- Dende o Concello aseguran que “eses fondos se reparten en relación á actividade que realiza cada entidade”.
— — — — —
No último orzamento municipal incluíase un convenio nominativo coa Federación Unión Comercial Coruñesa FUCC, por importe de 75.000.-€ coa finalidade de “contribuír ao sostemento da FUCC a través da contratación de persoal e outros gastos e apoio ás asociacións de comerciantes da cidade coa posta en marcha de proxectos de dinamización comercial das asociacións de comerciantes da cidade”.
Pero a FUCC renunciou a este convenio alegando razóns de imposibilidade de execución, e a Concellería de Emprego, Comercio e Mercados aceptou esta renuncia presentada pola Federación.
Ante esta situación, o Goberno municipal modificou o Anexo de Subvencións 2025 para incluír 10 subvenciones nominativas a 10 asociacións diferentes de comerciantes da cidade da Coruña, por un importe total de 75.000€, os mesmos que renunciara a FUCC.
Un reparto, que dende o Concello asegura ”eses fondos se reparten en relación á actividade que realiza cada entidade”.
Non gustou a todo o mundo o reparto, en calquera caso. A Asociación de Veciños e Comerciantes A Falperra enviou un comunicado para expresar a súa “indignación” polo que entenden un “trato discrimintario” pola “repartición discrecional” realizada polo Concello. Así, se o convenio Concello / FUCC deixou o ano pasado 6.000€ do convenio (que se aumentaron en 1.000€ máis) nas arcas da entidade, este ano veñen de recibir 3.500€.
A entidade pide explicación a Inés Rey ao entender que “non foi un erro, foi unha decisión premeditada”.
Outras novas
Adxudicadas as obras do novo Santa Lucía: As obras comezarán antes de que finalice o ano
