O Concello comezou onte a demolición do edificio situado na rúa Puerto Rico, no barrio dos Mallos, que fora declarado en estado de ruína inminente pola concellería de Urbanismo, Rehabilitación e Vivenda.

Este inmoble foi durante anos un foco de constantes problemas para a veciñanza. O edificio padeceu inncendios e nel aloxáronse persoas que xeraban conflitividade na contorna. O Concello enviou reiterados requerimentos aos propietarios do inmoble para que tomaran medidas de conservación e salubridade, mais todas elas foron desatendidas. Finalmente, e tras un longo proceso derivado a inactividade da propiedade, o Concello logrou executar a demolición do edificio de xeito subsidiario, xa que lle xirará os gastos da obra á propiedade.

“Todos os propietarios teñen a obriga de manter a seguridade e hixiene dos seus inmobles, mais se non o fan o fará, coma neste caso, o Conello, e terán que asumir eles o gasto”, subliñou a alcaldesa, Inés Rey, quen recordou que o Concello xa ten executado outras demolicións, coma a do Martinete, buscando garantir a seguridade dos cidadáns.

Outras novas

Canto inflúen as Vivendas de Uso Turístico na subida de prezos do alugueiro?