Entre elas, a conselleira de Promoción do Emprego, Elena Rivo; a concelleira da área de benestar social do Concello da Coruña, Yoya Neira; a deputada provincial de Política Social, Mª do Mar García; a comisionada para universidades de Fundación ONCE, Isabel Martínez; o secretario xeral de ONCE, Rafael de Lorenzo; o presidente de Down España, Mateo San Segundo, o de Down Coruña, Ricardo Santos e o de Down Galicia, Delmiro Prieto.
Pola súa banda, Rivo avogou na súa intervención por “o emprego en igualdade de condicións” coa vista posta en alcanzar unha Galicia “máis inclusiva”.
Nuestro presidente Mateo San Segundo considera que “las familias de las personas con #síndromeDown somos el motor de los cambios que se han producido y se van a producir en el futuro: no hay otro camino mejor, pero no nos equivoquemos. No todo lo que hemos conseguido hasta ahora… pic.twitter.com/q7KO9WBTfr
“A atención mundial está concentrada no que lle pasa aos israelís, non no que lle pasa aos palestinos”
“O que fai Israel con Palestina é un racismo politicamente correcto”
Tivéseme gustado que nos outorgasen ese dereito á autodefensa. Por que os palestinos non temos ese dereito? Por que se magnifica o dereito do pobo ucraniano, pero os palestinos somos terrotistas?
— —- —
Cos ollos do panorama mediático postos estes días nunha nova escalada de violencia entre Palestina e Israel, queremos falar con Mohammed Safa. Este oftalmólogo palestino leva máis de 30 anos afincado en Galicia, concretamente en Cee, pero mantén viva a conexión coa súa terra como activista e mediador.
As cousas están moi mal. Non pintan nada ben, a verdade.
Estás en contacto con xente de alí?
Si, claro. Estou en contacto permanente con xente en Cisxordania, e de Gaza máis coas familias que viven en España, que si están en contacto, e eu sempre lles pregunto. Porque os palestinos somos unha familia común. Hoxe en Gaza, pero onte estaban en Xerusalem. Unha tónica constante.
Como valoras as accións destes días?
Hai que dicir que a operación, dende o aspecto puramente militar, foi brillante. Ninguén é capaz de entender como foron capaz de romper todo o telón de aceito que ten Israel sobre Gaza, unha terra que ten ata o ceo vixiado 24horas… e aínda así, unha poboación sitiada, sen recursos, con embargos de terra, mar e aire, foron capaces de facer un acto de resistencia deste calado.
En todo caso, nada que ver coas accións realizadas contra os civís, que por suposto, non comparto.
Se cadra, era necesario algo así para desbloquear unha situación que non avanza de ningún xeito?
Parece que a guerra de Ucrania ocultou o noso conflito. Parece que a invasión israelí xa estaba superada, e único que estaba a pasar era a mellora das relacións de Israel co resto de países árabes, ademais de occidente. E se cadra era necesario algo así, pero creo que a atención mundial está concentrada no que lle pasa aos israelís, non o que lle pasa aos palestinos. O coflito leva moitos anos, pero só salta aos medios de comunicación cando hai un israelí morto, e parece que conflito nace aquí, cando é un conflito crónico, e o estado israelí intenta sempre destextualizar a situación. Non hai que olvidar que hai unha ocupación dende hai 75 anos. Unha colonización que vai comendo o territorio palestino.
O que fai Israel é un acto racismo politicamente correcto, coa connivencia de todo Occidente, que está outorgando licenza para que Israel defenda as súas colonias, cando a ocupación é unha ilegalidade no dereito internacional. De que se defenden? Está defendo as súas colonias, iso non é dereito internacional. A xustiza é inxusta e a legalidade é ilegal, neste caso.
Que parece a resposta da dereita española apoiando sen miramentos a Israel, difundindo bulos…?
A dereita en España non me sorprende, porque hai unha conveniencia entre a extrema dereita que goberna en Israel e a dereita en Europa.
Todo o que pasou na historia da humanidade é que a vida duns vale máis que a doutros, e segue latente esa mentalidade de que os brancos son mellores que os negros.
É estrano ver como Europa lle outorga o dereito de autodefensa a Israel. Tivéseme gustado que nos outorgasen ese dereito á autodefensa. Por que os palestinos non temos ese dereito? Por que se magnifica o dereito do pobo ucraniano, pero os palestinos somos terrotistas?
Mohamed Safa-Foto-David Lourido
Que cres que vai pasar?
Espérannos días e semanas longas e escuras. Israel vai intentar asesinar palestinos ata que se inche. Agora mesmo é un toro ferido. O Estado sinte que lle teñen humillado, e agora é o momento de poder restrablecer o seu poderío, e o único que saben facer é matar, aplastar a poboación.
Agora están intentando cortar a auga, luz… A vida dos palestinos estase convetindo nunha milagre, nestas condicións.
Se non fose un pobo convencido das súas raíces, estaría morto. Fomos e somos expulsados, fomos e somos ocupados, aplastados, asasinados… pero seguimos pensando que o mañá é noso, como pobo libre.
Non queremos ter un imperio, queremos ter un estado libre, pero imos pagar un prezo moi caro.
Os escenarios abertos todos dirixen á continuidade do conflito, de maior confrontación. Non se vislumbra unha solución. Cómpre lembrar que estamos na 5ª guerra sobre a franxa de Gaza, e sempre se di que pode haber unha solución, pero nunca pasa, a ocupación vai seguir igual así ata que haxa un novo israelí morto.
E esa posible solución dos dous estados?
É un discurso agotado, ata o que o din saben que nunca foi unha proposta real nin hoxe nin nunca. Podería ser a mellor forma diplomática para saír do paso, pero creo que non é unha opción realizable.
O enterro do catro falecidos no incendio dun edificio en Vigo, rexistrado na madrugada do pasado mércores, terá lugar este venres na Coruña, a partir das 12,00 horas.
Segundo informou Sociedade Xitana Española, as vítimas mortais do lume recibirán sepultura no Cemiterio de Feáns da cidade herculina, de onde era natural a muller, nai dos tres nenos que tamén faleceron.
A asociación subliñou que ao enterro acudirán, ademais de achegados e familia, multitude de persoas en representación de todas as familias xitanas de Galicia. A Comunidade Xitana declarou tres días de loito en conmemoración e respecto polos catro mortos.
Todo iso despois de que unha equivocación fixese que os corpos fosen enviados á Coruña, de onde era natural a nai dos menores. No entanto, a familia esperaba que polo menos os nenos puidesen ser enterrados en Vigo, pero finalmente descartouse esta posibilidade.
FEITOS
O incendio desatouse na madrugada do martes para o mércores, e os bombeiros apuntan a que se iniciou no vestíbulo do inmoble. Aínda que os veciños sinalaron que o lume foi intencionado e apuntaron directamente a un home que viviu en edificio e foi expulsado “por conflitivo”, o delegado do Goberno, Pedro Blanco, e as fontes policiais matizaron que é prematuro confirmar esa hipótese, mentres os investigadores seguen traballando.
En concreto, a Policía Nacional informou de que non levou a cabo “ningunha detención” nin se prevé, polo momento, ningún arresto, aínda que non descartou nin confirmou que haxa intencionalidade nos feitos. O lume saldouse con catro falecidos e máis dunha ducia de persoas feridas.
O militante coruñés Manuel Losada vén de presentar este mércores a seu precandidatura para competir nas primarias que o PSdeG celebrará para elixir o seu candidato á Xunta. Competirá con Gonzalo Caballero e José Ramón Gómez Besteiro nos comicios internos socialistas este 29 de outubro de 2023.
Losada, de 72 anos, é militante socialista dende hai máis de 10 anos, pero asegura ter sido sempre socialista como “o menor de 8 irmáns dunha familia de traballadores”. Con doble “nacionalidade” de Monte Alto (viviu moitos anos na Rúa da Torre) e a Cidade Vella (naceu no Hospital Militar), ten dous obxectivos coa súa candidatura, asegurando que non hai “ningunha corrente detrás”.
“Por un lado, o que me move é axitar a agrupación da Coruña, unha das máis importantes e antigas de Galicia, e na situación actual necesita reactivar todos os debates e vida de militantes que debería ter”, explica.
“E por outro lado, facer valer que os temos edade, somo útiles. Estamos nunha sociedade galega maior e stamos demasiado acostumados a escoitar loubanzas dos maiores da nosa calidade experiencial para aportar, pero á hora de ser desiñados para unha función determinada non se nos ten en conta”.
“Entramos en marea”, apunta con gañas de lea tendo en conta que agora, os tres socialistas deberán reunir os avais necesarios para que as súas candidaturas sexan proclamadas. Para iso teñen de prazo ata o próximo día 18.
A Fundación A Caixa e o Concello da Coruña presentaron ‘Symphony. Unha viaxe ao corazón da música’, unha experiencia que propón ao espectador gozar da música clásica a través da tecnoloxía de realidade virtual (VR) como un músico máis dentro da orquestra.
As dúas películas que forman este proxecto itinerante, con guión e dirección de Igor Cortadellas, proxectaranse na Coruña desde este xoves, día 12, ata o 7 de novembro, nos xardíns de Méndez Núñez.
O concelleiro de Área de Fomento e Promoción da Cidade do Concello da Coruña, Gonzalo Castro; a directora comercial de CaixaBank Rede Galicia, Marta Albela; a delegada territorial da Fundación A Caixa en Galicia, Susan Santos; e o asesor do proxecto, Marcel Gorgori, asistiron este mércores á presentación desta experiencia virtual que está inmersa nunha xira que percorrerá un centenar de cidades de España e Portugal durante dez anos.
Baixo a batuta de Gustavo Dudamel e acompañados dos máis de cen músicos que integran a prestixiosa Mahler Chamber Orchestra, “o público poderá escoitar a música dunha forma única que, mesmo, permitiralle entrar no interior de instrumentos”, segundo informan os responsables.
O proxecto, impulsado pola Fundación A Caixa, está protagonizado por composicións de Ludwig van Beethoven, así como de Gustav Mahler e Leonard Bernstein.
Este mediodía de mércores, as traballadoras da cadea de supermercados Gadis saíron á rúa ante a “abusiva carga de traballo” que sofren. Nunha concentración convocada pola CIG, as traballadoras berraron arengas como “menos anuncios e máis recursos”, ou “se queres enfermar, a Gadis vén currar”.
”Queremos traballar como galegas, non coma escravas” sinalan nun comunicado deixando claro que “estamos rebentadas, pero non van poder con nós”. Denuncian que levan “sufrindo dende hai moito tempo as prácticas laborais abusivas da empresa: xornadas que se alonganmáis alá do noso horario marcado, presión excesiva para realizar as tarefas, incremento esaxerado da carga de traballo (unha persoa ten que facer o traballo de dúas), non se suplen as ausencias por vacacións ou envermidade…”
Denuncian ademais que “nas caixas a situación é extrema: padecemos a vixilancia segreda no nosos posto por medio dunha empresa subcontratada ao efecto, remos que realizar numerosas tarefas ao mesmo tempo (cobrar, contestar ao teléfono, atender pedidos, embolsar, limpeza de cestos e carros, reposición…) sen que a empresa contrate os reforzos necesarios”.
Explican que este proceso leva endurecéndose dende 2020, “ano no que nos esixiron aínda máis alegando a nosa responsabiilidade coa poboación”.
Critican ademais os “inxentes beneficios” que ten a empresa, pero a falta de repercusión nas condicións laborais das traballadoras.
Rematan, con sorna, cambiando os clásicos slogans publicitarios da empresa e denunciando que “coma galegas, en Gadis non temos vida” ou “non queremos ser sempre as que lles chova enriba”.
“Menos anuncios e máis recursos”.
Así se manifestaban, da man da @CIGACorunha, as traballadoras do @gadis cambiando os slogans clásicos por outros máis reais:
“coma galegas, en Gadis non temos vida” pic.twitter.com/HXIHbkQDht
A Consellería de Infraestruturas e Mobilidade delegou na Empresa Municipal de Augas de Galicia (Emalcsa) a definición dun posible transvasamento de auga desde o lago das Encrobas ata o encoro de Cecebre.
Nun comunicado, e en relación ao posicionamento do goberno local a este respecto, o departamento autonómico indica que “o titular do sistema de abastecemento da Coruña é o Concello, que o xestiona a través Emalcsa”.
Ademais, afirma que na reunión celebrada o pasado 6 de outubro, Augas de Galicia informou a todos os concellos da situación do sistema de abastecemento que provocou a declaración do estado de alerta por parte da Oficina Técnica da Seca.
“Nesa reunión, Emalcsa, de acordo con Augas de Galicia e todos os concellos participantes, trasladou que estaba preparada para realizar un bombeo e auga procedente do lago das Encrobas ata o encoro de Cecebre”.
“Trátase dunha medida exposta polo titular do sistema de abastecemento como actuación de emerxencia ante a situación de seca”. “Correspóndelle ao titular do sistema definir tecnicamente, financiar e executar a medida, coa preceptiva autorización de Augas de Galicia, como responsable da protección do Dominio Público Hidráulico”, sostén a Xunta.
Un coche incendiado na avenida Alfonso Molina, na Coruña, colapsou a estrada, principal vía de entrada e saída da cidade herculina.
Segundo informou o 112 nas súas redes sociais, o servizo tivo constancia do suceso ao redor das 18.45 horas. Varios particulares alertaron de que o coche comezou a arder tras chocar con outro.
O accidente tivo lugar en dirección saída da cidade e non se notificaron feridos.
A alcaldesa da Coruña, Inés Rey, descartou “restricións de ningún tipo” ante a falta de precipitacións e asegurou que a situación do encoro de Cecebre, “a un 43 %” da súa capacidade, non é “preocupante” e que o abastecemento de auga “está garantido”.
“O concello está a tomar todas as medidas necesarias para facer fronte a calquera eventualidade”, dixo, non entanto, a preguntas dos perioditas, tras informar dos asuntos aprobados na Xunta de Goberno.
Sobre o encoro das Encrobas, e un posible transvasamento de auga, lembrou que o concello non ten competencias e recalcou que calquera decisión respecto diso e a autorización de probas de transvasamento corresponde a Augas de Galicia.
“Neste momento, o abastecemento está garantido e non está previsto ningún transvasamento”, incidiu a rexedora herculina en relación a esta cuestión.
A alcaldesa da Coruña, Inés Rey, cualificou de “escusas peregrinas” as formulacións da Xunta sobre a solicitude do consistorio coruñés para que se declare á cidade mercado tensionado para controlar o prezo do aluguer.
“O prezo medio do aluguer na cidade está en 600 euros e hai máis de 2.300 demandantes de vivenda na cidade, iso é o que eu valoro”, dixo, a preguntas dos xornalistas, na rolda de prensa posterior á Xunta de Goberno.
A rexedora lembrou que estas cifras foron o motivo polo cal o Concello pediu “a quen ten as competencias” que declare a cidade como zona tensionada en base á nova lei de vivenda e coa colaboración que ofrece, dixo, “sempre” o Consistorio.
“O problema é cando unha administración, que é a que ten competencias, entende a vivenda como un depósito a prazo fixo e non como un dereito constitucional“, criticou Rey.
Ao mesmo tempo, recalcou que o investimento de vivenda da Xunta no ano 2022 foi de “4,5 millóns en toda Galicia, deixándose o 92 por cento do orzamento sen executar”.
“A inacción está clara”, apostilou en referencia ao Goberno autonómico. Ademais, cualificou de “argumento peregrino” a resposta da Xunta de que non cabe a petición municipal porque a lei “está recorrida ante o Constitucional”. “A parte dun descoñecemento absoluto da aplicación da lei, é das peores escusas que escoitei por parte PP e da Xunta”, sentenciou.
