InicioDEPORTESUn Dépor en negativo

Un Dépor en negativo

Publicada o

Por Miguel Barreiro Bugallo
  • Xornada 35 (07/05/23)
  • Depor – Alcorcón (0 – 0) – 4º clasificado, en playoff de ascenso
  • 28º partido de Oscar Cano (14V 9E 5D), a 4 puntos do líder Alcorcón

——

Aquelo que chamaba Vítor Fernández “autodestrución”, iso que chaman os máis vellos “meigallo” e que agora as novas xeracións chaman “karma”, pois todo iso é o que define o cheirume a negativo arredor do Depor.

Porque negativo é o percorrido do equipo na segunda volta e unha mágoa, o das última xornadas. Costa crer que o equipo chegue tan xusto de forzas e de actitude ó tramo final da competición. Os partidos de Ferrol, Córdoba e Alcorcón medirían as nosas capacidades competitivas e darían unha sinal polo que iamos loitar en maio. Resultado: decepción de xogo, un gol a favor nos tres partidos, Lucas e Quiles lesionados para o que queda de Liga e playoff e máis lonxe do liderato que antes deses encontros.

Negativo tamén a seguir contando con Óscar Cano como adestrador. Non entra nas mentes deportivistas que fulminaran a Borja Jimenez na xornada 7 de campionato, despois de demostrar máis capacidade que o seu substituto. Cómpre lembrar que Borja, o ano pasado con peores xogadores e menos recursos, sumou 74 puntos na competición (máis puntos que o líder Andorra do grupo 2 da Primeira RFEF) e chegou co equipo moi metido na competición e crendo na posibilidade de ascenso. Tan só 11 minutos tiraron pola borda o bo traballo de Borja, pero a actitude e o sacrifico daba mil voltas ó deste ano. Este ano nada é igual.

Porque negativo e ter en contra a afección. Eses que levamos pedindo a coro a dimisión de Cano dende a ridícula derrota en León. Pouca xente atrévese a crer no ascenso con tantas cousas en contra. Somos moitos as que as vimos de todas as cores e sabemos que un ano máis tocará seguir metidos no barro desta funesta competición. Polo menos este ano non temos que andar sufrindo Albacetes, Mallorcas ou Fuenlabradas e podemos pensar xa no novo adestrador do Depor para tentar o ascenso, esta vez si, o ano que vén.

  • Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.

MÁIS CRÓNICAS DO DÉPOR

ÚLTIMAS

Decretan emerxencia sanitaria en Cambre para contratar de forma urxente a limpeza en colexios

A alcaldesa de Cambre, María Pan Lesta, acaba de asinar un decreto co que...

Un estudo da UDC apela ao papel das novas tecnoloxías para garantir “transparencia” en catástrofes marítimas

Responsables do terceiro volume do Anuario de Estudos Marítimos, que edita o Instituto Universitario...

Aprobada unha moción no Concello da Coruña para revisar o convenio de 2004 sobre o futuro dos peiraos

O pleno da Coruña aprobou este xoves, por unanimidade, unha moción para a revisión...

Operación Ospyl: incautadas miles de agullas e tintas de tatuaxe de contrabando

A Garda Civil realizou unha inspección de 23 locais de tatuaxe, micropigmentación e piercing na provincia da Coruña...

DEIXAR UN COMENTARIO

Please enter your comment!
Please enter your name here