Celebrou a Coruña, por partida cuádruple, o ansiado ascendo do Dépor á 2ª División. Tras 4 anos no inferno da 1ª “comemerda”, o equipo branquiazul conseguía fai 15 días o regreso ao fútbol profesional. E comezaban aí, tralo partido contra o Barça B, o carrusel de celebracións. Celebracións algo artificiais, algo enxauladas, pero que non evitaron que a marea branquiazul gozase do seu humilde triunfo.
View this post on Instagram
Xa a primeira hora do sábado, a Banda do Camión lanzaba o seu himno polos barrios, facendo parada nos Rosais e no Campo da Leña antes de levar o escenario móvil ata a zonad e Riazor.
Comezou a festa branquiazul a ritmo da Banda do Camión na Praza Elíptica dos Rosais!!
Gracias @cascarilleirinha !!Tendes os horarios da festa en https://t.co/32CIWWSgIN pic.twitter.com/z8NaBrbUfz
— Xornal da Coruña (@xornaldacoruna) May 25, 2024
O Depor non tivo piedade co Real Unión, que se xogada o descenso (finalmente se salvaba) e lle endosaba un claro 3-1 (cos goles de Rañul Alcaina, Salva Sevilla e mella) ante un Riazor, de novo ateigado, con máis de 27.000 persoas. A alusión a Arsenio e á súa mítica “Cuanto Sufrimos, Martín” que dá nome ao podcast por excelencia do deportivismo, daba un toque máis de emotividade á xornada.
Lucas calaba bocas sobre o céspede asegurando que queda en Riazor (por se aínda había dúbidas) e a comitiva montaba no bus disfrazada de piña e co pelo branco depor. Despois dun periplo pola cidade, o bus chegaba unha hora máis tarde do esperado a Catro Camiños. Esperaban milleiros de persoas, centos de familias desexando ver a esas estrellas.
Celebrando o ascenso do @RCDeportivo en Catro Camiños @Gconfidencial @fpdeportivistas pic.twitter.com/eXD8i1nVF4
— Xornal da Coruña (@xornaldacoruna) May 25, 2024
Xa non son aqueles tempos nos que a celebración era máis espontánea, sen a necesidade dun speaker que nos mandase cada cántico (ollo, que o traballo de Sergio Tomé é excepcional), nos que eramos os siareiros os que nos mollábamos na auga da fonte. Así e todo, a mocidade celebrou o seu baño de masas como previa a unha noite moi longa.
Domingo de María Pita
Finalmente se celebrou, tamén tarde, pero a tempo, a recepción municipal en María Pita, outro dos actos tradicionais dos fitos deportivistas. Unha vez envainadas as espadas irresponsablemente lanzadas o día despois do ascenso, o equipo subu ao palco esta tarde de domingo, ante unha praza ateigada, outra vez, de familias coruñesas.
Nova demostración así de que a cidade da Coruña sabe sufrir, pero tamén sabe gozar dos éxitos. Que cheguen moitos máis!.
Máis novas
