“As bicicletas si son para Galicia” é unha sentenza, unha afirmación moi clara, unha declaración de principios. E tamén é o título do libro realizado por Catro Ventos Editora para seguir espallando a necesidade de asumir a bici como un vehículo de transporte urbano e rural.
Para dar conta, este venres 23 de febreiro, o Taller Reciclos da Asoc. Mobi-liza (sito no antigo Padre Rubinos, na Avenida de Labañou, 10, A Coruña), acolle ás 20:00h a presentación do libro, da man de Patricia Buxán Outeiro, editora e coautora, Daniel Díaz Grandío, colaborador e experto en mobilidade, e Álex Voces, presidente de Mobi-liza.
O libro pasa por ser unha guía práctica que conta con entrevistas a colectivos e persoas ciclousuarias que usan a bicicleta en diversos contextos de Galicia, consellos prácticos e apuntes terminolóxicos con soporte ilustrado.
Máis novas
Reciclos, o taller social de Mobi-Liza que segue espallando a cultura da bici
