Hai ano e medio que a Xunta iniciaba o expediente para declarar Ben de Interese Cultural os murais de Urbano Lugrís na rúa Olmos. Este luns a Xunta vén de anunciar a aprobación definitiva como BIC dos 12 murais que esmorecen no edificio abandonado.
O Consello da Xunta aprobaba a catalogación dos “murais polo seu valor cultural sobranceiro”, e consegue evitar así que os murais pasen a mans privadas, buscando ademais a fórmula para que os murais fiquen no lugar onde foron concebidos, xa que as obras foron creadas en 1951 para o histórico Restaurante Fornos.
Despois de 5 anos de peche do último local de hostalería aberto no lugar, o abandono do edificio pon en risco a conservación das obras de arte, como vén denunciando durante anos o colectivo O Mural e a Asoc. In Nave Civitas.
Máis novas
O Mural denuncia que unha fiestra aberta aumenta os riscos do frescos de Lugrís nos Olmos
O Mural advirte que a inactividade da Xunta e Concello causa máis danos nos Murais de Lugrís do Olmo
A Xunta propón recuperar e expoñer os murais de Urbano Lugrís na rúa Olmos
A Xunta publicará este martes no DOG a incoación para declarar BIC os murais de Lugrís na Coruña
