Leva anos a veciñanza de Monte Alto denunciando o lamentable estado da rúa Ángel Rebollo. Por fin, o Concello comeza esta semana a remodelación e humanización integral da rúa que une o Campo de Marte coa Domus.
Debido á lonxitude da rúa, a reforma levaráse a cabo por fases. Os primeiros cortes de
tráfico para o desenvolvemento dos traballos serán no treito entre Arzobispo Gelmírez (onde acaban as recén estreadas escaleiras mecánicas da travesía Adelaida Muro) e
Ramón del Cueto, que permanecerá pechado ao paso de automóbiles ata o 30 de abril.
No proxecto contémplanse melloras como a renovación dos pavimentos (o firme de formigón e as baldosas das beirarrúas), do saneamento e a recollida de pluviais, da
canalización municipal nas dúas beirarrúas (coa instalación de catro novas tubaxes), a elevación dos pasos peonís, a reordenación dos contedores, unha nova sinalización horizontal e vertical e a instalación de bancos e árbores.
Ademais, no cruzamento coa rúa San Jorge acometerase unha reurbanización da zona e peonalizarase un tramo, cumprindo cos estándares de accesibilidade e mobilidade sostible que xa se levaron aos diferentes barrios da cidade, o que supón unha mellora no planeamento urbanístico, reforzando a seguridade das persoas residentes e melloras
estéticas.
Máis novas
A veciñanza de Ángel Rebollo xunta sinaturas para a humanización da rúa
