A Xunta de Goberno Local aprobaba o novo proxecto da ordenanza de uso das praias da cidade.
Un dos aspectos clave da ordenanza é a prohibición de altavoces nas praias, unha medida que vén derivada das molestias que producen ás persoas usuarias e, ademais, porque o ruído dos altavoces pode interferir nas recomendacións de seguridade e nos avisos de alarma que emite a megafonía do persoal de salvamento.
O texto tamén estipula a prohibición de cans nas praias entre o 1 de xuño e 30 de setembro, excepto na esquecida cala de Bens, a única praia canina da cidade.
Con todo, aseguraron que nun futuro hai a posibilidade de que o Concello defina áreas de esparexemento canino temporais ou permanentes nas praias.
Por outra banda, na tempada de baño está previsto que se permitan as actividades de deporte, sempre e cando se leven a cabo a un mínimo de 10 metros das persoas usuarias.
“O Concello poderá habilitar zonas específicas nas praias para a práctica de xogos e deporte se o ve oportuno” , precisou a alcaldesa.
Ademais, con esta ordenanza ábrese a posibilidade de declarar zonas sen fume.
Máis novas
A catastrófica situación da cala de Bens, “posiblemente a praia máis contaminada da provincia”
