InicioM.AMBIENTE E PATRIMONIOConvocan dúas novas limpezas de microplásticos na cala de Bens e do...

Convocan dúas novas limpezas de microplásticos na cala de Bens e do Matadoiro

Publicada o

Por editor

Os colectivos Noia Limpa, Retoque Retro, REFIX e Mar de Fábula súmanse á limpeza de granulados na costa da Coruña. Así, convocan unha limpeza para este venres 19 na praia de Bens, a única praia canina e a máis contaminada de Galicia, ás 16:00 h.

Podes inscribirte aquí.

No Matadoiro

A Oficina de Medio Ambiente da Universidade da Coruña (UDC) organizou unha nova recollida de pélets e residuos este venres na praia do Matadoiro. Así, a limpeza na praia coruñesa terá lugar entre as 11.30 e as 13.30 horas. Con esta acción, “dáse continuidade” á iniciativa comezada o pasado venres, 12 de xaneiro, en Praia das Lapas, e que contou coa participación de 35 persoas voluntarias, das máis de 100 que se apuntaron nun só día.

Non se convocou a máis xente por, entre outras razóns, o tamaño do areal, o cociente máxima de 20 persoas participantes por monitora (dúas monitoras formadas en limpeza de praias e concretamente neste tipo de residuos) e material dispoñible. Durante esta xornada recolléronse uns 60 gramos limpos de pélets, ademais doutros mesturados con algas e pequenas madeiras. Nesta praia xa se limpou o día anterior, co que os pélets recolleitos estaban dispersos e procedían só da achega das últimas mareas.

Tamén o colectivo wesustainability está a realizar limpezas, como a que realizou a pasada fin de semana con 350 persoas entre Riazor e o Orzán. En varias horas apenas puideron rescatar medio quilo de granulados, pero serviron para salvar 300kg de lixo mariño, o que dá conta da necesidade de concienciarnos durante todo o ano.

 

View this post on Instagram

 

A post shared by WE Sustainability (@wesustainability)

Manifestación

O 21 de xaneiro, colectivos do mar e ecoloxistas únense nunha Manifestación en Santiago en Defensa do Mar

Máis novas

A única praia canina da Coruña, a máis contaminada de Galicia

Aprendendo a pescar pellets

ÚLTIMAS

Esta é a historia de Philippe Delamare, o navegante que deu a volta ao mundo en menos de cinco meses

O navegante Philippe Delamare é o flamante gañador da Global Solo Challenge, unha esixente proba marítima consistente...

A AMEGA descubriu a Coruña como gran precursora dos medios en galego

Pechouse na Coruña o ciclo de roteiros xornalísticos para rescatar a memoria da prensa...

Inmobilis in mobile. Manifesto contra a mutilación da beleza

Con este manifesto, a Asociación cultural O Mural e o Colectivo In Nave Civitas...

Así afectará ao tráfico a media maratón deste domingo

Máis de 3.000 atletas participarán este domingo 25 de febreiro as probas de C21...

DEIXAR UN COMENTARIO

Please enter your comment!
Please enter your name here