do seu ADN atopados no escenario do crime, o procesado argumentou que entraba na vivenda da vítima “habitualmente” e pasaba alí “en ocasións, ata tres ou catro horas consumindo”. Non entanto, o xurado popular considerouno culpable dos feitos e a Audiencia impúxolle unha pena de 21 anos de prisión, que a súa defensa recorreu alegando que non existen probas de que participase no crime.

ÚLTIMAS

Homenaxe do PPdeG a Luísa Villalta coa presenza da nai, a irmá e un sobriño

O PPdeG celebrou este sábado un acto na Coruña polas Letras Galegas no que reivindicou...

Sabías que Pablo Picasso se estreou como retratista na Coruña?

Pablo Ruiz Picasso era un neno de 9 anos cando chegou á Coruña, aló...

A Coruña homenaxea a Luísa Villalta, “activista polo idioma” e muller “comprometida”

Autoridades e familiares de Luísa Villalta reivindicaron a obra e a figura da escritora...

Coruña homenaxea a Luísa Villalta, a poeta da ‘Cidade Alta’

Galicia celebra un ano máis a festa da súa lingua e das súas letras. A...

DEIXAR UN COMENTARIO

Please enter your comment!
Please enter your name here