InicioECONOMÍAA Cultura de Vivir, a nova imaxe turística

A Cultura de Vivir, a nova imaxe turística

Publicada o

Por editor

Personalidades como Rodrigo Vázquez, Yolanda Castaño, Xoel López, Nacho Carretero ou David Amor acompañaron onte como embaixadores da cidade á alcaldesa Inés Rey na presentación da nova marca de promoción turística da cidade herculina. “A Coruña, cultura de vivir” é o novo lema estreado onte, na previa da FITUR, no centro cultural madrileño La Casa Encencida no que o concello trata de poñer en valor o “carácter coruñés”.

A alcaldesa agradeceulle aos presentes que a acompañaran no acto así como aos embaixadores que se sumaran ao reto. “Cómo no, gracias también a ellos somos la ciudad de la cultura, la gran capital ilustrada de Galicia, la que mejor supo entender nuestra identidad para proyectarla con vocación universal, atlántica”, explicou.

Como mostra da gastronomía coruñesa, baseada na vangarda, o evento contou cunha degustación da man de Coruña Cociña. Distribuíronse cinco estacións salgadas e unha doce, con pratos elaborados polos cociñeiros Gorka Rodríguez, Javier Freijeiro, Moncho Bargo, Antonio Amenedo, Álvaro Victoriano e Pablo Morales.

A presentación serviu para lembrar que este ano 2024 conmemóranse 15 anos dende que a Torre de Hércules foi declarada Patrimonio da Humanidade pola UNESCO o pasado 27 de xuño do 2009. En referencia á efeméride, a cidade acollerá “un evento especial” e que será un dos eixes clave da estratexia turística de 2024 que se presenta este mércores en FITUR.

ÚLTIMAS

Esta é a historia de Philippe Delamare, o navegante que deu a volta ao mundo en menos de cinco meses

O navegante Philippe Delamare é o flamante gañador da Global Solo Challenge, unha esixente proba marítima consistente...

A AMEGA descubriu a Coruña como gran precursora dos medios en galego

Pechouse na Coruña o ciclo de roteiros xornalísticos para rescatar a memoria da prensa...

Inmobilis in mobile. Manifesto contra a mutilación da beleza

Con este manifesto, a Asociación cultural O Mural e o Colectivo In Nave Civitas...

Así afectará ao tráfico a media maratón deste domingo

Máis de 3.000 atletas participarán este domingo 25 de febreiro as probas de C21...

DEIXAR UN COMENTARIO

Please enter your comment!
Please enter your name here