A alcaldesa da Coruña, Inés Rey, presentou este luns unha nova edición do calendario histórico da cidade, correspondente ao próximo ano. Trátase dunha iniciativa con participación do consistorio, da Compañía de Tranvías e da Asociación de Xornalistas Deportivos. “Este calendario é unha ferramenta de memoria histórica que fala da nosa cidade ao longo do tempo, realmente útil para profundar na evolución da Coruña”. “E os fitos que marcaron a súa transformación”, sinalou a rexedora sobre un calendario que conta con 13 imaxes en branco e negro e recolle máis de 650 acontecementos e efemérides.