A candidatura da Marea Atlántica vén de sumar outros 7 nomes á lista encabezada por Xan Xove.
- Ana Louzán, cofundadora da ONG Viraventos, que traballa con persoas migrantes;
- Marian Ledesma, cantante profesional e traballadora da cultura;
- Cristina Antelo, traballadora da atención á dependencia e integrante da Plataforma SAF Galicia;
- Soledad Cundíns, presidenta da protectora de animais Coruña Gatuna.
- Eva García Amador, da Asociación Veciñal da Cidade Vella;
- Marcial Blanco, socio traballador da cooperativa Zocamiñoca de alimentación de proximidade e activista pola cultura e a mobilidade sostible;
- Sabela Pérez, ecoloxista e veciña do barrio de Durmideiras.
Estes son os sete nomes que se suman aos dez escollidos en primarias no mes de novembro, e aos cinco anunciados a semana pasada: Mariló Candedo, pedagoga e docente na Universidade da Coruña; Araceli Serantes, profesora doutora da UDC e un referente no ecoloxismo galego; Iván Núñez, adestrador e formador de deportistas, campión de España e récord de Galicia en lanzamento de peso; Gema Rivera, enfermeira xubilada e responsable de Anova na Coruña; e Txemi Jiménez, arquitecto técnico e representante de Verdes-Equo.
Quedan aínda algúns nomes para completar a papeleta electoral, que se darán a coñecer nos vindeiros días xunto coa orde definitiva que ocuparán na lista.
