Inicio Blog Páxina 557

Idiákez salva o pescozo

Miguel Barreiro Bugallo
-
0
Idiákez salva o pescozo
  • Xornada 15 – Barca B – 1 Depor 2
  • Imanol Idiákez salva seu posto de adestrador grazas a unha vitoria no desconto dun partido que deixou ver o mellor Depor fóra da casa no que vai de tempada
  • Décimo quinto partido de Imanol Idiakez como adestrador do Depor en partido oficial (5V 7E 3D).

— — —

E todo grazas a un partido serio do Depor co chisco de fortuna que lle faltou noutros encontros fóra da casa. Nesta ocasión, os homes de Idiákez deron a volta ao marcador por primeira vez na tempada, para sumar tres puntos que nos manteñen na zona de ninguén, lonxe de perigos pola parte de abaixo e lonxe, tamén, de aspiracións maiores.

O encontro comezou do mesmo xeito que outros fóra da casa: pouco perigo nas chegadas, sustos na defensa e pouco espírito loitador nos choques. Vamos, que se estaba a quedar unha bonita tarde para a destitución do míster. Pero, nestes xiros de guión aos que tanto nos ten acostumados o Dépor, sacou a garra e conseguiu empatar nun arresto de coraxe dun Villares que por fin amosa o nivel o que nos tiña afeitos.

A segunda parte foi o mellor do Depor fóra da casa da tempada, cos erros e ca falta de fluidez no xogo habituais, pero polo menos amosou que algo estaba en xogo e foi polo partido. Verticalidade na dianteira, chegadas con perigo e intentalo ata o final deron mostra de que algo lles importaba aos xogadores a cabeleira do bo de Imanol.

E tivo que ser Davo quen leve a gloria dos puntos e o que protagonice os vídeos da semana branquiazul. Xusto un dos xogadores máis criticados do equipo e o que peor rendemento está a dar. Cousas veredes. Algo de luz pódese ver neste túnel, atendendo a volta de Yeremay e Mella o bo nivel de Villares. Tres cousas máis que hai un mes non tiñamos e que nos permitirán respirar un pouco máis profundo.

Recuperar pezas, soltar lastre en decembro e incorporar novos xogadores, dirá se estamos preparados para pensar en cousas maiores. Non está o Dépor para moitas festas, pero, polo menos, os puntos e as vitorias dan confianza para non perder de vista un obxectivo máis ambicioso. Hai Idiákez ata o Nadal, polo que os xogadores dirán se queren que remate a tempada ou que esteamos en xaneiro coma estivemos esta semana pasada.   

  • Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.

MÁIS CRÓNICAS DO DÉPOR

Aberta a Casa dos Xoguetes para fomentar a economía circular por Nadal

editor
-
0
Aberta a Casa dos Xoguetes para fomentar a economía circular por Nadal

Non hai outra época tan consumista como o Nadal. Para intentar calmar conciencias, para fomentar o consumo consciente e responsable e promover a economía circular, ponse en marcha a través da Oficinal Municipal de Información ao Consumidor (OMIC), a campaña da Casa dos Xoguetes, un xeito de darlle unha nova vida a aqueles obxectos en bo estado que non teñen uso.

Abre hoxe, 2 de decembro, e ata o 5 de xaneiro, a oficina, situada no número 9 da praza Mestre Mateo, permitindo a aquelas persoas interesadas entregar xoguetes en bo estado de conservación. Os xoguetes que se recollan terán que cumprir coas normativas europeas para o seu uso e estarán destinados a nenos e nenas de ata 14 anos. Aceptaranse un máximo de 10 xoguetes entregados por usuario ou usuaria.

As persoas que queiran achegarse ata alí traer xoguetes que non utilicen recibirán cupóns que lles permitirán trocar os seus por outros que teñan expostos nese momento. Tamén poden facelo aquelas persoas que simplemente queiran facer unha doazón sen facer este intercambio; Entregaranse a persoas con poucos recursos. Os xoguetes poden ser de todo tipo (se inclúen libros, aínda que o ideal sería que fose material recreativo ou de xogo).

Os horarios de apertura da Casa dos Xoguetes serán os seguintes: de luns a venres das 10.00 ás 19.00 horas e sábados de 10.00 a 14.00 horas.

Actividades

Recollida en Oza

Tamén en Oza preparan unha collida de Nadal. O local da Asociación Veciñal Oza Gaiteira Os Castros (R\ Mercé, 56 Baixo, 981 298 122) está recollendo xoguetes ata o 20 de decembro. Os xoguetes teñen que estar en bo estado, limpos e completos. Todo o que recollan doranro a unha ONG aínda sen determinar.

 

Máis novas

Prendidas 3 millóns de luces do nadal coruñés

Prendidas 3 millóns de luces do nadal coruñés

editor
-
0
Prendidas 3 millóns de luces do nadal coruñés

Pablo, Etienne, Hugo e Lorena foron os encargados este ano de prender os máis de 3.350.000 puntos led (de baixo consumo), de toda Coruña. Foi no marco dunha ridícula gala celebrada no Obelisco, que se alongou e se alongou colmando a paciencia dos que pensaban que o acendido sería ás 18:30h.

Momento do encendido
Momento do encendido

Foi o mago Cayetano Lledó o que abríu a gala cun espectáculo moi navideño, sacando as risas dos máis pequenos cos trucos de maxia, e coa súa actuación clave clown, na que reinvidicou o papel dos persoeiros “invisibilizados” do Nadal, como o cervo Rudolf, O Grinch andaluz, ou o arxentino Rodolfo Langostino.

Lledó deu paso ao xornalista Pablo Portabales, como mestre de cerimonias, que xunto á alcaldesa fixeron o que puideron para aguantar a espera, cambiando de galego a castelán sen moito rigor, ata o acendido. A alcaldesa escolleu dous debuxos ao azar e os dous nenos agraciados foron os encargados de pulsar o botón que activou as luces de Nadal.


Este ano o Nadal coruñés conta con 3.350.000 puntos led de baixo consumo, repartidos en 534 arcos. Hai decorados nos diferentes barrios 198 farois, 53 árbores e un total de 222 rúas con iluminación. Ademais, A Coruña volve a contar coa árbore luminosa de 20 metros do Obelisco e coa bóla de 12 metros da Mariña. Este venres comezou a actividade tamén nas atraccións da praza de María Pita.

Concello da Coruña e Xunta apelan á fortaleza do audiovisual na XVII edición de ‘Ideas para Producir’

europapress
-
0
Concello da Coruña e Xunta apelan á fortaleza do audiovisual na XVII edición de ‘Ideas para Producir’

O Concello da Coruña e a Xunta apelaron á fortaleza do audiovisual galego na XVII edición de ‘Ideas para Producir’, un evento que contou coa participación dun centenar de profesionais.

A alcaldesa, Inés Rey, e o director dá Axencia Galega dás Industrias Culturais, Jacobo Sutil, presidiron a clausura deste foro profesional dedicado á exposición de proxectos audiovisuais e co obxectivo de reunir a produtores, guionistas e directores. Houbo tamén a proxección de proxectos de cinema e televisión.

Rey remarcou, durante a súa intervención, que A Coruña é unha cidade “pioneira” no ámbito do sector audiovisual. “José Sellier foi pioneiro da cinematografía galega e o primeiro especialista español en traballar cunha cámara Lumière”.

Pola súa banda, o director da Axencia Galega dás Industrias Culturais, Jacobo Sutil, remarcou o momento polo que pasa o audiovisual galego, tanto en recoñecementos artísticos como en datos de produción, ademais de felicitar á organización pola longa traxectoria desta iniciativa.

Miranda (BNG) afirma que o final das obras de dragado da ría do Burgo será cando se volva a mariscar

europapress
-
0
Miranda (BNG) afirma que o final das obras de dragado da ría do Burgo será cando se volva a mariscar

A eurodeputada do BNG Ana Miranda asegurou que o final das obras de dragado da ría do Burgo será cando se volva a mariscar, segundo expuxo nunha visita á zona xunto a representantes da Confraría.

Con motivo da mesma, asegurou qe a obra non termina só coas actuacións previstas, como a retirada dos lodos ou a resiembra de especies, “senón cando se estea producindo na ría”.

“Esperemos o ano que vén asistir á inauguración das obras, pero hai que pór en valor que os mariscadores teñen que ter unha saída económica e social”, insistiu.

Por outra banda, remarcou o traballo desde o BNG para a execución desta obra, tras a visita dunha delegación de eurodeputados da Comisión de Peticións da Eurocámara fai dez anos ou as iniciativas nacionalistas.

“A rexeneración da ría do Burgo é un tema prioritario para o BNG e absolutamente imprescindible para que se recuperen os postos de emprego e o medio ambiente”, sentenciou nun acto xunto a mariscadores e edís do BNG na Coruña, Culleredo e Cambre.

Máis novas

A dragaxe da ría do Burgo rematará en abril de 2024

A Xunta fixa “en días” o inicio de obras no aparcadoiro da Intermodal

europapress
-
0
A Xunta fixa “en días” o inicio de obras no aparcadoiro da Intermodal

A conselleira de Infraestruturas e Mobilidade, Ethel Vázquez, destacou o avance a “bo ritmo” das actuacións que competen á administración galega na Intermodal da Coruña (a construción da terminal de autobuses, os elementos comúns e o aparcadoiro) e manifestou que “en cuestión de días” comezarán traballos vinculados a este último.

“Comezaremos a construír a laxa inferior e a principios de xaneiro será a superior”, expuxo sobre os traballos que se están acometendo para a nova terminal de autobuses con presenza de 60 operarios e 20 máquinas. Ademais, insistiu en que se trata dun proxecto “estratéxico” co que A Coruña “se incorpora ao mapa intermodal”. “Unha nova terminal de autobuses integrada na intermodal que permitirá o intercambio entre modos de transporte“, apostilou sobre as actuacións da Xunta.

Este proxecto é froito da colaboración entre Xunta, Adif e o Concello da Coruña que mobilizarán un investimento total de 120 millóns de euros. “Serán menos de cinco minutos os que se tardará en pasar do autobús ao tren”, indicou a conselleira na súa visita ás obras da nova estación de autobuses. Dela, dixo que a previsión é que reciba “500 expedicións diarias e 2,7 millóns de viaxeiros ao ano”. “Un gran proxecto froito dunha colaboración institucional”, remarcou.

A Coruña acolle a conferencia política do PSOE en xaneiro e o comezo da campaña das galegas

europapress
-
0
A Coruña acolle a conferencia política do PSOE en xaneiro e o comezo da campaña das galegas

O Partido Socialista celebrará os días 20 e 21 de xaneiro na Coruña a súa conferencia política, un acto que servirá aos socialistas para marcar a estratexia da lexislatura e que a formación realizará nun territorio no que se celebrarán eleccións autonómicas o próximo ano.

Así o sinalou este venres o candidato socialista á Presidencia da Xunta, José Ramón Gómez Besteiro, que destacou a celebración deste evento na cidade herculina; “unha magnífica noticia” e un “novo sinal da importancia de Galicia para o Goberno de Pedro Sánchez”.

“A estratexia da nova lexislatura sairá desta conferencia, que terá máis que nunca un acento galego”, dixo Besteiro, que sostivo que o Goberno pensa en Galicia e dálle o lugar que se merece, segundo indicou, coa vista posta nas eleccións autonómicas que se celebran en 2024, tanto en Galicia como no País Vasco.

Desde a dirección federal do PSOE engaden que esta conferencia política pretende ser un impulso para as ideas do partido no debate ideolóxico español servirá para reforzar, ampliar e renovar o ideario socialista, ante a “batalla da verdade contra os bulos e o negacionismo” que ao seu xuízo está a levarse a cabo.

EVITAR O MANTO DE FAKE NEWS

Neste sentido sinalan que é urxente facer unha reflexión para evitar que “o manto de fake news que emana dos pseudomedios de comunicación negacionistas que orbitan ao redor da ideoloxía ultra non se propague á sociedade”, segundo trasladan.

Indican ademais que a conferencia política terá varias comisións de traballo nas que se dividirán os delegados para poder debater e elaborar as conclusións e decisións que emanen deses dous días de debate.

Os debates da comisión comezarán días antes do inicio presencial, co envío dos documentos basee aos diferentes delegados, para que os estuden, amplíen e fagan as achegas que consideren oportunas.

AUTONÓMICAS EN GALICIA EN 2024

Nun contexto no que crecen as especulacións sobre un posible adianto electoral en Galicia que situaría a data das eleccións autonómicas no primeiro trimestre de 2024, os socialistas elixen esta comunidade, un territorio no que terán como candidato a Besteiro, a quen a dirección estatal do partido dá visibilidade de novo, despois de ter xestos cara a el como a súa inclusión no equipo do PSOE que negociou a investidura de Pedro Sánchez e a súa futura elección como presidente da Comisión de Transportes do Congreso.

A data da conferencia política foi adiantada por ‘El País’, que sinala que a alcaldesa da Coruña e vicepresidenta primeira da Federación Española de Municipios e Provincias (FEMP), Inés Rey, será a anfitrioa dunha cita política que podería servir tamén para acometer algúns cambios na dirección federal do PSOE e facer de escaparate para os seus candidatos ás autonómicas, tendo en conta que tamén no País Vasco terán lugar eleccións en 2024.

De feito, neste momento está vacante a portavocía do partido, despois de que a ministra de Educación, Formación Profesional e Deporte, Pilar Alegría, –que ata o momento exercía ese cargo– fose nomeada portavoz do Goberno por Pedro Sánchez.

Preguntado sobre a celebración deste evento, o presidente da Xunta e candidato do Partido Popular á reelección, Alfonso Rueda, asegurou estar “encantado” de que Sánchez acuda a Galicia, pero lamentou que non o faga como “presidente do Goberno” para reunirse con el, como “si fai” co titular da Generalitat de Cataluña, Pere Aragonès, co que ten previsto reunirse en decembro en Barcelona.

“Encantaríame que viñese aquí a Galicia, ter unha reunión e, iso si, que viñese con boas noticias”, dixo Rueda, que asegurou que se o que vén é a “facer un acto de partido” e a “falar mal do PP” e do seu goberno na Xunta, será “pouco útil”. “Pero alá eles”, resolveu.

Denuncian que Estrella Galicia non “atende” nin “escoita” aos seus traballadores

editor
-
0
Denuncian que Estrella Galicia non “atende” nin “escoita” aos seus traballadores

Os traballadores de Hijos de Rivera, propietaria da cervexeira Estrella Galicia, mobilizaranse o próximo 12 de decembro para reivindicar o seu dereito a conciliación laboral e familiar fronte ao Museo Estrela Galicia-MEGA.

A concentración, convocada pola sección sindical da CIG iniciarase ás 13,00 horas cunha concentración fronte ao museo e continuará cunha manifestación polo Polígono de Agrela. Nun comunicado, explican que con esta concentración buscan que a empresa “escoite” os seus problemas e necesidades e “deixe de tomar decisións unilaterais que só buscan aumentar a produción para cumprir obxectivos á conta dos seus dereitos e costas”.

As principais demandas viran ao redor das dificultades coas que se atopan os traballadores para conciliar a súa vida laboral e familiar, “xa que é a empresa a que fixa o calendario anual de vacacións de cada persoa, modifica os horarios laborais ao seu antollo e sen negociar; non elabora un calendario anual de traballo nas distintas seccións que lle permita organizar a súa vida; e hai problemas para cumprir cos descansos semanais”.

Critican tamén que a empresa poida recorrer a un sistema de preavisos obrigatorios para ordenar acudir a traballar mesmo en festivos e cunha escasa marxe de aviso. Así mesmo, denuncian que levan desde o 30 de xuño demandando que Hijos de Rivera “escoite e atenda” os problemas do persoal, pero a empresa, aseguran, “nin escoita, nin ten vontade de solucionar nada”.

“Teñen formulado o seu sistema de traballo agarrándose a un convenio que lle permite todo e mostrando unha enorme desconsideración cara aos seus traballadores, aos que en ningún caso ten en conta”, censuran, o que cualifican dunha “actitude abusiva” co cadro de persoal que “choca frontalmente” coa imaxe de “modernidade, de gran familia e de compromiso social” que proxectan.

Yolanda Díaz ficha a Sande de asesor

editor
-
0
Yolanda Díaz ficha a Sande de asesor

Yolanda Díaz anunciou a incorporación como asesor do ex senador e ex concelleiro de Marea Atlántica (antes de dividirse o espazo), José Manuel Sande, dentro do seu equipo no Ministerio de Traballo. Foi durante a presentación do libro que a vicepresidenta tivo este xoves en Vigo.

Sande tamén foi o candidato de Unidas Podemos nas pasadas municipais de maio, nas que a esquerda rupturista (partida en dúas) quedou fóra do Consistorio coruñés.

A vicepresidenta segunda do Goberno e líder de Sumar, aproveitou a intervención na presentación do libro –do que é prologuista– ‘Sociedade de Mercado ou sociedade decente?. Crítica da gran abdución neoliberal’ para facer un chamamento a todos os votos da esquerda das últimas xerais do 23 de xullo, respecto diso do que fixo fincapé en que “son máis que a última maioría absoluta de Feijóo” en Galicia, 800.000 fronte a 627.000, contrapuxo.

É a primeira presenza pública de Díaz en Galicia desde que Sumar constituíuse a semana pasada neste territorio situando a politólogo e profesor universitario Paulo Carlos López, como portavoz. Con todo, ten pendente aínda a presentación da promotora que debe conducir o proceso de “escoita” que a formación arrinca este sábado en Ourense e aínda sen persoa candidata.

Un videoxogo da UDC logra catro nomeamentos nos premios de PlayStation

europapress
-
0
Un videoxogo da UDC logra catro nomeamentos nos premios de PlayStation

O videoxogo ‘Avy, Fábulas de la Nopche’, realizado como traballo de final de máster que se imparte na Escola Politécnica de Enxeñaría de Ferrol, conseguiu catro nomeamentos aos Premios iokool PlayStation Talents, que promove Sony Interactive Entertainment España.

O xogo, que foi creado por alumnos do Máster en deseño, desenvolvemento e comercialización de videoxogos do campus da UDC en Ferrol, opta ao premio á Mellor Historia Orixinal, ao Xogo coa Mellor Arte, ao Mellor Xogo para Prensa e á Mención Especial Compromiso PlayStation.

Alicia Puentes, Diego Pérez, George Neighbour, Mónica García, Juan García e Sergio García –integrantes de Gamespond– son os alumnos que crearon a Avy, unha nena que viaxa a unha illa de fantasía e pesadelos repleta de xoguetes.

A gala de entrega de premios será en Madrid o vindeiro martes 12 de decembro a partir das 19,00 horas. Poderá seguirse tamén a través da canle de Twitch de PlayStation España.

Ademais, dentro dos premios de PlayStation optan, xunto a outros 24 proxectos, ao premio ao Mellor Xogo do Ano. O estudo independente que consiga este galardón recibirá un cheque por valor de 10.000 euros para o financiamento do seu proxecto.

OUTROS PREMIOS

Así mesmo, neste ano ‘Avy, Fábulas de la Noche’ xa conseguiu o premio a Mellor Xogo Cozy na IndieDevDay de Barcelona, ademais do premio especial de Crítica e o premio ao xogo con Mellor Arte no Kokoro Japan Expo de Vigo.

No 2022 o videoxogo foi finalista na categoría ao Mellor Xogo Cozy na Guerrilla Game Festival de Madrid e gañou o premio de Prata na Sección Indie no Videojugando que se celebrou en Soutomaior (Pontevedra).

1...556557558...818Page 557 of 818