O proxecto Globo da ONG de Solidariedade Internacional de Galicia arrinca a terceira edición do programa formativo dirixido ao profesorado. “A educación para a cidadania global como ferramenta socioeducativa” é un proxecto homologable pola Consellería de Educación, que ten por obxectivo achegar coñecementos prácticos para a posta en marcha de procesos de transformación social nas aulas. É dicir, formar ao profesorado para converter as aulas en centros de transformación social.
O novo curso formativo ten por obxectivo ofrecerlles coñecementos teóricos sobre a Educación para a cidadanía global e a Axenda 2030, para poñelos en práctica xunto co seu alumnado.
Microexperiencia de transformación social
Destacan varias experiencias de transformación social promovidas ao abeiro de edicións anteriores desta formación. Na Coruña o alumnado do IES Fernando Wirtz elaborou un protocolo de acollida para acompañar aos e ás compañeiras migrantes que chegan novas ao instituto, mentres que alumnas do CPR Nebrija Torre de Hércules afondaron nos protocolos existentes contra a violencia sexual nas salas de ocio nocturno da cidade.
Inscrición
A formación ten prevista unha duración de 20 horas, sendo 12 presenciais (desenvolveranse durante a xornada do 20 de xaneiro de 2024; e o 8 de marzo de 2024, en horario de tarde). O espazo de desenvolvemento das sesións presenciais será na Escola Galega de Administración Pública de Santiago de Compostela. Podo realizarse a inscrición neste formulario electrónico.
Máis novas
Cambiando os patios escolares para que non reproduzan desigualdades
