A Xunta de Goberno Local acordou a denegación da aprobación inicial do Estudo de Detalle da parcela 1 da Maestranza, para a construción de varias urbanizacións nas tres parcelas que quedan vacantes no histórico Campo da Estrada (as parcelas 1, 2 e 3; as dúas primeiras, propiedade de Lipromo, a última, de Invied-Defensa).
“Unha vitoria relevante do movemento asociativo na defensa do patrimionio público”, sinala orgullosa a plataforma Defenda do Común (DDC), que leva pelexando contra esta urbanización dende hai varios anos.
As razóns que agora fundamenta o acordo da Xunta de Goberno son coincidentes coas que Defensa do Común (e outras 20 entidades) presentara en agosto de 2021 ao primeiro Estudo de detalle (ED) presentado pola promotora (para as parcelas 1 e 2). Xa daquela, e e tal escrito de alegacións, DDC tiña exposto que aconstrucción en dita parcela suporía unha moi grave afectación aos valores patrimoniais do sistema defensivo e do conxunto da cidade vella (en ambos casos, BIC), tanto respecto dos elementos patrimoniais no subsolo como polo impacto visual en relación coas murallas e cidade vella.
Así, a plataforma lembra que segue vixente o proceso xudicial no TSXG contra do ED da parcela 2, pendente de sentenza e que DDC tamén ten impugnado ante o Xulgado a licenza dada a Lipromo para construir en dita parcela 2.
Piden, iso si, “deixar sen efecto o Plan Especial de 1994, que é o que atribúe a edificabilidade e aproveitamento urbanístico ás parcelas vacantes 1, 2 e 3”; así como “aprobar a modificación do PEPRI e PXOM, ordenando e poñendo en valor o BIC do sistema defensivo da cidade vella, cualificando esas tres parcelas como sistema dotacional público de espazo libre e zonas verdes”.
Máis novas do proceso
O TSXG admite a trámite un recurso contra a urbanización do Campo da Estrada-A Maestranza
