InicioCULTURAInmobilis in mobile. Manifesto contra a mutilación da beleza

Inmobilis in mobile. Manifesto contra a mutilación da beleza

Publicada o

Por editor

Con este manifesto, a Asociación cultural O Mural e o Colectivo In Nave Civitas amosan a súa posición sobre a posta á venda dos murais de Lugrís da rúa Olmos, e a intención da Xunta de mercalos e trasladalos a un museo.

Inmobilis in mobile. Manifesto contra a mutilación da beleza

En 1951, Urbano Lugrís González inventou un espazo único nun lugar único: o restaurante Fornos, o primeiro restaurante á carta da cidade, aberto de 1873 nos baixos dos edificios dos números 25 e 27 da rúa dos Olmos da Coruña.

Poderíamos intentar describir a beleza pero o propio Lugrís pintou un manifesto do que fora quen de facer: «Hic habitat felicitas» (Aquí vive a felicidade) deixou escrito nunha das arcadas.

Entre 2011 e 2013 o local estivo pechado e non puidemos desfrutar das murais. Logo reabriu como restaurante até despois dos confinamentos e o estado de absoluto abandono dos edificios e o desleixo das administracións seguen a poñer en perigo a existencia dos frescos. Hai catro anos que non podemos ver os murais que representan o faro de Hércules, os fondos do mar ou unha vista idealizada da Coruña na que unha serea caza un congro contemplada por un narval,…

Esta semana a Xunta de Galicia anunciou a súa vontade de mercar as pinturas e que vai avaliar «a posibilidade de trasladalas ao Museo de Belas Artes da Coruña».  O noso Código civil é claro: «Son bens inmobles […] as  pinturas ou outros obxectos de uso ou ornamentación, colocadas en edificios ou herdades polo dono do inmoble en tal forma que revele o propósito de unilos dun modo permanente ao fundo». Aínda que a forza bruta burocrática todo o pode: o inmoble non se debe mover.

De novo estamos diante da mutilación dunha obra de arte para favorecer o rendemento económico dun inmoble: xa pasou co fresco que Lugrís pintou na rúa Real e agora está nunha oficina bancaria e non queremos que volva pasar.

O Consello Internacional de Monumentos e Sitios (ICOMOS) nos seus Principios para a preservación, conservación e restauración das pinturas murais, aprobados en 2003, afirma:

As pinturas murais fan parte integrante dos edificios e estruturas. Polo que, a súa conservación ten que se considerar comprendida na do soporte material do conxunto arquitectónico ao que pertencen […]  A restauración ten por obxecto mellorar a interpretación da forma e o contido das pinturas murais, sempre e cando se respecte a obra orixinal e a súa historia. […] As extraccións e traslados de pinturas son operacións perigosas, drásticas e irreversibles, que afectan de xeito grave a súa composición física, a súa estrutura material e os seus valores estéticos. Polo que só atopan xustificación en casos extremos […]

Os frescos que Lugrís pintou no restaurante á carta máis antigo da cidade da Coruña crearon un espazo único que durante xeracións foi motivo de abraio e ledicia das miles de persoas que atravesaron as portas do edificio de Olmos. Non mutilen a casa da felicidade!

Seguimos a reivindicar o acceso á beleza!

  • Asociación cultural O Mural. Colectivo In Nave Civitas

Máis novas

A Xunta presenta unha oferta por 35.000 euros para adquirir os murais de Lugrís da rúa Olmos da Coruña

 

A posta en venda dos murais de Lugrís da rúa Olmos indigna á sociedade coruñesa

“O desleixo das administracións para protexer os frescos de Lugrís non fai máis que medrar”

S.O.S. Lugrís

ÚLTIMAS

As persoas en semiliberdade do CIS afondan na súa sensibilización ambiental

Continúa medrando o proxecto Entre Crebas, que está a convertir ás persoas que cumplen...

54 centros de ensino participarán no Día da Ciencia na Rúa

O Día da Ciencia na Rúa volverá ser unha realidade o vindeiro 4 de...

O Depor activa o modo ascenso

Xornada 33 – Deportivo 2 – 0  Cultural Leonesa Unha semana máis, un...

O Día do Libro celébrase co 150 aniversario de Picadillo, o gran supervendas da cociña

Vai coñecendo a xente da Coruña, e de Arteixo, a historia Manuel Puga y...

DEIXAR UN COMENTARIO

Please enter your comment!
Please enter your name here