InicioCULTURAVolven preguntar pola inacción municipal na Fundación Luís Seoane

Volven preguntar pola inacción municipal na Fundación Luís Seoane

Publicada o

Por Redacción

Pasan os meses pero nada acontece na Fundación Luís Seoane, dende que o Xornal destapase en outubro do 2025 o polémico concurso para cubrir a praza de dirección. Despois de numerosas críticas da oposición, de manifestos asigados polo sector, o goberno municipal segue sen mover unha soa peza.

Volve ser o BNG o que vai volver levar o asunto ao Pleno do vindeiro xoves 1 de outubro por medio dunha pregunta oral que reza como segue: “Que avaliación fai a Alcaldesa da xestión da Fundación Luís Seoane desde que renunciou á presidencia do Padroado en decembro de 2025?”.

Segundo constata a edil Mercedes Queixas “o Padroado leva sen se convocar desde finais de 2025” e “formalmente aínda non coñece nin a renuncia de Inés Rey como presidenta nin o seu relevo polo concelleiro de Cultura”.

“O Goberno de Inés Rey continúa a lle virar as costas a un tesouro cultural, o legado de Luís Seoane. Xestionado por este goberno local, ese tesouro tornouse nun patrimonio invisíbel”, denuncia Queixas.

“A situación é de parálise total”,  valora. Por un lado, a dirección da fundación continúa a ser provisional, “despois de que a alcaldesa se vise obrigada a anular un concurso inzado de irregularidades”. Por outro, o Padroado leva sen se convocar desde finais de 2025 “e formalmente aínda non coñece nin a renuncia de Inés Rey como presidenta nin o seu relevo por parte do concelleiro de Cultura”.

O abandono da fundación por parte de Inés Rey é tal que “a súa renuncia comunicouna a través dos medios”, sen que ao Padroado lle constase formalmente até agora. “Unha falta de respecto que non é de recibo”, remarca Queixas.
Á luz dos feitos, é obvio que ao Goberno de Inés Rey “o legado de Luís Seoane non lle parece suficientemente valioso e enriquecedor para a nosa cidade”. “Todo moi lamentábel”, conclúe Queixas.

Máis novas do caso

O BNG volve preguntar polo prometido hai 10 meses, concurso para designar a dirección da Fundación Luís Seoane

 

ÚLTIMAS

Agustín Fernández Mallo reedita ‘Nocilla dream’: “Algún día as máquinas farán novelas tan complexas como as nosas”

O escritor coruñés Agustín Fernández Mallo reeditou a súa novela 'Nocilla dream' (Alfagura) cando...

Avanzan as obras da zona de deportes de praia de San Pedro de Visma

Visita institucional esta mañá para ver como avanzan os traballos da nova zona de...

Os Mallos, epicentro dun operativo contra a trata para explotación sexual

Varias persoas foron detidas este martes na Coruña no marco dun operativo en distintas...

Avanzan os perparativas da Praza de Nadal en María Pita

Os negocios participantes na Praza de Nadal de María Pita visitaron este martes os...

DEIXAR UN COMENTARIO

Please enter your comment!
Please enter your name here