- Xornada 37 (21/05/23)
- Depor – Alxeciras (4 – 0) – 4º clasificado, en playoff de ascenso
- 1º partido de Rubén de la Barrera (1V 0E 0D), a 6 puntos do líder Racing de Ferrol
—- —-
Despois dunha semana na que se falou de todo menos de fútbol, toca encarar a preparación dos playoff. E se falou pouco de fútbol porque tocou falar moito do novo adestrador, ó que dende aquí ímoslle chamar “señor X”. E isto é así, porque nestes cambios tan tardíos pouco importa a persoa e moito importa o feito. Estes cambios teñen pouco de implantar un sistema de xogo o acercar rutinas os xogadores, e teñen moito de activación emocional. De feito, o Depor encarará o playoff dende unha proposta emocional, en lugar dunha proposta futbolística.
Proba delo, foron as primeiras mensaxes que enviou o “señor X” ó universo deportivista: titularidade para Yeremay, Trilli e Bergantiños, debut do canteirán Mella, guillos á afección na rolda de prensa… Sabe pouco o “señor X”. Restan dúas semanas para o primeiro partido do playoff e neste tempo pouco ou nada trocará na forma de xogar, máis ben, trocará a forma de encarar o xogo. Xusto unha das grandes rémoras da etapa Cano no Depor.
Chega o Depor ó playoff cunha materia pendente: gañarlle a un rival en postos de playoff. De feito, en todo o que vai de liga o Depor non logrou ningunha vitoria con rivais que nese momento ocupaban prazas de playoff. Mal precedente para o que ven por diante. Pola contra, o equipo mostrouse eficaz e goleador na casa, lugar onde se atopa máis cómodo e onde terá que basear gran parte das súas aspiracións de ascenso. Renova o Depor as posibilidades de voltar ó fútbol profesional, polo menos cortouse a sangría, falta ver si se chega a tempo coas decisións da última semana. Seguro que o “señor X” xa está pensando no playoff.
- Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.
MÁIS CRÓNICAS DO DÉPOR
- Miguel Barreiro: Tomen decisións.
- Miguel Barreiro: Un Dépor en Negativo.
- UNHA VISITA Á CAPELA ARDENTE DE ARSENIO IGLESIAS
- MORRE ARSENIO, O REI DO DEPORTIVO
- Miguel Barreiro: Querido Playoff…
- Miguel Barreiro: Mario, o necesario.
- Miguel Barreiro: Os pecados de Cano.
- Miguel Barreiro: Benvidos á Festa.
- Miguel Barreiro: Riazor como arma electoral.
- Miguel Barreiro: Riazor chora o pasamento de Dani Fieño Llerafo.
- Miguel Barreiro: Moito troco, pouco resultado.
- Miguel Barreiro: Chega marzo.
- Miguel Barreiro: Menuda lata o de viaxar.
- Miguel Barreiro: Canguelo lonxe de Riazor.
- Miguel Barreiro: Outro día na oficina.
- Miguel Barreiro: Saíu Cruz.
- Mguel Barreiro: Resorte Branquiazul.
- Miguel Barreiro: Sacando Conclusións.
- Miguel Barreiro: Lucas e a nova dimensión.
- Con vós, Canto Deportivo.
- Entrevista a Augusto: “Fai falta #gentedefútbol“.
- Entrevista a CuantoSufrimos: “O Dépor tráenos moitos disgustos pero o podcast só alegrías”
