O prezo do aluguer de vivendas en Galicia aumentou un 4,8% no primeiro trimestre de 2024 e acumula un incremento anual do 11,3% ata alcanzar os 9,04 euros por metro cadrado, segundo os datos ofrecidos este luns polo portal inmobiliario Fotocasa.
Así, Galicia presenta a sétima maior subida do trimestre de entre as autonomías e ocupa o 12º lugar na lista de territorios co metro cadrado máis caro. Por provincias, A Coruña rexistrou un incremento do 8,6% no primeiros tres meses do ano, mentres que en Pontevedra fíxoo nun 3%. Por contra, o prezo da vivenda de aluguer caeu un 4,2% en Ourense e un 0,3% en Lugo.
Así, Pontevedra segue sendo a provincia galega cos prezos máis altos ao pagarse 10,24 euros ao mes por metro cadrado. Na Coruña chégase a 9,13 euros, seguida de Lugo con 6,84 euros e Ourense con 6,62 euros.
Segundo Fotocasa, os prezos incrementáronse en seis das oito cidades analizadas no primeiro trimestre de 2024, encabezadas pola Coruña (7,4%), Ferrol (5,8%), Santiago de Compostela (4,2%), Pontevedra(4,1%), Vigo (1,3%) e Lugo (0,7%).
Sanxenxo (Pontevedra) continúa á fronte dos municipios galegos máis caros para alugar con 14,57 euros o m2 ao mes, seguida pola Coruña (10,88 euros), Vigo (10,17 euros) e Santiago (9,94 euros).
