O venres 9 de maio, ás 9:30h no Espacio Avenida do Cantón Grande da Coruña. Esta é a data e o lugar escollidos pola Autoridade Portuaria para dar conta das conclusións do pobre proceso participativo do proxecto Coruña Marítima.

O director da Autoridade Portuaria, Juan Diego Pérez Freire, expoñerá os resultados máis relevantes do proceso participativo e os próximos pasos que están previstos para avanzar no proxecto.
A continuación realizarase unha mesa sobre as intervencións en espazos portuarios, con dous relatores de referencia neste ámbito: Teófila Martínez, presidenta da Asociación Internacional para a Colaboración entre Puertos y Ciudades (RETE), e David Pino, director de Port Vell, que explicará o proceso de transformación da zona máis antiga do Porto de Barcelona.

Pero sobre todo, a cita servirá para compartir o resultado da fase de consulta implementada nos últimos meses, trala publicación das Bases Estratéxicas, e a celebración de cinco talleres temáticos, desenvoltos en espazos pouco accesibles para a sociedade civil, e que viviron unha participación pobre pero insistente, como demostra as continuas peticións para redactar unhas novas bases.

Con todo iso, prevese convocar en próximas datas o concurso internacional multidisciplinar para definir o Máster Plan que rexerá a transformación dos espazos portuarios e ferroviarios. E”ste Máster Plan deberá ser propositivo, flexible e innovador, e expoñer unha visión a medio e longo prazo, contemplando distintos escenarios de desenvolvemento”, sinalan.

Máis novas

Piden crear un novo e consensuado documento que sirva de Bases para o plan Coruña Marítima

Piden arquivar as Bases Estratéxicas de Coruña Marítima: “Son unha volta a 2004”