A Plataforma polo Dereito á Vivenda, o Sindicato de Barrio Os Mallos Falperra e o seu espazo da Revolteira, convocan o apoio da Confederación Xeral do Traballo (CGT), unha nova manifestación polo dereito á vivenda e contra o roubo dos rentistas á clase traballadora.
Despois da masiva concentración nas Conchiñas do mes de marzo, e da mobilización do ano pasado polos Cantóns e María Pita, o vindeiro sábado 6 de xuño ás 12.00 h comezará a manifestacuión na praza de Ourense, diante da Delegación do Goberno.
Unha mobilización que forma parte dunha onda de protestas en máis de 20 cidades do Estado tamén convocadas polo Sindicato de Inquilinas, baixo o lema “Nin os alugueiros polas nubes. Nin os salarios polo chan”.
Os argumentos son máis sufridos por boa parte da poboación: alugueiros imposibles de pagar cun soldo normal ante ademais, o aumento xeral do custo da vida —alimentación, enerxía e transporte—, que está a afondar no empobrecemento da clase traballadora, mentres os beneficios empresariais continúan a medrar.
A CGT advirte de que a especulación está a impedir o acceso a unha vivenda digna a amplos sectores da poboación, mesmo a persoas con emprego ou pensión, que se ven obrigadas a compartir piso, a atrasar a súa emancipación ou mesmo a convivir coa parella por non poder separarse.
O sindicato sinala que unha minoría de rentistas se enriquece á conta das rendas do traballo e do deterioro das condicións de vida da maioría social.
Como leva dicindo dende a Plataforma, “vivenda é un dereito, non un negocio”, e por iso “Vivir na túa cidade non debería ser un luxo”.
Novas relacionadas
A Agra do Orzán berrou contra a especulación arredor da vivenda
Outras novas
Canto inflúen as Vivendas de Uso Turístico na subida de prezos do alugueiro?
