Celebrouse onte na Sala Capitol de Compostela a entrega da segunda edición dos Premios da Industria Musical de Galicia “PALCO”, o punto de encontro da industria da música galega. Unha cita organizada pola Asociación Galega de Empresas Musicais (AGEM) e a Xunta de Galicia, a través da Axencia Galega das Industrias Culturais (Agadic) e os Concertos do Xacobeo, co apoio da Deputación da Coruña

Un xurado profesional integrado polas asociacións AGEM, AGATEC, TESGAL, AGPXC e CLUBTURA, xunto ás e aos gañadoras e gañadores da pasada edición dos Premios PALCO, seleccionaron aos proxectos gañadores entre un total de 42 finalistas, 3 por cada unha das 14 categorías xerais contempladas nos premios.

The Rapants e Paideia, grandes protagonistas

Sen dúbida, os muradáns The Rapants foron os grandes protagonistas. Ademais de levar un dos premios xa anunciados, o de Premio a Artista do Ano 2026, tres membros do seu equipo sumaron outros recoñecementos: o manager Álvaro Creo (ademais alma das Carrilanas de Esteiro), Ricardo Barroso pola Mellor implentación de son; e Juan Barbazán, Sergio Goce e Manuel Seoane pola creación do videoclip “Non sei como”.

En clave coruñesa, tamén houbo un recoñecento fixo especial: A Fundación Paideia recollía o Premio á Persoa do Ano, pola súa labor de lanzadera musical nos Estudios Mans.

Quedaron as portas de levar premios propostas herculinas como a comunicación de Lucía Pita para as Fillas de Cassandra ou a eterna Sala Mardi Gras.

PROXECTOS FINALISTAS E GAÑADORES DOS PREMIOS PALCO 2026

Mellor deseño de iluminación

• Álvaro Moreno (The Rapants)
• Gabriel Alvarado (Treixadura)
• Laura Iturralde e José Faro (Gala i Ovidio) GAÑADORES

Mellor implementación de son

• Nerea Bello (Bala)
• Ricardo Barroso (The Rapants) GAÑADOR
• Rubén Montes (Carlos Ares)

Mellor produción de servizos

• Emsac
• Global Setup GAÑADOR
• Kachet

Mellor profesional de produción

• Adela Otero
• María Galdón
• Olalla Camaño GAÑADORA     

Mellor manager                                                         

• Aitana Cuétara (Luneda)
• Álvaro Creo (Off Stage) GAÑADOR    
• Alberto Lora & Carles Montalt (Galunk)

Mellor produción discográfica

• Dani Cornes e Crnds (Aquí sempre tes casa, Dani Cornes)
• Iago Pico, Gabi Fernández e Tanxugueiras (O Cuarto, Tanxugueiras) GAÑADORES    
• Xoel López e Adrián Seijas (Oniria Popular, Xoel López)

Mellor posta en escena

• As dúas e punto (Tertúlia, Fillas de Cassandra) GAÑADORAS
• Laura Iturralde e José Faro (Gala i Ovidio)
• The Rapants crew (Rapants Club)

Mellor promotor / programador

• Alberto Alfonso (Art Music Agency) GAÑADOR           
• David Pedrouzo (Todomedre)
• Suso Santamaría e Iván Viturro (A Pousada da Galiza Imaxinaria)

Mellor proxecto de comunicación                                                    

• EmigraSON GAÑADOR
• Lucía Pita (Tertúlia, Fillas de Cassandra)
• PortAmérica

Mellor identidade visual                                                                   

• Julia Salgado Barca, Mar Suárez e Agustina Shuan (Anfibia por veces, Antía Muíño)
• Melania Freire (De Ninghures)
• Zeltia Iglesias (Mondra) GAÑADORA

Mellor evento cultural / musical                                                       

• AC Fanto Fantini – Osa do Mar GAÑADOR
• PortAmérica
• Resurrection Fest

Mellor videoclip                                                        

• Daniel Pérez, El Membrillo (subir subir, Karmento & Mondra ft. El Nido)
• Daniela Rey Faraldo (Simplemente, Candela Liste)
• Juan Barbazán, Sergio Goce e Manuel Seoane (Non sei como, The Rapants) GAÑADORES       

Mellor espazo musical                                                          

• A Cofradía Taberna Cultural
• Mardi Gras
• Sala Rebullón GAÑADORA   

Mellor proxecto de sustentabilidade

• Arteficial
• PortAmérica
• Sinsal GAÑADOR

Máis novas relacionadas

The Rapants e os Estudios Mans, recoñecidos polos Premios PALCO