Inicio Blog Páxina 559

Deteñen un home no interior dun piso onde tentaba roubar

europapress
-
0
Deteñen un home no interior dun piso onde tentaba roubar

A Policía Nacional detivo a un home por un delito de roubo con forza nunha vivenda do centro da Coruña, segundo informa a Xefatura Superior de Policía en Galicia.

Ao nove horas do luns, os propietarios dunha vivenda na rúa Juan Flórez, cando accedían ao portal, sorprenderon a un home baixando polas escaleiras. Non era coñecido por ningún deles e portaba ademais varias bolsas con aveños.

Ao ser sorprendido, este home fuxiu escaleiras arriba, e os propietarios decidiron chamar á policía. En poucos minutos, axentes do grupo de Atención ao Cidadán presentáronse no lugar e comezaron unha procura polo edificio.

A porta do domicilio fora forzada cunha palanqueta. Os policías entran na vivenda e observaron todo o interior revolto, así como ao ladrón escondido nunha das estancias. Finalmente, os axentes detivérono por un delito de roubo con forza. Nas bolsas coas que pretendía fuxir, introducira aveños que roubara na vivenda: aparellos electrónicos, un reloxo de alta gama, xoias e diñeiro en efectivo.

SETE ANOS POR UN MACHETAZO

O Tribunal Superior de Xustiza de Galicia (TSXG) confirmou a condena de sete anos de cárcere imposto a un acusado de dar un machetazo na cabeza a outro nunha vivenda da rolda de Nelle, na Coruña. A sala do civil e penal do tribunal, do mesmo xeito que a Audiencia Provincial da Coruña, considérao autor dun delito de intento de homicidio.

Os maxistrados tamén ratificaron a pena de catro anos de prisión imposta ao outro home implicado nos feitos por cometer un delito de lesións agravadas polo uso de instrumento perigoso. O tribunal avala o relato de feitos probados da sentenza de primeira instancia, na que consta que ambos se personaron en xaneiro de 2022 nun inmoble en cuxo interior se atopaban varias persoas. Tras acceder á vivenda, un deles dirixiuse cara a un dos presentes, con quen mantiña unha mala relación por un incidente previo, e propinoulle dous machetazos “con ánimo de atentar contra a súa vida”, un na cabeza e outro nun brazo.

Acto seguido, o segundo condenado, con outro machete que tamén portaba nas mans, lanzou un golpe cara a outra das persoas que estaban no piso e alcanzouno nun brazo.

O sector inmobiliario galego rexeita a declaración da Coruña como “zona tensionada” en materia de vivenda

europapress
-
0
O sector inmobiliario galego rexeita a declaración da Coruña como “zona tensionada” en materia de vivenda

Non parece saír adiante a proposta da alcaldesa de declarar a Coruña como “zona de mercado residencial tensionado”. Onte era a Xunta a que sinalaba que a proposta “carecía de contido” ao non ser avalada por ningún informe. E hoxe reinciden nesa negativa os Colexio oficial de Axentes da Propiedade Inmobiliaria da provincia da Coruña, o Colexio oficial de Administradores de Leiras de Galicia, o Colexio oficial da Arquitectura Técnica da Coruña e a Asociación Provincial de Promotores Inmobiliarios. Unha lectura esperada, en calquera caso, do tecido empresarial ante unha posible intervención estatal no sector inmobiliario.

As catro entidades consideran que se trata dunha medida “que debe ir precedida dunha ponderada análise das circunstancias concorrentes en cada localidade e cada barrio e, moi especialmente, dos posibles efectos negativos que esa declaración pode supor para as ditas cidades” (en referencia a que o Concello de Santiago tamén fixo a mesma petición).

Neste sentido, indican que “os principais efectos, como a limitación das rendas e o alongamento dos prazos dos contratos, xa existiron en épocas pasadas e a súa principal consecuencia aínda é visible hoxe día. Un parque de aluguer moi reducido, moi pouco profesionalizado, sobre vivendas en bastante mal estado en moitos casos, e, como consecuencia de todo iso, sometido a enormes tensións nos prezos e nos prazos”, engaden.

Os representantes dos devanditos colectivos profesionais cren que “para incrementar a oferta de vivenda en aluguer e facilitar, con iso, que se conteñan os prezos, e partindo de que máis do 90% do mercado de vivenda en aluguer está en mans de pequenos propietarios ou familias, debe dotarse aos propietarios da necesaria seguridade xurídica e económica”.

Máis novas

A Xunta ve carente de “contido” a petición da Coruña para declarar “zona tensionada” a cidade polo aluguer

O Concello da Coruña pide á Xunta que se controlen os prezos dos alugueres na cidade

Arrincou unha nova edición da Universidade Sénior de Arteixo

Ubaldo Cerqueiro
-
0
Arrincou unha nova edición da Universidade Sénior de Arteixo

Onte, luns 9 de outubro, arrincou no Centro Cívico Cultural de Arteixo, a primeira das sesións da nova edición do Programa de Democratización do Coñecemento que impulsa a Universidade Sénior para as persoas maiores de 50 anos de Arteixo.

Son 39 as persoas matriculadas nesta iniciativa deslocalizadora da Universidade da Coruña, que trata de manter activos e cheos de coñecemento aos maiores da comarca. 

directora da Universidade Sénior, Matilde García Sánchez, e maila concelleira, Inés Ramos Álvarez. 
A directora da Universidade Sénior, Matilde García Sánchez, e maila concelleira, Inés Ramos Álvarez, presentaron o acto de inauguración

O programa consta de tres módulos, con sesións teóricas, de 17 a 19 horas, e sesións prácticas, impartidas, en dous días a semana, por profesorado da Universidade da Coruña, nas que se abordarán diferentes temáticas: 

MÓDULO I: “ARTE E PATRIMONIO” 

  • 9 de outubro. “Unha filosofía da amizade: Michel de Montaigne”. Prof. Alberto Sucasas Peón 
  • 10 de outubro. “Divertimentos amorosos nos cartóns de Goya”. Prof. J. de Dios Ruano Gómez 
  • 16 de outubro. “Picasso, ruptura da historia”. Prof. José Ramón Soraluce Blond 
  • 17 de outubro, de 10:30 a 13:30 horas. Visita cultural 
MÓDULO II: “CIENCIA E TECNOLOXÍA” 
  • 23 de outubro. “Matemáticas, existen en todas partes?”. Prof. Mª Cristina Naya Riveiro  
  • 24 de outubro. “Importancia da Ciencia e a Tecnoloxía na Historia e na Sociedade Actual”. Prof. Juan José Galán Díaz 
  • 30 de outubro. “Xeobotánica, a Ciencia que nos fai entender e valorar a nosa contorna”. Prof. Javier Cremades Ugarte 
  • 31 de outubro. Saída de campo
 

MÓDULO III: “SAÚDE E BENESTAR” 

  • 7 de novembro. “Xenéticamente deseñados para o movemento”. Prof. Esther Fernández Fernández 
  • 8 de novembro. “Durmir ben, vivir mellor: Importancia do sono para unha vida plena”. Prof. Carmen de Labra Pinedo  
  • 13 de novembro. “Tecnoloxía para a Saúde e a Vida Activa”. Prof. Betania Groba González e Prof. Laura Nieto Riveiro. 
  • 14 de novembro. Sesión práctica de Nutrición 

 

O día 14 de novembro, a partir das 19 horas, terá lugar o Acto de clausura e entrega de diplomas. 

 

Declaran en Alerta Severa por seca as zonas do Anllóns e da Costa da Coruña

editor
-
0
Declaran en Alerta Severa por seca as zonas do Anllóns e da Costa da Coruña

As zonas do Río Anllóns e da Costa da Coruña son as primeiras en ver activadas a Alerta Severa por Escaseza de Auga en Galicia. Así o anunciou esta mañá de luns 8 de outubro, no marcou doutra xornada onde se superaron os 25º, a Oficina Técnica da Seca, formada por Augas de Galicia, Protección Civil, Meteogalicia, a Consellería do Medio Rural e a Consellería de Sanidade. As chuvias, “tormentosas e irregulares”, da primeira semana de setembro permitiu unha lixeira subida do caudal medio dos ríos, pero as temperaturas deste outubro provocaron unha rápida baixada ata os valores previos.

Mapa da aleta por seca Galicia-Outubro 2023
Mapa da seca en Galicia neste outubro 2023

No caso da Coruña e e comarca, as reservas do encoro de Cecebre seguen baixando, cunha ocupación actual do 43,61%, e a incerteza ante o futuro é máxima. En calquera caso, aseguran que “a situación non é alarmante a curto prazo desde o punto de vista do abastecemento, pois a zona do sistema de abastecemento do río Mero, Arteixo e ría da Coruña, conta cunha reserva importante de auga no lago das Encrobas”.

O resto dos sistemas de abastecemento da demarcación Galicia-Costa presentan niveis normais, cunha ocupación dos encoros de 64,44%, 6,16 puntos por riba con respecto ao mesmo período do ano anterior.

En calquera caso, a Xunta insta aos Concellos a tomar medidas para reducir os consumos, así como levar a cabo un labor de concienciación cidadá e un control axeitado dos usos da auga.

Avisan que malia que o mes de outubro está a comezar seco e cálido, prevén as primeiras borrascas para a segunda quincena.

A Xunta ve carente de “contido” a petición da Coruña para declarar “zona tensionada” a cidade polo aluguer

europapress
-
0
A Xunta ve carente de “contido” a petición da Coruña para declarar “zona tensionada” a cidade polo aluguer

A semana pasada o Concello da Coruña solicitaba á Xunta que tentase controlar os prezos dos alugueiros na cidade, a través da declaracipm da zona como “mercado tensionado”.

Esta mañá de 9 de setembro, a Xunta trasladou ao Concello da Coruña que a súa solicitude “carece de contido”. Así o informa tras unha reunión do director xeral do Instituto Galego de Vivenda e Solo (IGVS), Heriberto García, co concelleiro de Urbanismmo, Francisco Dinís.

Nun comunicado, sinala que lle trasladou ao edil que “o escrito presentado polo Concello a semana pasada carece de contido ao tratarse dunha mera solicitude e ao non estar acompañado de ningún estudo”.

En concreto, a Consellería de Medio Ambiente, Territorio e Vivenda incide, en base ao trasladado, en que é a Administración local a que “debe presentar un informe detallado que acredite a súa conveniencia e facer a declaración correspondente, tal e como establece a lei”.

Isto trasladoullo o director xeral do IGVS nun encontro no que a Xunta presentou ao Concello da Coruña a proposta de modificación da normativa urbanística para destinar a uso residencial dúas parcelas previstas actualmente para oficinas, co obxectivo de permitir a construción de 500 vivendas protexidas máis, na zona de Xuxán.

A Folga do servizo de limpeza de Correos continúa

editor
-
0
A Folga do servizo de limpeza de Correos continúa

Verdadeiros problemas de hixiene está causando a folga da limpeza do persoal de Correos. @s traballador@s decidiron este pasado sábado continuar coa folga aberta hai 3 semanas, “ata que non existan suficiente seguridade de que cobrarán os atrasos que se lles adebeda”, advertindo ademais a Correos de “que estarán atentas e denunciarán calquera medida antifolga que leve á suplir os seus postos de traballo”. Así o explica Xan Xove, delegado Sindical de CGT Correos que fai un repaso polos últimos movementos da empresa esatal.

O periplo arrincou o pasado 20 de seyembro, cando a CGT cursou unha denuncia á inspección de traballo pola “situación de insalubridade de determinados centros de traballo da nosa provincia”. Dende a CGT solicitaron á inspección que “valorase o precinto de determinados centros de traballo que non cumpren as súas condicións de seguridade e hixiene mínimos xa naquela altura”.

Pasaron dúas semanas e a inspección actuou, achegándose a diferentes centros de traballo, e esixiu a Correos a elaboración dun documento de prevención de riscos onde se analizara o estado dos mesmos. O 4 de Outubro a inspección convocou aos sindicatos e a Correos na sede da inspección da Coruña. Nesa cita Correos negouse a entregar ese documento realizado por Prevención de Riscos Laborais, afirmando que descoñecía da súa existencia, que non foi cursado ata días despois. ”Dende CGT queremos denunciar esta grave ocultación e instaremos á Inspección a que tome medidas inmediatas, incluíndo o precinto de centros”, explica o ex candidato da Marea Atántica.

Explican que “o documento, realizado polo servizo de prevención de Correos, analiza o estado dos centros entre o 27 de setembro e o 3 de outubro, e califica o risco, ante a insalubridade, de “moderado”, pero a continuación indica que: “esto no es óbice para que de manera muy cercana en el tiempo se pueda considerar que los riesgos (…) pasen a ser considerados como Riesgo Grave e Inminente (…) paralizándose automaticamente la actividad”.

Folga da Limpeza en COrreos Coruna
Estado dalgunhas oficinas da provincia

Licitadas pola Deputación da Coruña as obras de remodelación da avenida de Santa Cristina en Oleiros

europapress
-
0
Licitadas pola Deputación da Coruña as obras de remodelación da avenida de Santa Cristina en Oleiros

A Deputación da Coruña licitou as obras de remodelación da estrada DP-5804 de acceso á praia de Santa Cristina, en Oleiros, cun orzamento de 1,7 millóns de euros. As empresas interesadas poden presentar as súas ofertas ata o 6 de novembro.

Esta actuación permitirá renovar en gran medida esta avenida, “que na actualidade presenta unha serie de deficiencias, cunha actuación integral que ten por obxecto reordenar e humanizar o bulevar cunha delimitación clara da circulación do tráfico rodado e priorizando a mobilidade peonil”, explica a institución provincial.

O proxecto inclúe a ampliación das beirarrúas e habilitaranse zonas de estancia e puntos de encontro e zonas axardinadas, entre outras actuacións.

Por outra banda, a Deputación da Coruña e o Concello de Paderne estudan melloras na estrada provincial DP 0906, un viario principal que conecta Campolongo e Betanzos, atravesando boa parte do municipio de Paderne. Isto concretouse nunha reunión de traballo con presenza, entre outros, do presidente provincial, Valentín González Formoso.

Ademais, a Deputación publicou na Plataforma de Contratación do Estado a licitacion das obras de mellora da seguridade viaria na estrada provincial DP-1406, no Concello de Cabana de Bergantiños.

Executan o derrubamento do edificio dos Campóns

editor
-
0
Executan o derrubamento do edificio dos Campóns

Poucas veces se ven estas imaxes de demolición de edificios por moi ilegais que sexa e por moitas ordes de derrubamento que teñan enriba. Pero as consecuencias do #tivaifacendo dos tempos do boom urbanístico, ás veces se acaban pagando. É o caso do edificio ilegal dos Campóns (en Sigrás, Cambre), que estes días está sendo derrubado polo Concello de Cambre.

Trátase dun edificio de vivendas de bloque plurifamiliar de planta baixa máis tres plantas que foi construído no ano 1995. Tres anos despois paralizouse a construción deste inmoble por incumprir a normativa urbanística e por carecer tamén da correspondente licenza. A edificación, erguida en terreos clasificados como urbanos de núcleo rural, non cumpre tanto co tipo de vivenda como coa altura máxima permitida polo que non se pode legalizar nin sequera convertir en vivenda social.

A súa demolición é unha reivindicación histórica da Asociación Veciñal de Sigrás, e a orde de derrubo xa se solicitou en marzo de 2018, cando o Concello requiriu ao propietario un proxecto de demolición. Ao expirar o prazo de 5 meses, o Concello executa as obras de forma subsidiarioa, por un montante de 112.429 euros que posteriormente lle cobrará ao propietario.

Dende o Concello sinalan que se deixará a parcela dacordo coa rasante preexistente e que se protexerán os elementos públicos que poidan verse afectados pola realización destas obras.

 

Máis novas

O alcalde de Cambre suspéndese a nómina ata resolver os pagos a proveedores provocado polo “bloqueo” da Secretaría

Paco Vázquez e a Constitución

Ubaldo Cerqueiro and europapress
-
0
Paco Vázquez e a Constitución

Quixo estar o exalcalde socialista da Coruña, Paco Vázquez, na manifestación celebrada onte en Barcelona convocada por Sociedade Civil Catalá (SCC), á que se sumaron os partidos de PP e VOX. Suxeitando a Constitución na súa man, reivindicou a vixencia da Constitución e chamou a defendela, acusando os independentistas de “querer impor un modelo de sociedade, de adoutrinar e de converter as escolas en instrumento político”.

Vázquez, ao igual que os Alfonso Guerra ou Felipe González, volveu demostrar a evolución dereitista da vella garda socialista. Volvendo aos tempos das Cortes de Cádiz, mesturou nuns minutos a amnistía e autodeterminación (do que trataba a manifestación, calificados polo presidente de SCC como “atentado contra a democracia e os cimentos da convivencia”) coas malchamadas “liberdades”, os “golpistas”, “un novo Godoy”, “traidores”, “perxurio ideolóxico” ou ata “Venezuela”.

“Estamos aquí porque nos quieren robar Cataluña” e porque “nos quieren robar España”. “Non é un debate político entre constitucionalistas: é un proxecto para que uns sigan no goberno e outros avancen nos seus obxectivos independentistas e derrogar a Constitución”, sinalou Vázquez, que criticou que estas accións “deslexitiman a lei e a xustiza”.


XORNALISTAS INCREPADOS

Ao final da manifestación, algúns participantes increparon a xornalistas de TVE, TV3 e A Sexta cando tentaban conectar en directo, gritándolles ‘covardes’ e ‘manipuladores’.

O acto acabou con ‘O cant da Senyera’, o himno de España, o da Unión Europea e a canción ‘Resistiré’, do Dúo Dinámico.

A portavoz municipal do PSOE en Arteixo, Patricia Boedo, renuncia á súa acta de concelleira por “motivos persoais”

europapress
-
0
A portavoz municipal do PSOE en Arteixo, Patricia Boedo, renuncia á súa acta de concelleira por “motivos persoais”

A portavoz municipal do PSOE en Arteixo e candidata nas eleccións locais do pasado maio, Patricia Boedo, confirmou que renuncia á súa acta de concelleira “por motivos persoais” e que deixará o Concello, aínda que seguirá como vicesecretaria xeral da agrupación socialista local.

Así o confirmou o partido a través dun comunicado, e así o trasladou tamén a propia Patricia Boedo nunha carta remitida aos seus compañeiros de partido. Nesa misiva, explicou que a súa renuncia é “unha decisión moi meditada” e que lle custou adoptar, pero matiza que é “a única decisión posible” debido a motivos persoais.

Boedo expón tamén que se trata de “un paso atrás dos que se dan para recuperarse e coller impulso” e que seguirá “comprometida co proxecto socialista e con Arteixo”, participando na vida orgánica do partido, desde a Executiva local.

Boedo agradeceu tamén o apoio dos seus compañeiros e compañeiras do grupo municipal e da Comisión Executiva local, así como da militancia, “pola forza” que sempre achegaron ao proxecto do PSOE de Arteixo.

Patricia Boedo é concelleira en Arteixo desde as eleccións de 2019, cando formou parte da lista encabezada por Martín Seco, e foi portavoz do grupo municipal desde maio de 2022. En 2023 foi designada candidata á Alcaldía. Ademais de vicesecretaria da Executiva local, forma parte de comité provincial do PSOE da Coruña e do comité nacional do PSdeG.

1...558559560...783Page 559 of 783