InicioDEPORTESO Basquet Coruña fai historia e pon a cidade por primeira vez...

O Basquet Coruña fai historia e pon a cidade por primeira vez en ACB

Publicada o

Por Ubaldo Cerqueiro

Vanse cumplindo os máis grandes soños da cidade. Xa vivimos o ascenso do Dépor Fem, e mentres agardamos que o domingo sexa o día cumio, este venres a cidade vibrou coa consecución do ascenso á Liga ACB por parte do Leyma Basquet Coruña.

O club, fundado en 1996, tras unha marea de idas e vidas, pon a cidade na elite do baloncesto estatal. O ano que vén pasarán polo Coliseo (o club terá que disputar alí os partidos) equipos como o Madrid, o Barça ou o Berogán, que onte tamén aseguraba a permanencia na máxima categoría (haberá se pode facelo tamén o Obra).

E pouco a pouco, a cidade vaise enganchando ao laranxa. Despois de moitos anos disutando o playoff, estando a piques de conseguir o ascenso en 2016, a afección foi crecendo ao longo deste curso, ao acubillo das vitorias e do xogo bonito que destila o cadro de Diego Epifanio, enchendo o Forno de Riazor en varias ocasións e onte a fanZone de Riazor, instalada e cedida polo RC Deportivo.

Onte era a última xornada da temporada, e o equipo, malia estar moito máis dubitativo que habitualmente, non defraudou. O Lleida ía gañando de paliza así que non había presas, o equipo podería ascender mesmo perdendo (xa que en caso de empate co Lleida ou triple empate con Lleida e Burgos, ascendía o Leyma).

Ambientazo na FanZone de Riazor para o ascenso do Basquet Coruña
Ambientazo na FanZone de Riazor para o ascenso do Basquet Coruña

Non foi para nada o mellor partido dos de Epi, que fallaron e fallaron ocasións. Tivo que aparecer un dos máis queridos pola afección, Atu Diagné, para sacar ao equipo adiante, e cos seus 13 puntos 7 renotes e 4 tapóns, conseguiu darlle a volta a un resultado que empezaba adverso no último cuarto. Barrueta, con 19 puntos, foi o outro xogador clave para rematar no 74-80 final.

A pesar de que o partido tardou en arrincar, e houbo momentos algo fríos na explanada de Riazor, o gran dinamizador co que contamos na cidade, Sergio Tomé, o que conseguiu facer tremer o parking coas súas arengas na entrega de campións da LEB Oro, e facéndonos degustar a verdadeira importancia de convertirnos, por primeira vez na historia, en cidade ACB.

Recepción

Esta tarde de sábado 11, ás 19:15, recepción na FanZone de Riazor aos campións.

E o domingo, cambiamos o laranza polo branquiazul para vivir o ascenso do Dépor, dentro e fóra do estadio.

Máis novas

As contas do Basquet Coruña para celebrar este domingo o ascenso á ACB

 

Chegou o momento

 

O Depor Feminino celebra o primeiro ascenso da cidade apoiado polas familias

ÚLTIMAS

Homenaxe do PPdeG a Luísa Villalta coa presenza da nai, a irmá e un sobriño

O PPdeG celebrou este sábado un acto na Coruña polas Letras Galegas no que reivindicou...

Sabías que Pablo Picasso se estreou como retratista na Coruña?

Pablo Ruiz Picasso era un neno de 9 anos cando chegou á Coruña, aló...

A Coruña homenaxea a Luísa Villalta, “activista polo idioma” e muller “comprometida”

Autoridades e familiares de Luísa Villalta reivindicaron a obra e a figura da escritora...

Coruña homenaxea a Luísa Villalta, a poeta da ‘Cidade Alta’

Galicia celebra un ano máis a festa da súa lingua e das súas letras. A...

DEIXAR UN COMENTARIO

Please enter your comment!
Please enter your name here