Acampa pola Paz e o Dereito a Refuxio fará entrega este xoves 11 de decembro, ás ás 11:45h no Salón de Actos da ONCE (Cantón Grande 3) do Recoñecemento Internacional Acampa á defensa dos DDHH 2025,
Será o médico anestesista e intensivista Refaat Alathamna o encargado de recoller o Recoñecemento Internacional Acampa, que lle será entregado polo cineasta español, Javier Fesser. Ninguén mellor que o Dr. Alathamna para representar ao colectivo de Médicos e Sanitarios de Gaza. Refaat chegou hai muy poucos días a España, coa mediación de Fesser, podendo escapar do inferno de Gaza xunto a súa familia, muller e seis fillos, o máis cativo nado en Xordania aos catro días de ser evacuados. Durante moitos meses, Refaat Alathamna foi os ollos de milleiros de persoas que a través das súas redes puideron asomar ao que estaba acontecendo en Gaza, saber sobre os mortos e os feridos que os ataques de Israel deixaban cada xornada, e que chegaban aos hospitais esnaquizados polas bombas para seren atendidos sen medios e mesmo en condicións infrahumanas. Tamén compartiu Refaat a agonía cotiá propia na procura de comida, de madeira para facer lume e poder quentala ou quentarse, ou de acubillo para os seus fillos. Con el sentimos o seu medo a perdelos e a esperanza nesa promesa tantas veces repetida e finalmente cumprida: vouvos sacar de aquí.
O oftalmólogo Mohamed Safa, nado en Cisxordania e afincado en Costa da Morte desde hai décadas, é un referente na nosa terra na defensa dos dereitos do pobo palestino. Acampa pola Paz pon en valor co Recoñecemento o seu activismo incansable.
Máis novas
Mohamed Safa: ”Non queremos unha loita étnica, isto é unha guerra anticolonialista”
