Arrincou este domingo o Festival Atlantic Pride. Fíxoo na Fundación Luis Seoane da Coruña, da man do artista do Castelo (Culleredo) Eris MacKenzie, unha das promesas da escena urbana galega.
Tamén tocaron as Supremme de Luxe, e EME Dj, Marta Fierro, unha das máis veteranas picadiscos da cidade que fixo bailar a toda a Fundación cos seus temazos.
Lo de ayer… @atlantic_pride 😃 pic.twitter.com/P2GxbA3Pkm
— Eme DJ (@emeDJ) July 8, 2024
Luns, 8 de xullo
Praza de Pontevedra (20.00 a 00.30h).
Este luns, 8 de xullo, o Atlantic Pride da Coruña estrea o escenario da Praza de Pontevedra para celebrar a súa segunda xornada de directos, da man de O Rabelo e Nenaza, Meiga-I e Morreo, mentres que as pinchadas aos pratos correrán a cargo do dj S.Alma.
Meiga-I ofrecerá un percorrido pola memoria LGTB+ galega, para coñecer a historia diversa da nosa terra, a través de monólogos, percusión tradicional e canto en directo. Pola súa banda, O Rabelo e Nenaza convidarán ao público a non deixar de bailar coa súa proposta conxunta, que mestura a música tradicional galega con ritmos como o reguetón, o tecno, o neoperreo e o funk favela. Finalmente, Morreo destilará hedonismo e xuventude sobre o escenario, para presentar o seu catálogo sinestésico de pop iberoamericano corido e luminoso, cargado de baixos tropicais, referencias castizas e riffs de teclados cañís.
- 20.00h S.Alma
- 21.00h O Rabelo e Nenaza
- 22.00h Meiga-I
- 22.30h Morreo
- 23.30h S.Alma
Martes, 9 de xullo
Praza de Pontevedra (20.00 a 00.30h)
O pop urbano en galego de Filloas servirá para abrir boca, mentres que Cloe Savage chegará disposta a abraiar cunha actuación que destaca pola súa forza visual, así como polos tintes satíricos que acompañan ao seu espectáculo. Pola súa bada, Lontreira ofrecerá unha singular viaxe da electrónica á música tradicional, cun caleidoscopio estilístico de sons variados, que van do speak-word ao dream-pop ou mesmo do tecno-folk a un vangardista reguetón. La Suprema será a dj encargada das pinchadas para abrir e pechar esta terceira velada do Atlantic Pride 2024.
- 20.00h La Suprema
- 21.00h Filloas
- 22.00h Cloe Savage
- 22.30h Lontreira
- 23.30h La Suprema
PROGRAMA ATLANTIC PRIDE 2024
