Esta mañá de venres 13 de decembro, os carteiros e carteiras de Correos celebraron a súa segunda concentración deste mes para reclamar con urxencia o reforzo de persoal. “Temos un problema estrutural en toda a cidade, onde temos moitísmos barrios sen carteiro oficial”, deixaba claro Xan Xove durante a concentración, delegado de persoal da CGT, durante a concentración que realizaron unha 20 de profesionais ás portas da Unidade de Reparto de Correos da rúa Entrepeñas, na Agra do Orzán.
O sindicato denuncia que non se realizaron as contratacións suficientes para cubrir o servizo de reparto durante este Nadal. E puxeron de exemplo a propia situación da Unidade da Agra do Orzán, que cobre 22 zonas de reparto, pero onde as baixas de polo menos 5 profesionais, e a creación de unicamente 2 contratos de reforzo, provoca que 12 profesionais teñan que cubrir 12 barrios ou zonas de reparto.
View this post on Instagram
Unha situación que provoca retrasos de ata unha semana na entrega, sobrecarga de traballo e aumento da precariedade laboral dos traballadores. Ese sobre esforzo está levando a problemas de saúde, por exemplo xa son dúas as persoas que están de baixa relacionadas con problemas de articulacións por asumir rutas que son moito mais longas do habitual, sinalan.
“A contratación que fixo Correos para este Nadal é totalmente insuficiente”, sentenciou Xove, que lembrou que Correos unicamente realizou 16 contratos de reforzo para o nadal para toda a cidade, apenas un 7% sobre as prazas de reparto que deberan existir na nosa cidade, sobre 200, pero das cales unicamente estan cubertas o 60% aproximadamente, unhas 120, estando o resto sen persoal fixo. Dende a CGT calculan que farían falta 40 contratos.
