Naturgy iniciou a transformación tecnolóxica do parque eólico Novo, situado nos municipios coruñeses de Valdoviño, San Sadurniño e Narón. O proceso consistirá na substitución dos seus 25 aeroxeradores actuais por cinco aparellos “de última xeración”.
Así o traslada a compañía nun comunicado, no que explica que os traballos implican o desmantelamento das máquinas existentes e a súa substitución por outras novas, “máis modernas e eficientes”. Inclúe tamén a restauración ambiental das zonas desafectadas e a modernización da subestación eléctrica.
En concreto, está previsto que os labores finalicen a mediados de 2026. Respecto diso, apunta que este proxecto conta cun investimento de máis de 20 millóns de euros e está financiado pola Unión Europea – NextGenerationEU no marco do Plan de Recuperación, Transformación e Resiliencia (PRTR), a través do Programa Repotenciación Circular xestionado polo Instituto para a Diversificación e o Aforro da Enerxía (IDAE).
Esta iniciativa, expón Naturgy, “permitirá reducir notablemente o impacto paisaxístico e ambiental da instalación, á vez que aproveitará infraestruturas xa existentes, como as de evacuación ou parte das edificacións”.
Así, a nova configuración conservará os 18,75 MW de potencia de evacuación, xerando uns 50,5 GWh anuais de enerxía limpa, suficientes para abastecer a preto de 14.500 fogares. Ademais, unha parte substancial dos materiais procedentes do desmantelamento será reciclada e valorizada, sinala a empresa.
Nesta ocasión e por segundo ano consecutivo, decenas de familiares de Benito Seoane Paredes “o Tío Benito do Santo”, residentes en distintos lugares (Tenerife, Hawai, Laudio, Ourense, Ferrol, Santiago, A Coruña, Curtis,…) reuníronse o sábado 6 de setembro na II Comida Familiar que tivo lugar na parrillada Agarimo de Curtis. Unha familia que demostra así o seu sentimento identidade e orgullo comunitario do que son legatarios por parte do seu bisavó e tataravó Benito.
Netas políticas, bisnetas e bisnetos, tataranetas e tataranetos queren continuar recordando e rendendo homenaxe a unha figura emblemática e moi querida en Curtis, pola súa xenerosidade e espírito comunitario materializado na doazón de terreos fundamentais para o desenvolvemento desta vila nos comezos do século XX. O seu legado perdura na memoria dos habitantes de Curtis quen o recordan con gratitude.
Ademais de menú e mesa tamén se compartiu xenealoxía familiar -con datos de ata 10 xeracións de ascendentes e descendentes de Benito Seoane e a súa dona Ángela Sánchez Rendal-, proxección fotográfica de Benito e dos seus descendentes ao tempo que se entregou a todas as persoas asistentes unha semblanza do Tío Benito do Santo.
A Audiencia Provincial da Coruña xulgará o día 16 a unha muller acusada de introducir na prisión de Teixeiro droga destinada para a súa filla e oculta na súa sujetador. Segundo recolle o escrito fiscal, a muller, de nacionalidade española, acudiu ao centro penal o 22 de setembro de 2021 para ver á súa filla, “portando escondidas no interior do suxeitador, tres bolsas termoselladas que resultaron ser heroína, cun peso neto de 0.346 gramos e pureza do 27,63 %”.
“Destinadas a entregarllas á súa filla, sen contraprestación, sendo interceptada por funcionarios do referido centro tras pitar no arco de seguridade de acceso ao mesmo”, sinala. O prezo da sustancia alcanzaba no mercado ilícito o prezo de 58,27 euros o gramo. Por un delito contra a saúde pública, pídese para a muller unha condena de tres anos e tres meses de prisión.
Traballadores e traballadores de Abanca concentráronse este venres, unha vez máis, diante da oficina principal de Abanca na Coruña en rexeitamento á represión sindical e para reclamar a readmisión de dúas delegadas despedidas: unha delas membro do comité de Abanca en Pontevedra e outra membro do comité de Nueva Pescanova O Porriño (empresa da que a entidade financeira é a principal accionista).
Na concentración denunciouse que estes despedimentos forman parte da política de persecución e represión que Abanca esta a exercer contra a representación da CIG, tanto entre o seu persoal directo como naquelas empresas das que é accionista, “nun intento de acalar e amedrentar a nosa acción sindical”.
O secretario da sección sindical en Abanca, Clodomiro Montero, explicou que no último ano a CIG convocou unha folga nesta entidade para exixir melloras salariais, presentou catro conflitos colectivos na Audiencia Nacional (un deles de tutela por vulneración da liberdade de sindical) e non asinou acordos en materia de xornada que empeoran as condicións laborais.
“A resposta de Abanca por defender os dereitos dos traballadores e das traballadoras é despedir a compañeira Montse despois dun proceso totalmente inquisitorio e rocambolesco, no que a acusan de facer acoso laboral a unha persoa que está nun posto superior, xustamente durante o período de preparación da folga”, apuntou.
Respecto diso, Silvia Longueira asegurou ser “moi amiga” de María Rivas e de Xulio Abalde, aos que definiu como “dúas persoas extremadamente válidas tanto no plano político como profesional”.
Devandito isto, afirmou que “os partidos teñen as súas estratexias” e afirmou que “vaian onde vaian non vai haber ningún problema”. “Alégrome polos dous”, sostivo.
A edil nacionalista, a pesar da sintonía que ofreceron ambos grupos políticos (votando xuntos en todas as mocións) no comezo das negociacións para os vindeiros orzamentos de 2026, foi moi crítica sobre a licenza outorgada ao Festival Wake up and Dream, desenvolto no Parque de Bens a comezos de xulllo.
“Por que non se realizou autoliquidación de taxas? Por que figura no expediente un informe asinado polo anterior xefe da Policía Local referido ao Wake Up and Dream de 2024 e non actualizado para 2025?”. Estas foron algunhas das preguntas que lle lanzou Veira tras analizar o expediente descubrindo as múltiples irregularidades que caracterizaron a tramitación da licenza.
Veira aduciu, sen que fose desmentida, que a solicitude de licenza se presentou con apenas 14 días de antelación, a pesar de que o festival estaba anunciado dende abril, e que non se cumpriron os criterios establecidos no decreto da alcaldesa 1/2020. Foi máis alá e sinalou que a sinaltura da propia licenza, apoiada nun informe de copia e pega que mandaría aos hipotéticos feridos ao Hospital de Toledo, asinouse o mesmo día que comezou o festival.
Denunciou tamén a concelleira nacionalista que no expediente figura un documento dunha consultora privada -achegado pola empresa que organizou o festival- que contradicía o informe do técnico de Medio Ambiente funcionario do Concello, que alertaba das contradicións co Plan de Acción contra o Ruído”.
Gonzalo Castro concentrouse en rebater as cuestións medioambientais argumentando o Paruqe de Bens está a 1,4 km do Espazo Natural de Interese Local (ENIL) das Illas de San Pedro, e que “por esa regla, teríamos que suspender as festas dos barrios de Visma ou do Portiño”.
Máis elocuente foi aínda a resposta sobre a premura e a sinatura do expediente: “Se aplicamos os criterios de forma estrita non se fai nada nesta cidade”, argumentou.
Arrincou o novo curso político en María Pita co pleno de setembro. Un pleno que tivo como temas principais a aprobación de ordenanzas tan necesarias como a de Mobilidade e a do uso das praias. Ambas saíron aprobadas cos votos do PSOE e o apoio do BNG, mentres que o PP votou en contra da odenanza da das praias e se abstivo na de mobilidade.
Precisamente a de mobilidade, aprobada inicialmente a comezos de xuño e que contou con 33 suxestión que “axudaron a enriquecer o texto final, aposta por “un reparto máis equilibrado do espazo público que dea prioridade aos desprazamentos a pé, en bicicleta e que tamén impulse con forza o transporte público como alternativa accesible e sostible”.
Entre as cuestións que se valoraron de cara á configuración da ordenanza definitiva estivo a adaptación das velocidades de bicicletas e VMP á vía, e tamén a introdución de sancións por adiantar sen distancia de seguridade. E no referente ao transporte público urbano, tanto novas normas de convivencia como a prohibición de subir aos autobuses con patinetes.
Ordenanza de praias
O Pleno tamén deu luz verde, cos votos en contra do PP, á aprobación definitiva da Ordenanza municipal para o uso racional e sostible das praias da Coruña. No caso das praias urbanas, a prohibición de acceso aos cans mantense como ata agora, entre o 1 de xuño ao 30 de setembro, un aspecto clave para que a cidade siga a contar co distintivo de bandeira azul nos areais.
A ordenanza ten novas medidas para evitar infraccións ou conductas perigosas que se detectaron en puntos como o miradoiro de San Amaro, así como o feito de que bañistas accedan á auga habendo bandeira vermella, o que determina a prohibición de baño. Neste sentido, meterse no mar ou non saír voluntariamente cuando esté izada a bandeira vermella considerarase como infracción grave na ordenanza.
O BNG votou a favor tras conseguir o compromiso por parte do Goberno Local relativo á habilitación das Amorosas e as calas de San Roque como espazos para o esparexemento canino.
Dedicou apenas un minuto o propio Gonzalo Castro para intentar explicar aquelas declaracións, sinalando que “os procedementos de 500.000€ non son modelos culturais para unha cidade”, e se sentiu “triste”, porque asegurou que “o cartel naceu dunha escoita activa do sector…” e nomeu, descargando a responsabilidade en xentes como Marta Horjales, Héctor Lendoiro, Gandi, Tomi Legido, Nonito… Surrealista que queira implicar a todas estas personalidades da cidade, que ben poderían estar contratadas percisamente nesa praza que pediu o BNG para organizar o Festival…
Non quedou aí Castro, que mesmo a pedir “un mínimo recoñecemento ao cartel”, por consideralo “o máis galego da historia do Noroeste” e o máis “feminista”, sen ter en conta que houbo edicións como a de 2019, no que ata a metade do cartel era feminino.
Outro modificativo para o IMCE
O BNG tamén permitiu aprobar outro novo modificativo de crédito para o Instituto Municipal de Cultura e Espectáculos, por un total de case 200.000€.
O voto afirmativo da formación nacionalista chega após negociar co Goberno Local que a mudanza nas contas dunha partida de 91 mil euros vaia para financiar a Romaría de Santa Margarida e o programa cultural Cascarillarte.
As obras do acceso ferroviario ao porto exterior da Coruña alcanzaron un novo fito co cale da galería 1 do túnel 1, unha galería de evacuación de 716 metros de lonxitude, marcando a finalización da escavación en mina no conxunto do proxecto, segundo informa a Autoridade Portuaria.
Esta obra, cunha lonxitude nos seus eixos de 6,7 quilómetros, entre o porto e o seu inicio na contorna do polígono de Vío, levou a escavación de 7,4 quilómetros de túneles, pola necesidade de executar tres galerías de evacuación no túnel 1 para cumprir a normativa ferroviaria vixente en materia de seguridade.
A escavación destes túneles desenvolveuse mediante a técnica do Novo Método Austríaco, consistente no arranque do material empregando técnicas de voadura e de escavación con medios mecánicos (retroexcavadores) e aplicando sostementos flexibles en función da calidade do terreo que se atravesa.
A lonxitude máxima alcanzada en cada ciclo de escavación e sostemento é de 5 metros. O túnel 1, de 3.739 metros de lonxitude, conta con outras dúas galerías de emerxencia de 729 e 685 metros. Ao longo dos últimos meses hanse simultaneado os traballos de escavación da galería 1, con traballos de revestimento no túnel principal e na galería 3.
No túnel 2, de 774 metros, finalizouse o revestimento no mes de xullo, e utilízase actualmente como viario interno para o transporte de materiais excedentes cara ao Porto Exterior.
“Estes materiais empregaranse como recheo portuario, fomentando a economía circular e reducindo a pegada de carbono, ao minimizar a afección á contorna”, explica a Autoridade Portuaria que engade que nas próximas semanas comezarase cos traballos de execución das beirarrúas de evacuación. As obras concluirán en 2026 e estarán plenamente operativas en 2027.
A portavoz Parlamentaria socialista, Lara Méndez, asegurou, sobre as críticas da alcaldesa da Coruña, Inés Rey, polo cesamento á subdelegada do Goberno María Rivas, que o partido “admite discrepancias e outros puntos de vista, non como outros”.
Preguntada polos medios de comunicación este xoves acerca da súa opinión sobre a postura de Rey, crítica ante a recolocación de pezas que se produciu no PSdeG, Méndez afirmou que é unha decisión que “atende a criterios de obxectividade e a ter as persoas máis idóneas en todo momento”.
Así mesmo, lanzou un dardo ao PP, ao que sinala por non ser capaz de “asumir ningunha discrepancia interna”, o que provoca que “non se escoiten nas exterior voces críticas”. Méndez, tamén agradeceu o traballo de Rivas, que actualmente se incorporou ao Goberno municipal, da man de Rey. O seu cargo será ocupado polo deputado do PSdG e ex reitor da Universidade da Coruña (UDC), Xulio Abalde. “Buscamos persoas que poden facer un mellor traballo para ser o máis útiles posibles á sociedade, que é o noso obxectivo principal e final”, concluíu a socialista.
Comeza o curso escolar, tamén na Rede Municipal de Bibliotecas da Coruña, que inicia unha nova edición dos seus clubs de lectura, un dos programas máis consolidados e participativos da súa oferta cultural.
En total, a programación abrangue 36 clubs de lectura repartidos por todas as bibliotecas municipais, cun total de 556 prazas gratuítas dispoñibles. A oferta inclúe clubs xeralistas, clubs temáticos arredor dun xénero, lingua ou temática común, clubs dirixidos a colectivos específicos e tamén propostas infantís e xuvenís. Ademais, como novidade, mantense un ciberclub virtual, pensado para quen prefira participar ao seu ritmo e sen horarios fixos.
Cada grupo terá un máximo de 10 a 20 participantes, segundo a capacidade do espazo.
As inscricións abriranse a partir do 15 de setembro, no día da semana no que se celebre cada club en www.coruna.gal/bibliotecas/, por teléfono ou de maneira presencial en cada centro. As prazas asignaranse por orde de inscrición e os grupos comezarán as súas reunións ao longo do mes de outubro.
As sesións, que se realizarán ao longo de todo o curso 2025-2026 con periodicidade semanal, quincenal ou mensual, constitúen un espazo de encontro no que as persoas participantes comparten impresións arredor dunha selección de títulos proposta polo persoal bibliotecario.
