Nova xornada limpeza da praia de Santo Amaro a pasada semana no marco do Proxecto Entre Crebas. 22 persoas residentes no Centro de Inserción Social e 2 voluntarios da entidade promotora, Mar de Fábula, acodiron para realizar unha destas limpezas medioambientais que acaban sendo moi útiles no proceso de reinserción social para as persoas que cumpren a última parte da súa condena. Un xeito, o de limpar e concienciar, de decatarse de que forman parte dunha comunidade, e que coidar do común é algo necesario para vivir en comunidade.
A limpeza volve ter unhas protagonistas especiais: as cabichas. Porque desta vez o mar non quixo abrir de todo as súas portas, e se rexistrou un 40% menos de refugallos que os atopados o mes anterior.
O que non conseguimos cambiar son as dinámicas das persoas fumadoras usuarias do areal, que seguen sen levar de volta as súas cabichas. A limpeza recolleu 208 cabichas….
A entidade continuará coa labor social e medioambiental este mércores na praia de Riazor nunha xornada colaborativa:
A praia de Santo Amaro volveu recibir a visita dos salvadores do CIS e Mar de Fábula
