Inicio Blog Páxina 562

Protección social e emprego, prioridades da Deputación nos orzamentos de 2023

0

Deputación da Coruña terá o próximo ano un orzamento de 207,2 millónsun 9,4 % máis que este exercicio, cunha xestión centrada na protección social, o emprego ou a loita contra o despoboamento no rural.

Así o informaron o presidente provincial, Valentín González Formoso, xunto aos deputados de Economía e Facenda, Antonio Leira, e de Igualdade, María Muiño, que presentaron unhas contas que se someterán a aprobación no pleno do venres, día 25.

“Son os orzamentos máis altos da historia da Deputación e teñen como prioridades a creación de emprego e actividade económica na provincia, o reforzo dos programas sociais e a loita contra o abandono do rural”, manifestou González Formoso sobre un orzamento que será o último do mandato.

“Esta institución serve de contrapunto a outra forma de gobernar”, dixo en alusión á Xunta, cuxa política que considerou que non está “apegada á realidade”. “Priorizando baixadas de impostos aos máis ricos ou prescindindo de elementos como o ‘Cartón Básico'”, citou, entre outros exemplos.

Fronte a iso, asegurou que a Deputación aposta por “liñas que lle importan á xente”. Entre outras cuestións, apuntou á creación de 5.000 postos de traballo a través do plan de emprego local ou a creación de 2.062 empresas.

ORZAMENTOS “EXPANSIVOS”

“Son uns orzamentos ambiciosos e expansivos con incrementos en cada área da deputación provincial“, expuxo, á súa vez, María Muiño, quen destacou a “cooperación” cos concellos da provincia.

Das distintas partidas, o deputado Antonio Leira resaltou, á súa vez, que os consistorios a partir do 1 de xaneiro “poidan saber a partida que van ter por parte da deputación provincial”.

Das distintas consignadas, o Plan Único, cunha contía inicial de 47 millóns de euros, volverá ser o principal programa de investimentos. A área social (22,8 millóns); emprego (12,9 millóns) e as obras en estradas provinciais (19,4 millóns) destacan entre as principais partidas dos orzamentos.

A alcaldesa da Coruña pide á Xunta “propostas realistas” aos retos de mobilidade na cidade

0

A alcaldesa da Coruña, Inés Rei, instou á Xunta de Galicia a que “poña da súa parte” e dea “respostas e propostas realistas” aos retos de mobilidade na cidade. Así o manifestou a preguntas dos xornalistas sobre a aprobación provisional por parte do Ministerio de Transportes, Mobilidade e Axenda Urbana do proxecto de ampliación da ponte da Pasaxe, tras agradecer ao goberno de Pedro Sánchez que se fagan “investimentos importantes que levan tempo demandadas e que contribúan a mellorar a mobilidade”.

“Gustaríame que a administración que ten competencias en materia de mobilidade metropolitana como é a Xunta entendese isto tamén e puxese do seu parte para mellorar as conexións por autobús e para dar respostas e propostas realistas aos retos da mobilidade”, engadiu.

O orzamento de licitación estimado para esta primeira fase, que inclúe a ampliación do viaduto sobre a ría do Burgo e adaptación das ligazóns adxacentes, é de 31,3 millóns de euros, segundo explicou o Ministerio nun comunicado.

O obxecto do proxecto é a construción dunha nova estrutura paralela á existente, inmediatamente ao norte da actual, para aumentar a capacidade e mellorar as condicións de explotación da estrada.

“Menos postureo e máis salarios”: As traballadoras das tendas de Inditex manteñen a folga para o ‘Black Friday’

0

“Menos postureo e máis salarios” é o lema escollido pola CIG de cara á xustificar a folga das traballadoras das tendas da Coruña de Inditex para este próximo 25 de novembro, o ‘Black Friday’. Unha folga que continúa o calendario de mobilizacións trala manfiestación celebrada a semana pasada.

Despois da falta de avances na reunión entre patronal e sindicatos (“tomáronnos o pelo”, considera a CIG), as asembleas da Coruña, Ferrol e Compostela, acordaron manter o paro nas tendas de Zara, Zara Home, Stradivarius, Bershka, Pull&Bear, Oysho, Tempe, Lefties, Massimo Dutti e Kiddy’s Class.

Hai moitas diferencia aínda no aumento de soldo pedido polas traballadoras (o sector está composto por 1.300 mulleres e apenas 100 homes). A empresa propón un incremento de 120 euros para 2022, outros 20 para 2023 e 40 para 2024, un total de 180 euros, cando as traballadoras reclaman entre 440 e 500 euros para todo o persoal.

Dende a CIG aseguran que as traballadoras só buscan un salario “decente”, lamentando que “moitas” destas dependentas teñen “dificultades para chegar a fin de mes”, e resalta que isto ocorre na mesma provincia na que Inditex ten a central, por iso é polo que “se mobilicen máis”. Ademais, aseguran que houbo un “endurecemento” nas condicións con respecto a cuestións como a conciliación desde que cambiou a dirección e Marta Ortega púxose á fronte.

 

Desviado o primeiro voo deste luns a Alvedro polo temporal

0

O temporal de vento que afecta a Galicia obrigou a desviar nas últimas horas voos desde os tres aeroportos galegos. O máis prexudicado foi o de Vigo, con tres enlaces afectados.

En concreto, segundo confirmaron a Europa Press fontes de Aena, os dous últimos voos que chegaban este domingo desde a capital española ao aeroporto de Peinador non puideron aterrar polo vento e tiveron que regresar a Madrid. Esta mañá, outra ligazón, desde Barcelona, tivo que tomar terra en Santiago.

Pola súa banda, no aeroporto Rosalía de Castro da capital galega non puido tomar terra este domingo un voo procedente de Amsterdam, que se desviou a Barcelona; e no da Coruña desviouse a primeira ligazón procedente de Madrid, que aterrou en Compostela.

Como consecuencia destes desvíos, víronse afectados as ligazóns de regreso correspondentes , aínda que Aena lembrou que é responsabilidade das compañías aéreas ofrecer alternativas aos pasaxeiros.

25N: Un mes de actividades para berrar “Alto e claro” non á violencia de xénero

0

O Concello da Coruña programou un mes de actividades en torno ao 25N, Día Internacional da Eliminación da Violencia contra as Mulleres.

A lema deste ano, ‘Alto e claro’, profunda na necesidade de loitar contra a violencia de xénero desde as idades máis temperás e erradicar as actitudes machistas entre os máis novos.

Serán varias as conversas técnicas:
Este mesmo luns 21 arrincan as actividades coa conversa con Diana Díaz,  psicóloga, directora das liñas de Axuda do Teléfono/Chat ANAR da Fundación ANAR, ás 18:30h no salón de actos do Centro Cívico dos Mallos.
Carmen Ruiz, socióloga especializada en violencia de xénero en adolescentes e mocidade, falará sobre Coeducación e construción de relacións igualitarias, na xornada do 28 de novembro tamén nos Mallos.
O 2 de decembro será turno para Lluís Ballester Brage,  Sociólogo e traballador social experto na abordaxe de redes, pornografía e prostitución na mocida

Tamén haberá cafés literarios. Xa empezaron o pasado 18 con Nuria Coronado e Laura Strego, e continúan este día 24 no CIM con María Murnau, autora do libro de poesía “No puedo vivir sin mi”; e o 2 de decemrbo no Centro Cívico do Castrillón con Teresa Lozano e Zua Méndez, coordinadoras do libro “No somos princesas, somos guerreras: cuentos feministas para un nuevo mundo”.

Accións globais

O día 25, ás 11,00 horas, promoverase un percorrido que finalizará na chaira de Riazor, onde se formará un lazo humano e levará a cabo a lectura dun manifesto.

Ademais, do 21 ao 25 de novembro, un autobús violeta percorrerá distintos puntos da cidade ofrecendo contidos e actividades de participación sobre a violencia de xénero.

Atopan a un estibador morto no Porto da Coruña

0

Un estibador foi achado morto este domingo no peirao de San Diego, no Porto da Coruña, segundo informou o Servizo do 112 Galicia.

Detallan que, polo momento, as forzas da orde traballan para aclarar o ocorrido. O 112 recibiu o aviso ao redor das 9,30 horas, cando o persoal do Porto da Coruña solicita unha ambulancia do 061 para asistir a un estibador ao que un compañeiro atopara tendido no chan.

Desde o servizo deuse aviso aos servizos sanitarios, á Policía Nacional, á Garda Civil e á Autoridade Portuaria da Coruña.

Xa se xesta o trazado da ampliación da ponte da Pasaxe sobre a ría do Burgo

0

O Ministerio de Transportes, Mobilidade e Axenda Urbana aprobou provisionalmente o proxecto de ampliación da ponte da Pasaxe, en concreto a fase un da ampliación do viaduto sobre a ría do Burgo e adaptación das ligazóns adxacentes.

Segundo informa, proximamente someterase a trámite de información pública, o que implica a publicación do anuncio no Boletín Oficial do Estado (BOE). O orzamento de licitación estimado desta primeira fase é de 31,3 millóns de euros.

Con 40 anos de antigüidade unha lonxitude total de 225 metros, conta con tres carrís por sentido de circulación para os case 90.000 vehículos que circulan diariamente.

O obxecto do proxecto é a construción dunha nova estrutura paralela á existente, inmediatamente ao norte da actual, para aumentar a capacidade e mellorar as condicións de explotación da estrada, explica.

Nun comunicado, sinala que a ampliación de capacidade da ponte e os seus nós adxacentes beneficiará tanto á propia AC-12 como á avenida de Alfonso Molina (AC-11), “coa que conflúe na súa estribo A Coruña, as vías con maiores tráficos nos accesos á cidade da Coruña, e ás estradas autonómicas AC-173 e AC-174, coas que conflúe no estribo Oleiros”.

Carencias que non son poucas

A verdade é que levaba moito tempo agardando por un partido que definira ó Dépor desta tempada. Un partido que puxera en evidencia as nosas carencias e nos abra os ollos do noso nivel competitivo. Por fin chegou ese partido que resume o que somos e o que nos espera.

O Dépor é o que se viu onte: un equipo que fai moitas cousas ben e que non lle saca ningún rendemento. Un equipo que domina e crea ocasións coma non se vira en todo o ano, pero que non mete ningunha e cando por fin o fai, deixase remontar na casa con todo a favor. Non compremos ese discurso de que a Cultural chegou dúas veces e meteu dos goles, porque iso é xusto a mellor definición do verbo competir. E como isto vai de competir, ben para a Cultu e mal para o Depor.

O míster Cano dicía hai uns días que vía ao Dépor no alto da clasificación o acabar o ano, segundo o que vía nos adestramentos. Ben sabemos que isto non vai a ser así. Adestrar é unha cousa e competir e outra ben distinta, ademais, recortar 7 puntos ó Córdoba con 15 por xogar antes de fin de ano, resulta misión pouco acadable para este Dépor. Corre risco o míster de converter as roldas de prensa nunha sesión do clube da comedia, precisamente no momento histórico menos apto para risas do clube coruñés.

Din os que saben que as tempadas están feitas por terzos. Co de onte, acábase o primeiro terzo da tempada, ese que che di polo que vas loitar. O segundo terzo colócate nas posición do teu obxectivo e o último terzo confirma ou nega a túa realidade.
Xa sabemos que o Dépor non loitará polo liderato, terá que pelexar o play off. Aínda así, o seu obxectivo está intacto, que llo digan ó Albacete.

  • Miguel Barreiro Bugallo. Coruñés e deportivista no exilio mesetario. Sufrindo ó Dépor dende 1988. O que sei de fútbol, o Dépor empéñase en negarmo. Firme defensor do fútbol de botas negras.

A decisión sobre a expulsión do deputado socialista Martín Seco podería chegar a próxima semana

0

PSdeG remitiu a Ferraz o expediente sancionador que solicita a suspensión de militancia e a expulsión do Grupo Parlamentario do deputado autonómico Martín Seco motivado tras un discurso desde a tribuna do hemiciclo no que manifestou as súas discrepancias coa dirección do partido.

A decisión sobre o futuro de Secoafín ao exsecretario xeral dos socialistas galegos, Gonzalo Caballero; podería chegar a próxima semana, segundo apuntan fontes próximas á dirección do PSdeG, que considera os feitos constituíntes dunha falta moi grave. O implicado, pola súa banda, trasladou a Europa Press que aínda non ten constancia oficial do paso dado pola Secretaría de Organización galega.

A cúpula da organización que encabeza Valentín González Formoso considera que a intervención parlamentaria de Seco durante o debate da Lei de áreas empresariais foi “a pinga que colmou o vaso” dunha actitude “desleal” que comezou no propio congreso autonómico que supuxo a substitución na dirección do PSdeG tras a vitoria de Formoso sobre Caballero.

Fontes próximas á dirección lembran que Seco foi un dos protagonistas dun incidente durante o citado congreso no que un grupo de militantes levantou a voz para cuestionar a organización do conclave dos socialistas.

A estes feitos, continúan, sucedérono mensaxes públicas nos que Seco cuestionou decisións adoptadas pola dirección de González Formoso e polo Goberno de España, entre elas, segundo estas fontes, sobre o acordo asinado con Marrocos sobre o Sahara.

Mellora do ‘plus sede’ para os dependentes de Inditex

0

Inditex concederá un incentivo vinculado a vendas a todos os dependentes de España, a maioría mulleres, e revisará os sistemas de comisións de vendas, á vez que mellorará o ‘plus sede’ aos da Coruña, segundo o acordo asinado cos sindicatos CC.OO. e UGT, que non contou co respaldo da Confederación Intersindical Galega (CIG).

Tras varias roldas de negociacións cos sindicatos, a compañía fundada por Amancio Ortega acordou ofrecer un incentivo vinculado a vendas que os dependentes do grupo de España cobrarán en febreiro de 2023 e mellorar as comisións nun contexto marcado pola inflación e a perda de poder adquisitivo, segundo informaron a Europa Press fontes coñecedoras do acordo.

En concreto, o acordo contempla a recuperación do incentivo de dependentes en todo o grupoque se eliminou coa pandemia, aumentando a súa contía a 1.000 euros (600 euros para xornadas menores de 24 horas), que se abonará na nómina de febreiro de 2023, á vez que abre unha negociación para establecer en todas as marcas da compañía un sistema de incentivos e comisións “máis transparente, universal e equitativo, ademais de ter en consideración a omnicanalidade de vendas física e ‘en liña”, explicaron os sindicatos asinantes.

Á marxe destas medidas para a forza de vendas de todo o territorio nacional, Inditex e os sindicatos CC.OO. e UGT asinaron a mellora do ‘plus sede’ para os dependentes da Coruña, cun incremento progresivo repartido en tres anos.

Así, a compañía incrementará na Coruña o ‘plus sede’ (2.700 euros para 2022, 3.000 euros para 2023, 3.600 euros para 2024), o que supón subidas de 1.843,95 euros, 2.143,95 euros e 2.743.95 euros, respectivamente, que serán superiores, segundo os sindicatos, coas porcentaxes de subida que se pacten en convenio.

Igualmente, a dirección do grupo Inditex comprometeuse no acordo á implicarse máis no desbloqueo e actualización salarial dos convenios autonómicos e provinciais.

Segundo os sindicatos, o 57 % dos traballadores de Inditex están actualmente en convenios sen renovar e, en consecuencia, coas súas retribucións conxeladas, o que necesariamente pode levar a escenarios de conflito no mes de decembro neses ámbitos territoriais.