A alcaldesa da Coruña, Inés Rey, trasladou o seu respaldo ao deputado no Congreso José Ramón Gómez Besteiro, de face ao proceso de primarias no PSdeG para elixir candidato á Presidencia da Xunta.
“É un magnífico candidato e será un magnífico presidente da Xunta”, dixo a rexedora socialista, a preguntas dos xornalistas, tras informar dos asuntos aprobados en Xunta de Goberno.
“Ten o meu respaldo, fágoo público, non creo que houbese dubida pero polo si ou polo non”, sentenciou Rey de face ao proceso de primarias e despois de que o que foi secretario xeral do PSdeG e ex delegado do Goberno confirmase que concorrerá a este proceso.
Tamén o fixo o deputado no Parlamento galego e exsecretario xeral do PSdeG, Gonzalo Caballero, quen se puxo a disposición do partido para “sumar” e apelou a escapar de “calquera tipo de sectarismo” para lograr un mellor partido socialista.
Parece un guión de tarde de domingo de A3, pero a realidade supera moitas veces a ficción. María Pilar Rosanes revive estes días a dor infinita que supón perder un fillo. Perder un fillo na estrada, pola imprudencia, pola temeridade doutro ser humano, e o Consorcio de Bombeiros da Deputación da Coruña acaba de recordarllo, restregarllo pola cara, con esta carta.
UN CONDUCTOR HOMICIDA MATA A MI HIJO Y LA DIPUTACIÓN DE A CORUÑA @Depucoruna LE HA ENVIADO UNA FACTURA POR LA ASISTENCIA Y LIMPIEZA DE LA VÍA. JOSEP BOAN I ROSANES DEBE PAGAR, A PARTES IGUALES CON SU HOMICIDA, ASIER GONZÁLEZ SILVA, LAS 3h 20 MINUTOS QUE EMPLEARON PARA LIMPIAR… pic.twitter.com/mIfmbmPktO
Coa convicción de parar esta masacre que pasa cada día, María Pilar non vai parar de loitar. “A todos nos pasa o mesmo. Todos temos un Josep, non coñezo unha persoa que non perdese alguén nun accidente de tráfico. Pero a única diferencia do meu fillo co resto de Joseps, é que a súa escribe e fala”. Así de rotunda nos traslada a súa indiganción pola misiva, pero tamén pola indefensión que sinte ante unha Lei, a 379, insuficiente.“Hai que modificar a lei, hai que modificar a percepción da sociedade respecto á percepción destas mortes. Non son grautitas, e poden ser evitadas, os condutores só teñen que respectar as normas básicas”, sinala con rabia e contención.
”Existe a violencia vial, existen delincuentes ao volante. Os coches son armas, e a lei ten que recollelo. Non pode ser que para ser delito teñas que ir a 221km/h por unha autopista, a 151 por unha estrada ou a 111 nunha cidade”.
”Aí imos, imos cambiar esa lei. Eu ao meu fillo non podo salvalo, pero cando escoito unha noticia así, mo matan otra vez”.
De Cataluña a Galicia
A historia de Josep Boan i Rosanes parte dunha infancia estupenda. De avós galegos, de pequeno nunca pisou a nosa terra. “El sempre pedía ir a Galicia, a terra dos seus avós, pero eu sempre lle dicía que alí acababa o mundo, que como iamos facer 1000 km para ir onde acaba o mundo. Así que tirábamos para Florencia ou outros sitios de viaxe”.
Estudante de Historia, levaba anos afondando sobre a terra dos seus avós, e “estaba namorado da Torre de Hércules, da lenda de Breogán, do Finisterre…” relátanos a nai. Así que con 20 anos, “a súa primeira viaxe grande en moto, foi co seu pai cara Galicia”.
”Visitou a Coruña, sacou fotos na Torre de Hércules, e ao día seguinte foron a Fisterra”. Foi na volta cara Santiago, cando se cruzou con Asier G.S. na AC-552, a altura do Concello de Dumbría. Colleu unha curva a un mínimo de 130km/h nunha zona na que tiña que ir a 70, e o coche bateu contra a moto de Josep, que saíu proxectado, ante a mirada do seu pai, que viaxaba a unha distancia de seguridade (ambos circulaban a 63 km/h).
Imaxe do accidente @Quepasanacosta
”Todos nos temos pasado algo ao volante, pero coller unha curva de 70 a 130… como é posible que non sexa condución temeraria? Pois así é a lei 379, a lei que imos cambiar”, sinala rotunda e convencida sen entender o feble que é a lei con estes sucesos.
”Gústame pensar que a última terra que pisou foi Fisterra. Agora é a súa terra. E a miña tamén”.
A Carta
Se ben dende o Consorcio de Bombeiros da Deputación Coruña xa se apuraron a sinalar nalgún medio que a carta “foi un erro” e ía ser eliminada, o feito de recibila foi un duro varapau, e polo menos ata a noite deste martes 10 de outubro, ninguén do ente provincial se puxo en contacto con ela para pedir desculpas.
Repasa primeiro como foron aqueles días despois do accidente, con “eternas esperas, atestados, abogados… as torturas da xuíza e da fiscal, que te tratan como un delincuente…” e enlaza coa carta. “Tempo despois, cando solicitamos que nos enviasen as cousas de Josep que se puideron atopar no accidente, dixéronnos que as tiraran todas. Pero cando chegou ao buzón o recibo da chegada da carta da Deputación, que recollimos onte pola mañá, pensamos que alguén encontrara algo, unhas botas, un cinturón… Pero non, atopámonos con isto que de destroza o corazón…”
A outra carta
Este pasado mes de xuño enviaba esta carta ao “homicida do seu fillo”:
CARTA AL HOMICIDA DE MI HIJO
Esta carta es para ti, para el hombre que segó la vida de mi hijo, a nuestro hijo, para el hombre que ha privado a una hermana de su único hermano, que ha agriado el tiempo que a mis padres les queda por vivir; que ha herido a Sergi, Mariona, Judith,… pic.twitter.com/mXn9npH8T7
Avanzan as obras da Pasarela de Pedralonga, a estrutura da pasarela que unirá Eirís co Alcampo, e que formará a entrada á cidade por Alfonso Molina. Unha delegación institucional comandada polo delegado do Goberno Pedro Blanco e a subdelegada María Rivas, achegouse ata a nave sita no polígono de Coirós onde se desenvolve a estrutura.
Cos accesos laterais xa listos, avanzaron que a colocación desta estrutura, prevista para finais deste mes de outubro.
Mapa da Pasarela de Pedralonga
A pasarela de Pedralonga é a primeira das tres fases do plan de adecuación e humanización da Avenida de Alfonso Molina (AC-11), que impulsa o Ministerio de Transportes, Mobilidade e Axenda Urbana, e e que conta con 1,6 millóns de euros de investimento.
A pasarela consta de dous tramos metálicos: un central que atravesa a estrada, cunha lonxitude de 52 metros, e outro lateral na rampla sur, cunha lonxitude de 56 metros. Ambos os tramos teñen unha sección transversal de 4,8 metros por 5,2 metros. A estrutura metálica está formada mediante a unión soldada de tubos de aceiro laminado.
Este martes o IES Rosalía Mera acolleu a estrea do resultado final dun programa da area de Igualdade da Deputación da Coruña desenvolveu durante o curso académico 2022-2023 no propio centro. Trátase do programa coeducativo de “Sensibilización sobre a Segregación Ocupacional por Razón de Xénero”, realizado co profesorado e o alumnado dos 11 cursos de Formación Profesional deste centro, fortemente masculinizados.
Os obxectivos aos que buscou dar resposta o Programa de Sensibilización sobre a Segregación Ocupacional por Razón de Xénero no IES Rosalía Mera foron: concienciar ao profesorado sobre a importancia da coeducación, familiarizados xunto co alumnado en contidos relacionados coa igualdade de xénero, sensibilizar e dar pautas para as posíbeis formas de violencia machista por medio das novas tecnoloxías e levar a cabo dinámicas para favorecer a convivencia entre os xénero.
Segundo explicou a deputada de igualdade, Soledad Agra, “o que buscamos con este programa foi intervir dun xeito directo tanto co alumnado como co profesorado, coa finalidade de facerlles chegar ferramentas útiles e adaptadas a través das cales reflexionar sobre as desigualdade e inxustizas que seguen a darse e que están vencelladas co sistema sexo- xénero”
Por un lado o programa lanza unha Guía Didáctica que se convirte nunha ferramente práctica para introducir nos proxectos educativos o bo trato contribuíndo a que o alumnado capacidades para a análise crítica da realidade, o diálogo construtivo e a toma de decisións en situacións de conflito.
A segunda destas ferramentas é un micro vídeo para divulgar o programa e sensibilizar sobre esta realidade, co que poder contribuír á concienciación doutros centros educativos.
Deste xeito, o Concello cede o traballo burocrático en materia de subministración de enerxía eléctrica, vehículos automóbiles de turismo e, finalmente, subministración de motocicletas e ATV/QUADS.
Deste xeito, o Concello poderá contar cun aforro económico, reducirá da carga de traballo por parte do persoal técnico e axilizará da tramitación dos documentos.
“As licitacións faranse a través da propia Central de Contratación, regulándose así o servizo sen que isto conleve unha maior carga para o persoal técnico municipal e para o departamento de Contratación (dependente de Secretaría) que ten, na actualidade, 54 contratos que agardan polo seu correspondente informe”, explicaron.
Hoxe, mércores, 11 de outubro, arrinca o XXVIII Festival Internacional de Galicreques de Culleredo, no Burgo. Faino coa representación de ‘Títeres a cielo abierto’, de Manu Mansilla, recomendada para o público familiar.
A segunda sesión será o venres 20 de outubro, coa chegada de ‘Nino & Mambrú’, de Nauta Teatro, un espectáculo donde los protagonistas son dos excéntricos limpiabotas que presumen de ser os mellores no seu profesión.
O 27 de outubro, tamén viernes, Títeres Alakrán presentará ‘A pita xefa’, pensada para todos os públicos, unha pequena gallina poderá facer moitas cousas, incluso a máis importante: cambiar as normas do gallinero.
Todas as sesións serán ás 19:30 horas no Auditorio de Servizos Múltiples, no Burgo, e a reserva de butacas pode facerse na mesma semana da actuación, no 981 66 55 97.
Est tarde de luns, a CIG convocaba unha concentración diante das instalacións do Club do Mar de San Amaro da Coruña “en repulsa a un novo despedimento e ás actitudes da xunta directiva”.
Así foi a concentración desta tarde no Club do Mar polo despedimento dun traballador. pic.twitter.com/a45RYR61wR
A CIG Servizos e o Comitñe de Empresa manifestou o seu “rexeitamento frontal” ao despedimento deste empregado que, segundo explica, era delegado de persoal, “membro do recentemente elixido comité de empresa”, cunha “antigüidade de máis de 20 anos e un acordo de redución de xornada para poder desenvolver a súa actividade noutra empresa”. “Van case unha decena de despedimentos en menos de dous anos, dos cales os xudicializados foron gañados e recoñecidos pola xustiza como improcedentes“, engade.
Pola contra, o presidente do Club do Mar, Alberto Santalla, ao longo da semana recalcou que “os feitos relatados” por parte da CIG “son completamente falsos, tanto en canto ao número de despedimentos como no resultado final dos mesmos”. “Cabe resaltar que dos seis despedimentos efectuados por causas económicas, produtivas e organizativas, tan só tres foron xudicializados, ditándose a primeira sentenza o pasado venres 29 de setembro, pola que se desestima integramente a demanda da traballadora e confírmase o despedimento ao concorrer as causas alegadas“, explicou. En canto ao traballador delegado sindical despedido, Santalla alegou “razóns disciplinarias, ante as infraccións moi graves por el cometidas”.
Xa fora condenado en 2002 por acusar do seu sobriño de 6 anos con parálise cerebral. E en 2021 tamén era condenado a 15 anos de prisión por un delito continuado de agresión sexual sobre o seu fillo menor. Pero a esta condena haberá que sumarlle unha nova, de 23 anos de prisión, aprobada pola sección primeira da Audiencia Provincial da Coruña por agredir sexualmente, maltratar, coaccionar e ameazar a súa parella.
O tribunal considera probado que o procesado mantivo unha relación sentimental coa vítima durante 19 anos, durante os cales tiveron tres fillos. Nos últimos anos de convivencia nun piso situado na Coruña, “o comportamento do condenado orientouse a reafirmar a súa superioridade respecto á súa parella e aos seus propios fillos, intensificando unha actitude previa”. Para iso empregaba, segundo a Sala, “violencia física e verbal en todo tipo de situacións, logrando crear, deste xeito, no núcleo familiar un estado constante de medo e submisión, que afectaba a todos os conviventes e que impedía unha relación normal no seo da familia”.
A Audiencia considera probado que esta situación se agravou a partir de maio de 2018, cando empezou “a insistir nos requirimentos á súa parella para que se dobregase ás súas esixencias sexuais, a pesar de que ela lle manifestara en ocasións a súa vontade contraria a manter relacións, de forma clara e reiterada”. En ocasións, ante tal negativa, “reaccionaba chamándoa `puta´ e `inútil´, co evidente afán de desprezala e humillala, golpeándoa ou rompendo obxectos, resultándolle indiferente que os seus fillos estivesen presentes”. A vítima, segundo a sentenza, “nunca acudiu a un centro médico nin denunciou a situación vivida ata que, en maio de 2019, o seu fillo menor lle comunicou que, desde había anos, o seu pai lle obrigaba a manter relacións sexuais con el”.
O acusado fora condenado, por sentenza firme en 2002, a cinco anos de prisión como autor dun delito de abusos sexuais na persoa do seu sobriño, que tiña seis anos e estaba afectado de parálise cerebral con afectación motora. Nunha sentenza de marzo de 2021, a Audiencia condenouno a 15 anos de prisión como autor dun delito continuado de agresión sexual na persoa do seu fillo menor, con inhabilitación absoluta durante o tempo da condena; inhabilitación especial para o exercicio da patria potestade, tutela, curatela, garda ou acollemento con relación aos seus fillos. A sentenza non é firme, pois contra ela cabe presentar recurso ante o TSXG.
O TSXG confirma a condena imposta a un home por abusar sexualmente da súa veciña no ascensor
A Sala do Civil e Penal do Tribunal Superior de Xustiza de Galicia (TSXG) confirmou a condena do pagamento dunha multa de 3.960 euros imposta a un home por abusar sexualmente da súa veciña. Desta forma, avalou a sentenza da sección sexta da Audiencia Provincial da Coruña, que no seu relato de feitos probados indica que o 23 de xullo de 2019, o acusado, con ánimo de satisfacer os seus desexos sexuais e aproveitando o feito de que a prexudicada subía con el no ascensor do seu edificio, pediulle que lle dese un abrazo, ao que accedeu a prexudicada por ser coñecidos e manter unha relación de amizade e veciñanza desde hai moitos anos.
Nese momento, segundo o fallo, agarrouna fortemente polas nádegas, a mordisqueou na zona do pescozo e lambeulle o lóbulo da orella dereita, á vez que tentaba darlle bicos, ata que a vítima o apartou cos brazos, momento en que conseguiu saír do ascensor. O procesado, ademais da a pena de multa, foi condenado a pagarlle á afectada unha indemnización de 5.000 euros.
Curioso o novo informe sobre rendibilidade inmobiliaria que vén de lanzar Idealista, que sitúa a cidade dA Coruña entre as capitais españolas onde a rendibilidade do investimento en vivenda é menor
Se Murcia ten unha taxa de rendibilidade do 8,3% no terceiro trimestre, A Coruña anda no 4,7%, lonxe da media estatal, que se mantén no 7,1%.
O antigamente coñecido como Campo da Leyma, agora Victor Fernandez Alonso, acolleu esta fin de semana a 3ª xornada da Liga Atlántica de Billarda. Nada menos que 66 palanadores das provincias de Lugo, Pontevedra e Coruña conformaron unha das mellores xornadas de billarda dos últimos anos.
Toda unha xornada de rescate deste xogo tradicional, que as xentes da LNB están convertindo en toda unha referencia deportiva.
Unha materia na que son potencia os Filloas de Sangue e os Foucellas, dous equipos da Coruña, pero que teñen duros competidores en campións como os equipos de Paiosaco, A Laracha, Cerceda ou Sanxenxo.
Precisamente, na clasificación final por equipos venceu o “Filloas de Sangue” da A Coruña, por dos Billardeiros Musicais de Ribadeo, e o APB-A Laracha.
Podio infantil
Na categoría infantil, fixo valer o potencial herculino Valentín (Filloas de Sangue-A Coruña), vencendo a Juan(Foucellas -A Coruña) e a Kevin (APB-A Laracha).
En Categoría feminina houbo dominio lucense, con Dori e Geni (de Billardeiros Musicais -Ribadeo) e Delia (Billarda Río Miño – Castro de Ribeiras de Lea-Lugo), copando o podio.
Xa en absoluta, Corton (Castro de Ribeiras de Lea-Lugo) foi o campión por diante de Abel Regueiro e David (dos Cochiqueiros de Cerceda).
A próxima xornada disputarase en Paiosaco o 22 de outubro.
![[Vídeo] A CIG maniféstase no Club do Mar en respulsa a un novo despedimento](https://xornaldacoruna.gal/wp-content/uploads/2023/10/Concentracion-no-Club-do-Mar-CIG-768x576.jpeg "[Vídeo] A CIG maniféstase no Club do Mar en respulsa a un novo despedimento")
